ياليت يبو مشعل توضح لنا هل هي حقيقيه او من نسج الخيال



هذا فيه بنت اسمه "صالحه" من المحينات من عنزه
يامار يتيمه وعند عمامه الوكاد وهم يخلونه مع البل تروح وتجي
وهو يجي وقت "الضراب" وهو وقت التزاوج عند الابل
يامار الفحوله هايجه وعجزت عنهن والجمل ياصار هايج الرجال بيالله يقوون لوه
وشولون عاد هالبنيه
وهي تفزع يم عمه قالت ياعمي ابي الهجار
" والهجار حبل يربط بوه الجمل بين يدوه ورجلوه علشان تعيق حركته"

المهم ان عمه رفض يعطيه الهجار
وهي تضايق البنيه وتكسف وتندبل تسبده
وهي تمنى لو يجي حدا هالفريس وياخذ البل علشان ترتاح
يامار اكا الوقت فيه فارس مشهور اسموه دبي النجباني من التومان من شمر
يامار مايعدا على ظهر فرسه ومن مغزى لمغزى اما المحينات ماعمروه غزاهم

وهي تمنى انتي ياصالحه ان دبّي يغزاهم
وهي تجلس تهيجن تقول

ياشين ماتويق يادبـي
على المحينات لك نوبه
ماتشوف الزمل عذبي
هيّاج والهجر عيوبـه


وياصل العلم لدبي وهو يغزاهم يوم اقبل يمار صالحه مع البل
قال يابنت لك شين مع البل
قالت اكا الجمل
قال اعزليه
قالت كفو يالشمري
وهو ياخذ الباقي ويقفي بوه

يقولون عاد انوه يهيجن يقول:

ياصالحـه يـام دواره
عين الغزيل ليـا سجـي
مانتي من البيض مكاره
اصدق من الي نهج حجي
يابطن حمرا مع الغـاره
حواية الجيـش لاهجـي

الأخ عقاب المحيني حيّاك الله نظرأ لأني كنت في مكان خارج التغطية بحيث لم أطلع على الموقع ألا هذا اليوم أفيدك أن الأبيات ليس لأمرأة ولم اسمع بصالحة ولكن الأبيات الهجينية قالها البليطيح الصقّار الجميشي الدهمشي كما روي لي وكان يرعى زمل المحينات وقد اعياه التعّب فتمنى دبي النجباني الشمري أن يغزي على المحينات وياخذ الزمل فقال :

يـا شيـن مـا تويـق يـا دبـي *** عـلى المحينـات لـك نـوبـه
الـزمـل هـايـج وعــذب بـي *** والهجـر والـقـيـد عـيـوبـه
مـا تـخـلي الجـيش يـنكـبي *** وضرب الموازر لهـا شوبه

وعندما سمع دبي النجباني بالأبيات غزا على المحينات ولكنه ما وفق حيث وقع بيد المحينات وقتلوه وقال شاعرهم يرد على البليطيح :

ما تشوف دبـي تـقـل ضبّي *** يـوم الـمحـيـنـات صكـوبـه
دبـي ذبـحـنـاه وانـكـبـــــي *** بـالمـحـقـبـه عـلـقـوا ثـوبـه
لـحـقـوا عـيـال عـلى قـبـي *** زهـيـد والـزمـل عـيـوبـــــه

أما الأبيات :

ياصالحـه يـام دواره
عين الغزيل ليـا سجـي
مانتي من البيض مكاره
اصدق من الي نهج حجي
يابطن حمرا مع الغـاره
حواية الجيـش لاهجـي

فأنها ليس لها علاقة بموضوع دبي ولا صحة أن الأبيات لبنت ولا يوجد هذا الأسم والرواية الصحيحه كما ذكرت لك وشكراً

يعطيك العافيه

يـا شيـن مـا تويـق يـا دبـي *** عـلى المحينـات لـك نـوبـه
الـزمـل هـايـج وعــذب بـي *** والهجـر والـقـيـد عـيـوبـه
مـا تـخـلي الجـيش يـنكـبي *** وضرب الموازر لهـا شوبه