السلام عليكم ورحمة الله وبركاته
هذه قصيدة للشاعر فهدالجهني يمدح فيها سعدون الخوه رحمة الله

‏@‏@@@
سعدون يوم صكت علية اللواليب @
مسك أنصاب السيف ودقم أذبابة@
وأزبن قصيرة عن دروب بها عيب@
وخلاه يرقد لو تحوفه ذيابة @
وخلاه مثل الظيف عند المعازيب@
يما رحل عنهم وقفت ركابة@
والبيضاء للخوه بروس المراقيب@
يوم المليحي لاذ به والتجابة @
راحت علومه بين شرق وتغريب @
وغزو له البيضاء على راس لابة @
والذيب يالربيلي يجي ذيب @
اما تعشى سرق وإلا نهابة @

السلام عليكم ورحمة الله وبركاته -----------السلام عليكم ورحمة الله وبركاته -----------لي الفخرياعيال وايل ولي الصيت---لياقلت اناالوايليه تهتزديره-------ماهوغروريومي فيكم اعتزيت-------قبيلتي بلاكلامي وشعري شهيره----

	بسم الله الرحمن الرحيم اخواني اخواتي معكم الشاعره بنت الربيلي باذن الله تجدون مني مايسركم واقدم شكري لكم ولااسرة المنتدى والقائمين عليه واسال الله انايوفقني واياكم لمايحبه ويرضاه انه سميع مجيب

من محفوظات التي حصلت عليها من قصائد الخوة ونشرتها بكتابي قطوف الأزهار ما يلي :

* وهذه القصيدة قالها سعدون الخوه الربيلي الولدعي ينتخي عند جاره
المليحي الجهني ويسند على سعود فيقول :
الشيخ كـانـه فـي جمـوعـه غـزانـا *** قدامـه اللي وأن رموا للهدف طاح
عنـده خبـر عـن فعـلـنـا في عـدانـا *** لا جـاء نـهـارٍ بــه نـذيـر وصـيّـاح
يـبـي يـجـرب مـرنــا مــن حــلانــا *** حلويـن للصاحـب ومـريـن للصـاح
يا سعود واللـه ما يجون اقصرانـا *** من دونهم يا سعـود نبـيع الأرواح
وش عـذرنـا يـوم المليحي نصانـا *** من دونهم غير اشهب الملح ينزاح
الـجـار والـلـه شـعـرةٍ مـن لـحـانـا *** يبقـا عـزيـز ودايـم الوقـت مـرتـاح
الا إلـيـا مـتـنــا ومـاتــت نـســانـــا *** سـوالـف يـهـرج بــهـا كـل ســراح
وله أيضاً من قصيدة :
المرجلـه يا سعـود عسـره مكـيـده *** مـا تستوي لـلي مهينيـن وعـفـون
الـمـرجـلـة تـبـغـي عـلـوم بـعـيــده *** تـبـي رجـال بـالـدرك مـا يـهـابـون
* ومن شعر معزي بن مسعود الخوه الربيلي الولدعي هذه القصيدة قالها
يحث على العلوم الغانمة والمراجل فيقول :
يا الـلـه يـا خـلاق لـيـل ونـهــــاره *** الليل ظلماء وأبيض الصبح يقـفـاه
أنـك تـزهـي بـيـتـنـا بـعــتـمـــــاره *** حـتى نموت ويوصل العمـر منهـاه
عجزت من رقي الوعـر وانحـداره *** رجـم طويل وعـذب الرجـل مرقـاه
قالوا غديـت أرقبت لـك راس قـاره *** مثل الكذوب إلى ركب فوق زرقـاه
قـلـت التايـه اللي مـا تردد اخـبـاره *** حـي ومـيـّت بالـخـلا مـا احـدٍ جـاه
والـلـه عـليهـا مـا هرجـت القمـاره *** قلبي يحب الضيف وأطرب لطرياه
لا وجـهـت مـانـي بـحـال الخسـاره *** زودٍ على اللي حسب المال وأغلاه
مـا هـي حكايا الـلي يشطر اوجـاره *** يـفـرح إلـى شـاف المسيـّر تـعـداه
لا بــد مــا يــقـعــد مـقــيـم بــــداره *** مـن أخـر الـغـالـي حـري بـفـرقـاه
جـاه الكفن واللي بقش مـن اثمـاره *** العـمـل كانـه مـا كسر بأمـر دنيـاه
والـلـي هـداه الـلـه حـلـيـه أذكــاره *** كـلـن يقـول إلـى طـرى و حـلـولاه
وقال أيضاً معزي بن مسعود الخوه هذه القصيدة في معاني الرجال الطيبة
العـيـن تسهـر والخـلايـق ينـامـون *** عـمـال رمـشـي واقـف مـن بـلاهـا
لا عـاد لا غـلـه ولا هـزم بـالـنــون *** ما أدري عـلام العين تبكي شقاهـا
أكثـر شقـاهـا يـوم الأنـذال يقـفـون *** وأومـايـة لـلي أقـبـلـوا مـا حـلاهـا
قـلـط ثـلاث بوجههـم حيـن يلـفـون *** وأحمس ثـلاث ودن نـجـرٍ زهـاهـا
لـو تممـوا سقهـا لـزوم ايتقهـوون *** لا مـا تبـيـن وجيههم عـن صداهـا
سقها على اللي حول بيتك يحطون *** وأجـذه عن اللي يـوم حطوا تناهـا
قـام أيـتـلهـا وأهـل الكيـف يمشـون *** وقـاعـد إلـى من المقهوي ثـنـاهـا
يـا رازق الـلي بالعـلا مـا ايتـتـقـون *** وابـيـوتـهـم بـالـدرب لـلي بـغـاهـا
الصالحين اللي على الحق يمشـون *** مـا ايعاونون النفس عـلى طغـاهـا
اوقـت اللـوازم عـنـدنـا مـا يغيـبـون *** جـمـيـع عـلـه سـاحـنـيـن ادواهــا
وقال معزي بن مسعود الخوه هذه القصيدة معتزاً بنفسه ويقول يجب أن يقدر
الرجل ويحشم لطيب أفعاله وليس من أجل كثر ماله فيقول :

يـا عــم أفـيــدك بـالـذي زاد غــلـي *** شيمة كبير الراس من شان معزاه
قـلـط لـه الـمـركـا عـلى ركـن زلـي *** والشـور يقصر بينهـم ما سمعنـاه
وحـنـا لا قـالـوا تـالي الجيش خـلي *** نلحـق ردي الخال لـو مـا عرفنـاه
نـثـني وراء العـاقـة ونتـنـا المتـلي *** يـوم الـردي متـلاصـقـات شفـايـاه
لا جـيـت وسـط ربـاعـنـا مـا تمـلي *** سبحان من يأمرعلى النفس بهداه
الضيـف غـالي يـوم يـأتـي محـلـي *** لـو هـو قـليـل مـالـنـا مـا كـرهـنـاه
مـره بشمس ونـوب نـقعـد بضـلي *** والآدمـي يـمشي عـلـى قـد ممشـاه
الضيـف مـن عـاداتـنـا بـه انـهـلـي *** ولا يغتني راعي الحرا والمراجـاه
وأن راد ربـي هــم قـلـبـي أيــولـي *** والـلي بغـالي دبـر الـرزق وأجـراه
والـلـي طـلـبـنـا واحـدٍ مـا يـخـلـي *** هـو من هـو اللي يرزق العبد لولاه

اللله يعطيك العافيه على جهودك واهتمام
ك شـكــ وبارك الله فيك ـــرا لك ... لك مني أجمل تحية .

اخوي الخوه لك مني جزيل الشكر
الله يرحم الشيخ والفارس جدي سعدون الخوه

عنـده خبـر عـن فعـلـنـا في عـدانـا *** لا جـاء نـهـارٍ بــه نـذيـر وصـيّـاح
يـبـي يـجـرب مـرنــا مــن حــلانــا *** حلويـن للصاحـب ومـريـن للصـاح

يعطيكم العافية :::::::::::::