اقتباس : المشاركة الأصلية كتبت بواسطة متعب الفققي [ مشاهدة المشاركة ]

والله يا اخوان كلنا من بعضنا سوى ان كان من سكن القرى او في البوادي وابناء الاسره الواحده تختلف في تصرفاتها واخلاقها والرجال مهي واحد والطيب مقسم على الوجيه المفاليح واهلا بكم جميعا اما والله نبي نتخلص من الورطه الي ورطني بها صفوق ولياني عارف كيف اسوي لكن ابي اشوف عقب هالبيوتات ياصفوق يابن الاجواد ياطيب--- مع ابو شنب لاتسبب لي هوشه ابو شوارب كنها سيوف منسله-- قله ترى ماله عندي غير خرتوشه بندقيتا لها فمين دوم مليانه --- ان رميته تخلي شوشته منفوشه وعقب ادخل على الرجال او الوائلي--- الكل منهم يسوق كل طروشه

يامتعب يابن الاجــواد ياحبيِّب ** مع صفوق وأبوشنب ما تنوشـه

صاحب الفزعة وطيب للطيب ** ويداوي اللي غرته أم خرطوشه

رشاشه مزهبه صقيل مايخيب ** جــديد ويبرق مـاعض منتــوشه

بعيد عن الغالي وللشــر قريب ** أبو شنب رامي والقوم مربوشه

الله يسعد ايامك اخي صفوق خليتنا نتخذ موقف سلبي مع ابو شنب ويمكن انه رجال طيب وشجاع وانا احب الشجاع
يصفوق يخوي حنا نبي نصلح* نبيك توسط بيننا يا الطيب
الحلم راعيه دايم هو المفلح * وخويك تقول ان بخنيه حبيب

اقتباس : المشاركة الأصلية كتبت بواسطة متعب الفققي [ مشاهدة المشاركة ]

الله يسعد ايامك اخي صفوق خليتنا نتخذ موقف سلبي مع ابو شنب ويمكن انه رجال طيب وشجاع وانا احب الشجاع يصفوق يخوي حنا نبي نصلح* نبيك توسط بيننا يا الطيب الحلم راعيه دايم هو المفلح * وخويك تقول ان بخنيه حبيب

يامتعب ماحصل شيء به نصلح ** أنتم ضيوفنا وحنا ترى المعازيب
حنا أهل الحلم وتقديرنا الأصلح ** والحبيب من الرجال شايل الطيب
سيفنا مسموم ذاك السيف الأملح ** نقطع به رأس اللي برأسه الريب

مانزعل كان معزبنا بناخينا - حنى دايم نفتخر با الطيب
وسيفه كن هو ساطي يعذينا- عن واحد شوفته دوم قريب
بشوع وقام عن قصعته ينحينا- هذا زمان فيه الطفل يشيب
الله يعز من هو ببلادنا حامينا- و حنا سيوفه لهبت هبيب
وساع صدور وان شانت لغاوينا-- يصير الصعب بالا خير حبيب

اقتباس : المشاركة الأصلية كتبت بواسطة أباوائل الوائلي [ مشاهدة المشاركة ]

كلام جميل أخوي صفوق ولكنك لم تتطرق لناحية مهمة وهي الأمن فجميع الطرق الموصلة بين القرى والمدن في نجد تعج باللصوص وقطاعي الطرق وعندي من الأمثلة مايخص أجدادي الشي الكثير ومن الأمثلة الدارجة في مجتمعنا لأجدادي (( دم دم .... كعب كعب )) (( أطيح وأقوم وأنا أبو سليمان )) وقصصهن مشهورة وهذا لبيان القصد... وإذا كنت من سكان القصيم أسأل عن الأصقع السعران راع الشماسية وسوف تجد قصصه على ألسن الروات .... ودمت بحفظ الله ...

حياك الله يا أبا وائل ... والصحيح أن هذه الناحية فاتت علي ، فياحبذا لو تذكر القصة التي أشرت إليها ... وتقبل عطر تحياتي ...

اقتباس : المشاركة الأصلية كتبت بواسطة متعب الفققي [ مشاهدة المشاركة ]

مانزعل كان معزبنا بناخينا - حنى دايم نفتخر با الطيب وسيفه كن هو ساطي يعذينا- عن واحد شوفته دوم قريب بشوع وقام عن قصعته ينحينا- هذا زمان فيه الطفل يشيب الله يعز من هو ببلادنا حامينا- و حنا سيوفه لهبت هبيب وساع صدور وان شانت لغاوينا-- يصير الصعب بالا خير حبيب

أخي العزيز متعب ... الحقيقه هالمره أبترك الرد لابو شنب إبكيفه إذا بغى يرد هو حر ...

اقتباس : المشاركة الأصلية كتبت بواسطة متعب الفققي [ مشاهدة المشاركة ]

مانزعل كان معزبنا بناخينا - حنى دايم نفتخر با الطيب وسيفه كن هو ساطي يعذينا- عن واحد شوفته دوم قريب بشوع وقام عن قصعته ينحينا- هذا زمان فيه الطفل يشيب الله يعز من هو ببلادنا حامينا- و حنا سيوفه لهبت هبيب وساع صدور وان شانت لغاوينا-- يصير الصعب بالا خير حبيب

رد أبو شـــــنب

ياللي عـرفناك من قبل ماتجينا ** سوالفك تطربني يامفتخربالطيب
وسيفنا مسلول على من يؤذينا ** والصـيرمي فاتن ماهي تلاعيب
أنا أبو شنب وضـربي باليمينا ** وسيفنا البتار قطـــــاع العلابيب
كل المخاوف تروح لما تجينا ** الله لا يحدك لـهبات المصـــــاليب
والحلم بالرجال كمال ويزينـا ** والضيم ما يرضاه حر المشاريب

أخوكم أبو شنب الدهمشي .

اهلا والله يبو شنب اثريك وائلي من محددت الجمل والله والف نعم احسبنك من هالقبضايات جايبك صفوق سواق
وهلحين الله محييك وعساك على القوه
يامرحبا يبو شنب فيكم فارحينا- راعي محل مامن ضيوف ومعازيب
اقبل علينا وقراك عتل سمينا-- مفطحا مع زود تهلي وترحيب
عاداتكم با الحرب عزل الكمينا-- والجار تحمونه عن سموم الواهيب
لكم جماله مبطي يبو شنب علينا-- دهامشه نفخربهم قدم الاجانيب
بوجودهم تطول فيهم يدينا --- والناس تذكر دوم من يفعل الطيب

هذا سلمك الله يبو شنب ولايهون اخوي صفوق عان 1942 صار شبه تحدي بين قبايل ضناعبيد وعشائر اخرى في احدى البوادي واشتركو الدهامشه مع ابناء عمومتهم وقد ارهبوا تلك العشائر الى ان تقدمت تلك العشائر الى السلطات الفرنسيه بطلب الحمايه من قبائل عنزه هناك وقد حلقت الطائرات الفرنسيه امام جموع عنزه لتحذيرهم عن التقدم واطلقت خطوط حمراء با الجو على وضع منخفظ . وتوقفت الجموع . كان الدهامشه ضمن تلك الجموع.
2--- قبل هذا التاريخ بسنوات حدثت خلافات بين بعض فخوذ السبعه وادت الى حرب وفي ذلك الاثناء نزلو الدهامشه بينهم ومنعوا وقوع حرب بين ابناء العمومه
3-- لهم جمالة علي انا يا محاكيك منذ سنيات مضت هنيه وبا القيصومه صارت طلابه بيني وبين واحدا من اهل القيصومه هو مدير اداره واحيلت قضيتنا للمحكمه . ويوم جلسنا قدام الشيخ قام يتكلم خصمي بحجته وانا لم اقاطعه وخليته لياما خلص نهائيا . شئلني القاضي وقمت اعدد حجتي وقدمت مستندات تثبت حجتي . ولكنه خصمي كل شوي يغلط علي واحذر الشيخ عن الغلط وحذرته ولكنه تمادى با الغلط ولم يكفه القاضي وكان الناس يسمعون با الصاله والكتاب المساعدين جنب الشيخ يسمعون كل غلطه اخرها قال انت جاي من الشمال وانت كذا وكذا المهم يبو شنب ولايهون اخوي صفوق مابقي معي حلم . قمت وظربته ظربه ولياهو طايح على ظهره ولينظاراته السود الكبار خارماتا خشمه وبعض كسرها خش بعيونه وليادم على جسمه يسيل با المحمكه المهم نقلوه للمستشفى وانا اخذوني الشرطه . وحبسوني . تدري الصبح من اليوم الثاني يبو شنب وشصار يومني اصبحت وليا حوش الشرطه مليان من عيال وايل الدهامشه ومن معهم من قرايبهم الاخرين . والله شى يرفع الراس وترى هم متاكدين اني مظلوم لان الكتاب دهامشه . تدري يبو شنب قالو لخصمي والله ان ماتنازلت عن متعب العنزي والله انك ماتفلح ولاترتاح بيتك المهم يخوي ابو شنب والله تنازل الرجال وثاني يوم وانا عند امي . كله من ستر الله وفعل وموقف رجال الدهامشه في القيصومه ورايتهم بيضاء ويشهد على هذي السالفه شايم وشامان في القيصومه . ولاقصدي اظهر الحادثه الا على شان اظهر ثناء ربعي

لهم حق علي اظهر ثناهم على هامش حوارنا الاخوي هذا

على ماقال واحد عنزي
ماني ولد هيس للطيب جحاد -- اظهر ثناكم والعرب يسمعوني

اقتباس : المشاركة الأصلية كتبت بواسطة متعب الفققي [ مشاهدة المشاركة ]

اهلا والله يبو شنب اثريك وائلي من محددت الجمل والله والف نعم احسبنك من هالقبضايات جايبك صفوق سواق وهلحين الله محييك وعساك على القوه على ماقال واحد عنزي ماني ولد هيس للطيب جحاد -- اظهر ثناكم والعرب يسمعوني

ولاني ولد هيس تراي من الاجواد *** جدي المضياف والناس يدروني

أبو شـــــنب

يابوشنب مالك حق تكمى حالك-- الي شرواك نتشرف بعرفتهم
نطمع بعرفك مانبي من مالك -- ماغير الي مثلك نطمع بشوفتهم
طمعنا يا لاجودي بمثلك وامثالك--- ولا العفون يبو شنب قلعتهم

كل عام يبو شنب وانت بخير انت ورفيقك صفوق
وعساكم كل سنه طيبين ومتعافين وبرضاء من الله