( شـمر هل الطولات ستر الصبايا )


اهداء متواضع الى الاخ علي بن حسن بن خلف العبدي الشمري وهو اقل مايمكن ان يقال في حق هذا الرجل من رد للثناء والجميل والشكر
نظير موقف نبيل. مشرف. اثناء تعطل سيارتنا وقف معنا موقف لاينسى عمل الواجب واكثر ولايستغرب على ابناء شمر
ماقصر بيض الله وجهه
وجزاه الله عنا خير الجزاء .


ســـــلام يانســـل. الفهـــود الصناديـد = شــمر هـل الطـولات ســتر. الصباايـا
اقــولـهــا واردد الهــــرج. تــرديــد = مـدح. النشــامـا. مـن دواعي.هـوايـا
عـن مدح ابـن جروان.مااغفـل ولا احيـد = علي حسـن لـه ود. وسـط. الحـنـايا
لٰٰــه مـوقفً مـا وقـفــوه . المــقــاريــد = يـصعب.عـلى رخوم العـرب والردايـا
فزعــة عرب يحـتار. فــيها.القــواصــيد = فــزت اســـــنافي. ما يـكـن.العطــايـا
عنــدي حــرج والفعــل. خير الشـواهيد = يوم. المطــيه.شٰـان. وضعــه مـعـايــا
القـــرم. وردني. قــــراح المــواريـد = نا اشـــهد ان الـذيــب. خــفف. عـنـايــا
ماله. شـــبيـهً. كــود سالــم. وابـا زيـد = ابو حســن. والـنعـــم.ذيــب. الـســرايا
طــبعً وعـــاده. فـيــه. ماهي. هــرابيـد = هـــذي.ســلـــومً للـقــــروم .الـطــنايــا
عـبــده. عـمامـه. لابــة القرم. تحديـد = ريــف الخـوي والجــار واهـل الحمـايــا
هـذي حـقيقـه دون لا انقص ولا ازيــد = واقــولــهـا. ...مـن. صـافـيات. النوايــا
لاشك. ورثها. عن قرومً. وواليـد = وانا. اشـهـد انـــه. مـن يحفــظ.... الـوصايـا
مثل القطامي .يـوم يهـوي على الصــيد = صــيـده مــن الجــزلات زيــن الحـلايــا
ولاهي غريبه. فزعة الحر يـا فهيـد = الشـــمـري صـــيـتــه..... بـكـــل النحــايٰــا
يشوش راسي. لا ذكرت الصناديد = ولا قــلـت . شـــمــر يــرتـفـع. مســــتـوايـا


محمد بن سوعان. الربيّع
حررت في 20. ذو الحجه. 1443 هـ
الموافق 19. مايو 2022 مـ

صح لسانك يا أخ محمد ويستاهل الممدوح ورد الثناء بعد الجمالة واجب وأنت من طبعك الوفاء وحفظ الجميل وشمّر يستاهلون الشكر والثناء قصيدة جزلة ومن قيلت فيه جزل ومن قالها جزل وفقك الله .

صح لسانك وعلا شأنك

جزله من جزل

ويستاهل الممدوح خاصة مع الموقف الطيب الذي عمله معك

فزعــة عرب يحـتار. فــيها.القــواصــيد = فــزت اســـــنافي. ما يـكـن.العطــايـا

وتشكر على الوفاء الرد

ا
هلا والله ومسهلا اخوي ابو مشعل شاعرنا واديبنا القدير
تسعدني متابعتك وتفاعلكممع ما يتغنى به الهاجس من ترجمه للاحاسيس
تعبيراً عن الشكر والعرفان
صحت انفاسك لاعدمت وجودك الراقي استاذي الفاضل لاهنت .

ابو خالد الوايلي

هلا والله ومسهلا مليون
الله يحييك اخوي الكريم صح ذوقك لاعدمت وجودك
ومتابعتك الراقيه . كل الشكر والتقدير .