بسم الله الرحمن الرحيم


مهرة الشوق
======== للشاعر/ مشعل العبار

أداري طعنة أيامي والامس جرح منزفها
وأبي التاريخ يصبر لين أولف شعر وانشر به

تحيّر قصتي ضاقت على صدري بسولفها
وأحاول أحتوي المعنى ولكن ليتني أقدر به

تجيني عبرتي تبغي تبكيني واصرّفها
وأخفي شي في صدري مابي هالناس تشعر به

أغيّر وجهت أحلامي وأضيعها واحرّفها
وأخاف الحلم لا يكبر معايه وأرجع أغدر به

أربّي لوعة فيني وأمازحها وألاطفها
واسولف كثر ما اسولف خفوقي شعر وأبحر به

ألا يا بنت صعب إنّي ولو كثّرت أوصّفها
وأشوف الوصف ما يافي لو إنّه حيل يا قربه

خلاص النفس من بعدك ما عاد شي يخوّفها
عشقت الموت في لهفت غلاك وشاقني شربه

صراحه صرت غلطاتك أقاسيها وأطوّفها
لأني فيك منجوم بغرامك تايه دربه

أعرف اللغز بعيونك هذاك الرمش باطرفها
وأحلل نظرتك ظلمة فراق .. وبسمتك غربه

تسابقلك بيوت الشعر واتعزز مواقفها
وأعدلها على ذوقك على ما كنت تامر به

طلبتك لمحة منّك على أبياتي تشرفها
وعسى ما قلت يسترني معاك وتفرج الكربه

حياتي شعر قدامك تفرّج هاك .. هه .. شفها
تقهوى بيت فنجالك وجاك القلب وابشر به

تعجبت الطيور شلون تالف من يوالفها
تحلّق بالفضا الواسع تجي سربه ورى سربه

وبعد وشلون هالمويه تجي بالعين وأذرفها
يخطط ساحل جفوني سواقي ليل بالتربه

أشوف أشياء مهما قلت ما ظنيت أبنصفها
وحلات السمت مع مره يفاخر بي وأفاخر به

ونفش شيطاني أبيات على لساني وولفها
تعبت من همي المارد ندب حظّه وعزّر به

ألا يا قلب خلّ البنت هذي وش بها عفها
وعلى ما قيل حظّك قام خلّه ليش تعثر به

وحول باقي أيامك على فرقاه كيّفها
وضمّد منزف جروحك وقاوم طعنة الحربه

تناسيته وأقول أنساه لكن والله أعرفها
وأشمّ الطيب في ذكراه .. لو إن الحظ قصّر به[/poem]

للشاعر / مشعل العبار


منقول-------------

صح لسان الشاعــر ويعطيك العافيه على النقــل ...

صح لسان ابو مشاري ولاهنت على النقل