يا نجدنا يا نـجـد الأصالة والأمجاد
.....يا نبع الكرم والطيب والعز موجود

تاريخها معروف من عهد الأجداد
.....يا موطن اللّي ماأرتوى غير بالزود

تاريخ نـجـد ما يبي قول وشهاد
........من عهد الملك وكل من كان مولود

في جوها وفي برها بكل ميعاد
....ريح الخزامى والنفل وريحة العود

في وصفها تحتار المعاني والأعداد
....لا قلت نـجـد جتنا أعاصير و رعود

المملكة عـز ٍعلى كـل العباد
............وحنا لها درع ٍمن كـل مقرود

واللّي حكم غصب ٍعلى كل الأوغاد
.....عزوة هل العوجى في رميّ بارود

أخوان نورة سـم ٍعلى كل حساد
.....أصغرهم اللّي مايجي منه منقود

عبدالعزيز اللّي عقْب كل الأولاد
....وفيصل وخالد لهم صولات ووعود

ومن مات أخو نوره على خير يزداد
.......فيصل بنى عقبه الصرح ويقود

وسعود اللّي طغى على كل نقّاد
.....الـعلـم في تطور والـجـهل مطرود

وخالد بعهد خالد طيب الأجداد
....والورث بعده من بنى جيل وعهود

وفهد طيبه على الشعب وقّاد
.......مـدة يمينه تبني الخير و تـزود

وعبدالله اللّي سعى بكل الأمجاد
......يرحمك ربي بجنة الخلد موجود

وسلمان دايم على الخير رعّاد
......في راية الأسلام والجهل مطرود

وصلوا عد ما بهالأرض عبّاد
......على رسول الدين والرب معبود

ماني بحاجة مدح الردي والزلابه
والناقص اللي هرجته ما يداريها

الراس عالي شامخ ٍفوق السحابه
...من روس قوم ٍكلمتي ما أثنيها

صح لسانك يا فرج البلاز وفقك الله وأزال همّك وهم كل مسلم ويقال ( من سمي باسم يكن له نصيب منه ) وأنت اسمك فرج وبحول الله يكون لك نصيب من اسمك .