( مقاطع جديدة من الشّعر ) - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

01-24-2017, 07:58 AM

( مقاطع جديدة من الشّعر )

قال عبدالله بن دهيمش بن عبار هذه الأبيات مهداه للرجل الفاضل محمد بن صالح بن فحيمه الضوي أبو مشعل شكر وثناء بمناسبة الكلمة التي القاها في حفل العليان :

أحسنت يامحمد يابن صالح احسنت *** أنا اشهد أنك يا أبـو مشعل تجمّلت
أشكر جميع الربع وأثني عليك أنـت *** عـلى المنصه يـوم قـمـت وترجّلـت
جـمـلـتـنـا بحـفـل العـلـيـان لا هـنـت *** أذكـر كـلامـك يـالسنـافـي ولا زلـت
علمك يجمّل عـزوتـك ويـن مـا كنت *** مثل الجمل لو يثقل الحمل لـه شلت
ظـهـرت بـعـلـوم المـراجـل وبـيّـنـت *** ويـامـا مـن ثـقـال المحامـل تحمّلت
من زان لك يا نسل الأجواد له زنـت *** دربك قدي حيثك عن الحق ما ملت
بالـلي نصـاك من المحاويج ما شنت *** والـلي عـنـالـك مطـلـبـه بـه تكفّلت
في كل موقف يا فتى الجـود برهنـت *** سرت وعلى رب الخلايق تـوكـلـت
حـيثـك عصامي تحتـرف ما تماهنت *** مجهد وعن فعـل الفخـر ما تنازلت
يا أبن فحيـمه لـو بتمجيـدك أعـلنـت *** ما أظـن طيبـك ياصفـه كـل ما قلت

قال عبدالله الموسى الخرشاوي هذه الأبيات عبر تويتر يثني على زميله عبدالله بن عبار :
غـرست بقـلـوب الـرجاجيـل مـقـدار *** واليوم تجني يأبيض الوجه غرسك
هـداج تـيماء من بـغى العـلم صـدّار *** يمّـك ويـروي من قـراحـك ودرسـك
الـلـه يـعـلـي منـزلـك والـي الأقـدار *** والـلـه بعـينه يا أبـو مشعـل يحرسك

قال عبدالله بن عبار جواب لأبيات عبدالله الموسى :
يا أبـو فهد من جـزل الأشعار تختار *** تـكـتـب عـذيـات القـوافي بـطـرسـك
عسى يفـداك الـلي للأصحاب عـقّـار *** لاغـبت هـمّـه بـس طعنـك وهـرسك
مـا يجـحـد التاريخ مـن قـدم الأدوار *** عـربـك تـدري بالحـقـايـق وفـرسـك

قال الشاعر سعد الحشحوش هذه الأبيات عبر تويتر يثني على زميله عبدالله بن عبار :

ذاك الحفل تستاهله يا أبن عبـار *** حـفـل تكـرّم بـه معـزه ونوماس
ألـفـت تـاريـخٍ لـلأجـيـال تــذكـار *** شاعر ربيعه فعلكم يرفع الراس

وقال عبدالله بن عبار مجاوباً سعد بن حشحوش :

يا سعد الحشحوش يا نسل الأحـرار *** يالباسل الصنديد يا صلب الأمراس
حيث أنت من عزوه لهم بالفخر كار *** عزوة هل الجدعا بهم قـوة الـبـاس

ووجه لي أحد الأخوه مشكوراً دون ذكر أسمه هذه الأبيات عبر تويتر :

عـبـدالـلـه الـعـبـار فـي كـل تـعـبــيــر *** بـاقي اليـا شحـت يـديـن الشحايح
عـز الـلـه أنـه ما يجـي منـه تقصيـر *** وعـز الـلـه أنـه مـن وجـيـه فلايح
معروف قـدره من كبـار الشواعـيـر *** يكفيك هـرجـه عن جـميع الشرايح
قـولـه تمـام ويعـطي الـراي وايشير *** لا نـاحـت الـورقـا عـلى كـل نـايـح
من ساس لابـه مـا تهاب المخاسير *** الـلاّبـه الـلـي تـسـتـحـق الـمـدايـح
يـوم السنيـن القـاسيـه والمعـاسيـر *** للضيـف يـذبـح مـن خيـار الـذبايح
لـه احـتـرام ولــه مـعــزه وتـقـديـر *** رجـلاً فـهـيـم وكـل قـولـه نصـايـح
ولا الردي ما يكسب الطيب والخير *** يـامـا عـلى قـبـره تحـط الصفـايـح
والوقـت هـذا بـه عجاج ومعاصير *** نـاس عـلى الطيّـب تـدور الفضايح
تركض على النمّات من غير توفير *** مـابـيـن وده ثـم هـاتـه ورايــــــح

وقال منصور بأذن الله عبر تويتر يسند على الأبن نايل :

أبـوك سـيـف الـعـزوة الـوايـلـيــه *** سلم عـليـه وبلغـه صدق الأشواق
هـو الشريف الـلي عـلـومه نقـيـه *** يفداه من يلطع من الكاس ما فاق

وهذا جوابي عليه :
مشكـور من صاغ البيوت العذيـه *** نوّه عن المجهود مخلص وصدّاق
منصور بأذن الله عـزومـه قـويـه *** يـا عـل يـفـدونـه دنـيـيـن الأخـلاق

وهذه مقاطع مجاراة لأبيات من قصيدة نشرتها بتويتر :

قال عبدالعزيز العنزي عبر تويتر :
ياعـل يفـدونـك هـلابيـج واعـذاف *** واللي يعصى أمه ويرضي حماته

وقال سما الشمال :
وفـيـت بالجـوهـر يـوازن الـقـاف *** ومـن الـدرر دوم تـاخـذ حــلاتــــه

وقال الشاعر حامد بن عناد اليمني :
صدقت يالمحبوب من كل الأطراف *** يالشـاعـر الـلي مـا لحقنـا جـزاتـه
جـمـايـلـه تسمع وتـذكـر وتـنشاف *** عـن الـقـبـيـلـه مـاخـذتـه الـفـتـاتـه

وقال شاعر آخر :

انت الأديب اللي قصيدك شهادات *** دافعت عن حق القبيله تقل ذيب
فيك الوفاء فيك أنت كل المروات *** رجل تعرف اليوم كل المواجيب

وقال محمد المحدى الغبيني :

مشكور يا محمد على نظم الأبيات *** يـدوم عـزك يا سلايل هـل الطـيـب
حـمـدان مضراب المثـل بالعطيات *** علمه تسولف به هل الفطر الشيب

وقال الشاعر عبدالله الهقاش الجميشي يسند على زميله عبدالله بن عبار :

مـا يـعـلـم صـاحـب الأهــواء والـعـنـجـهـيـه
هذي ناس يا أبو مشعل بالدروب الها ملاوي

لو يكون الحق واضح ما مشوا غير الخطيه
المرض بنفوسهم والحقد من ضمن البلاوي

وقال عبدالله بن عبار الرد على الزميل عبدالله الهقاش

يا سمي بعض الأوادم فيه خبث وقلب نيه
واللي له أهداف قشرا ما تجي له بالمناوي

نعتزي بأخوان نـوره ما يخذلون السمّيه
هم سندنا وهم ذرانا وهم عريبين العزاوي