السلام عليكم يابني وايل
.... في الفتر الاخيرة , وبحثي الشديد
...عن قصائد الشاعر .. ابو بندر .عشيان النصيري الرويلي ..
وجدت له قصيدة ..من قصائد النصح ,,
<<==== أنا لا اجيد المقدمـــات هههه
...... ........... ............ .............. ....
خوذو نصيحة يالقلوب اللبيبه......
نصيحة ٍ للفاهمين محبوبه ......
لو أن بعض الناس يا شاف عيبه .....
تكفيه عن سب الأوادم عيوبه ......
وش له بعرض الغافلين يحكيبه .....
هو ليه مايحــسب عظايم ذنوبه .....
حصيلته بالهرج ؟؟ نمه وغيبه ......
وهو يدري أن كل الخطــايا محسوبه .....
هرج ٍ بليّا فايده وش تبيبه .......
الناس لا سمعوا كلام ٍ حكوبه ....
يا عاد تفرح للعرب بالمصيبه .....
لا بد من يوم ٍ تجيلك عقوبه !!!!
يا غافل بدنياكـ ترها مريبه .....
تصدق معك يوم ٍ ويوم ٍ كذوبه ...
مره بعيده منك ومره قريبه ......
ومرااااات في موج ٍ تصافق هبوبه .....
لا بد من يوم حلوله صعيبه .....
والناس اللي قبلنا ما أهتنوو به ...
يترك أهله والحلال وقريبه .....
ولا يحصل ألأ خامة ٍ قدر ثوبه ....
وين الثريا غربت والجنيبه .....
وين السلف اهل الفخر والعروبه
والناس طينه والطبايع غريبه !!!...
لوهي جمــيع ٍ ماتوحد قلوبه ....
كلن يحصل ما أكتبله نصيبه .....
والله غفور وقابل كــل توبه ........

===( وسلامتكم )===

خيتو متذوقه

سلمت اناملك التي نثرت لنا تلك النصائح القيمه الموفيده بجمالها وعذوبتها

وصح لسان شاعرنا الكبير ابو بندر الرويلي

تقبلي حضوري واعجابي بطرحك الراااااائع خيتو متذوقه

دمتي بود

هرج ٍ بلا فايده وش تبيبه .......


يعطيك العافية اختي

ياليت تراجعين هالشطر اظاهر انتي ناقلته غلط !! لانه غير موزون وهذا الخطاء يحسب على الشاعر




وشكرا

نعم
أخي سعد ربما خطا في النقل

هرج بليّا فايده وش تبي به

لاهنت يابو مشاري

صحيح


وشكرا لك مرة اخرى اختي على النقل

صح الله لسانك ولسان شاعرها

ابدعت في هذا النقل

سلمت آنآملك الذهبية

تقبل مني كل الود ولإحترآم