هذه الأبيات أهداء للشيخ سلطان بن خالد بن النوري بن مهيد لموقفه المشّرف
في شرح معاناة بعض أفراد القبيلة لولاة الأمر :

شيخنا سلطان مـن عـزوه عـريـبـه *** نسـل مصوّت بالعشا وقت المجاعه
أخـو قـطنـه وقـفته مـاهـي غـريبـه *** وصّـل ولـي العهـد صوت الجماعـه
الوضع اللي الشيخ سلطان يحكيبـه *** حانـت الفـرصه ولا ياجـب ضياعـه
وضّـح المقـصـد لحـلاّل الصـعـيـبـه *** وشـرح أوضـاع القبيلـه باجتماعـه
أبـن خـالـد مـا طـلـب مبـلـغ لجـيبـه *** هــمّـه الـعـزوه ولا دار الـطـمـاعـه
يطـلـب الـلي بالجزيـره بـان طـيـبـه *** حـاكـم وفـيـه التـواضع والشجاعـه
فـزعـت الـلـي بالـلـوّازم ينتـخي بـه *** كان نادى بصوت يصغي لأستماعه
الـحـلـول أن يسّـر المـولى قــريـبـه *** بأمر محمد تنتهي في ظرف سـاعه
ذخـرنـا محـمـد عـسى ربّـه يـثـيـبـه *** هوعضيد اللي جميع الشّعب طاعه
المـلـك سلمـان نـجـلـه يـعـتـزي بـه *** منـزلـه راس العـلا فـوق الـرفاعـه
أبـو فـهـد عـادتـه يـفـلـج طـلـيـبــــه *** ومن تمـادا وأعتدى بالكف صاعـه
هـم مـراجـعـنـا اليـا شفنـا الغـليـبـه *** المـلـوك الـلي يحـفـظـون الـوداعـه
هـم مـلاذ وملتجـأ مـن شـاف ريبـه *** وهم حجى المظيوم كان الضد راعه
فـرحـت الـلي يشتكى وقع المصيبه *** بالفـرج نـور الأمـل يضوي شعاعـه
الفجـوج الضيـقـه تـصبـح رحـيـبـه *** كان فسحات الفضاء ضاق اتسّاعـه

مع تحيّات عبدالله بن دهيمش بن عبار

كفيت و وفيت يا ابو مشعل و الشيخ سلطان ابن مهيد يستاهل..
و كثر الله من أمثاله اللي يعرفون معنى الشيخة ..
و لا هي غريبة على سليل المجد و الشهامة و الكرم ..


ما هي غريبة له على القمة سنـــام
،،،،،،،،،،،،حفيد من بالجوع صوَّت بالعشــــــا


و اليوم صوته عند عالين المقـــام
،،،،،،،،،،،،الكل يسمع و الفرح ربعك غشـــــا


يبذل لمجهوده و على الله التمــــام
،،،،،،،،،،،،و يصير ما نبغاه ان الله اشـــــــــا


يفداه شيخٍ شاخ في جمع الحطام
،،،،،،،،،،،،و عند الطلب مدَّة مقيط مع الرّشا


عبدالله بن موسى الخرشاوي
أبو فهد

صح لسانك يا أبو مشعل أبيات رائعة ومعبرة جداً

والشيخ سلطان يستحق المدح والإشادة على موقفة الطيب لعنزه

أبـن خـالـد مـا طـلـب مبـلـغ لجـيبـه *** هــمّـه الـعـزوه ولا دار الـطـمـاعـه

صح لسانك يالخرشاوي

ويستاهل ابن مهيد

موقفه مع سمو ولي العهد يشرف وهو يطلب لعنزه عامه