أختي الفاظله : العنزيه
لايزال الدنيا فيها خير إذا يوجد مثلك من أهل الإنصاف وإظهار الحق
وهذا يدل يا أختي على أفقك الواسع ورجاحة عقلك لما تحيطين به
حفظك الله ورعاك

المكرم فواز
اشكرك على هذا الجهد والمعلومات التي
كتبتها عن فخذ العطاعطه و وصلت لنا معلومات
يستفيد منها جميع فخذ العطاعطه ولك جزيل الشكر

الأخوة الكرام حصل عندنا في هذا الوقت التحليق في الفضاء الواسع حيث أجد الكثير من الشعراء يتفاخرون في الزير وكليب ويضعونهم من عنزة وهم من تغلب والحق يقال أنه من الواجب أن نبحث عن النوادر من قومنا في العصر الحاضر وما قبلهم فهم منهم فرسان وشعراء وأدباء وكرماء وعقدا ومشائخ ورجال فكر وفهم وقد تكرّم الأخ فواز بأبراز ما ندر من رجال العطاعطة حيث أن قبيلة عنزة مليئة بالنوادر وشكراً لأخينا فواز على هذه الأيضاحات والأعتزاز برجال من ربعه

الاخ / عبدالله العطيعط
لاشكر على الواجب وكما تفضلت البعض
لايعرف مايدورحوله

الأخ الأديب المؤرخ : عبدالله بن عبار
مبارك عليك الشهر الفضيل وعلى الأمه الإسلاميه عامه
لك الأحترام والتقدير على جهدك المتواصل وخدمتك لقبيلتك
وكل من عنده حق وإنصاف فهو يشهد لك بالمواقف المشرفه

الاخ / فواز
انت ذكرت اسماء شاعرات من العطاعطه
ولم تذكر لنا من شعرهن شي نرجو منك ان تفيدنا
اذا يوجدلهن شعر ونبي لكل قول دليل وشكرا لك

الأخ محمد
حياك الله وأنت حريص على المعلومة الثابتة

هله ترثي أبوها الفارس صامل العمى تقول :
اللي قطن عين أبو القير جيناه *** ما فز بالمظهور هو والعيالي
يالله تجعل جنة الخلد مــــــآواه *** الفارس اللي حامين للتوالـــي
هذا ما حفظت من القصيده

نمشه بنت حسين العنزي تقول :
ياناس وأحكوا على فلانان *** لايعذرب البيض ينهونـــــــــــه
بنات حمايل وأهل فرسان *** ومن حيهن مابهن بونـــــــــــه
بأبوي أفخر ومعه سلطان *** ومريزيق بالكون يطرونــــــــه
وتقصد أبوها حسين وعمها سلطان وجدها مريزيق
ولها قصيده أخرى تقول :
يالله ياللي رفعت سهــــــيل *** وفصلت نجوم الميازينـــــــــي
أطلبك ياربي التسهــــــــيل *** يالواحد إنك تشافينـــــــــــــــي
وخليف يركض نهار وليل *** وخرجيتي دوم يعطينــــــــــــي
وتقصد خليف بن سعيد ولد أخوها
ولقد جاراها خليف بهذه الأبيات :
يالله يا هادي العاصيـــن *** يا منزل الغيث تنزيلـــــــي
جاني جوابن كلامن زين *** ياماكر الطيب تحيينــــــــي
والله لو ينشرى من وين *** لاشري شبابك لو هو ديني

الزينه بنت صامل تقول :
العفو وا بعد أهل قــــداح *** وا بعد هيله عن السجه
ليا جيتها خاطري ينساح *** وبويتها كنه الحجــــــــه
وتقصد هيله صديقتها

مزنه العطيعط تقول :
من عافنا عفناه لو كان غالــــي *** ومن باعنا بالرخص بعناه بزهود
وش عاد لوهو بالمحبه حكالـــي *** لوكان من جود العهد يمسك العود
أصخي لمن هو بالمحبه صخالي *** ومن دار بنا الارباح درنا به الزود
نفسي زعوله ما تبقي لتالـــــــي *** اللي يجيبلي زلته كل مقــــــــــــرود

وعلينا أن ننصف النساء لان لهن من القصيد والطيب والمواقف المشرفه
ما توازي مواقف الرجال .
ومن هن النساء هن الام والاخت والبنت والخاله والعمه.
وللنساء حق بأن يفتخرن بابائهن واجدادهن الطيبين
وأما الرجال فلا فالرجل طيبه ياخذه بيمناه :
والشاهد على هذا قول الشاعر :
ليس الفتى من قال ذاك أبي *** ولكن الفتى من قال ها أنا
وخليف بن سعيد يقول :
المدح ما يفيد بفعول الاجدادي *** الشخص طيبه باعتماده على ذاته
وحياك الله أخوي محمد ولعل هذه المعلومات ترضيك .

الاخ / فواز
انت موسوعه عن تراثنا القديم ولو نكلف عليك
اذا يوجد شعراء من رجال العطاعطه غير الشعراء
اللي انت ذكرت نرجوا اخبارنا عنهم

حياك الله أخوي محمد
احفظ بعض مقتطفات أبيات غزليه لبعض رجال العطاعطه

النجدي المحدد يقول :
ياراكب اللي تكب الكــــــــــور *** والمحقبه تلاعب الثفنــه
أبي أتصبر ماجاني صـــــــبور *** دمعن هليته يجي حفنـــه
على عشيرن قطن بالخـــــور *** والعين ما غمضت جفنـه
لو عذلوني مــــا أطيع الشور *** كل المزايين توصف بــه

شريده العمى يقول :
أحذرك عن طردهن يا عبيد *** لو عاهدن هن يخوننـــــك
وش عاد تأكيدهن يا عبيـــد *** وليا أنكرن ما يعرفنــــــك

غديف الغدير يقول :
ياعوض تدي مواجيبـك *** يا شوق اللي شوفها شفاقه
يا فزعتي أنت وأدريبك *** من غيرها مالنا علاقــــــــه

فرد عليه عوض المحدد يقول :
يا غديف دور معازيبـــــك *** ترك لنا صالح الناقــــــه
ليا لفينا تهليبـــــــــــــــــك *** لا يابعد كل عشاقـــــــــه
يا غديف تغليك من طيبك *** يمناك للسمن دفاقــــــــه

هادي الهربان يقول :
ياراكبن فوق عمليـــــــه *** عن القراشيع نقداهــــــــا
أبي عشيرن صفى ليـــه *** أفز ليا أوحيت طرياهــــــا



هذا ما كنت أحفظه والشكر موصول لمرجعي اللي أنا أستقي منه المعلومات وهذا المرجع يعتبر من كبار السن المعاصر للماضي والحاضر .

الاخ فواز
فيه قصيدة رثا في احد رجال العطاعطه
نطلب منك تفيدنا عنها ولك الشكر