04-10-2015, 08:17 PM
|
#11
|
|
شاعر
تاريخ التسجيل: Jan 2010
المشاركات: 173
|
لاهنت اخوي محمد الدوهان ـ
البويتين ذيلن مبطي اسمعهن وهن ماهن عند شين ، والشيبان كانوا يوردونه ويوردون قصص عامة عن عنزة ، وعندي تسجيلات لها الا اني متماهن ابحث بها ، وهناك امور انا مااغضي عنها وقد راودتني فكرة تأليف كتاب وايراد كل ماهو صحيح عن عنزة بذمة الشيبان الاولين ، مع التبحر في الكتب القديمة والرحاله ـ الا ان هذا المشروع يبي له مشوار طويل وتقصي وحاليا عندي امور مبديها عليه ، ولو ان فكرته تزعل الكثير من ابناء القبيله وتضع الامور على محكها وعلى الصمال اللي تشوبه شائبه ، وانت تعلم ان الشيبان الاولين صدورهم وسيعه ولاعندهم شك بارواحهم ويوردون السالفه لو انها على ارواحهم حتى لما تسمع لحديهم تستمتع بسماعها حتى لو كانت السالفه عليه ، الا ان الوقت هذا وقت الجمخ والمهايط والقنوات والاعلام لاتجد من يورد السالفه وهو يعلم انها صحيح لانه يعتقد ان بها مهزاب او انها خمال، رغم انها ليست خمال ولا بها ذارب الا انها حقيقه ، ولدي اطلاع وتحقيق ان هناك بعض من اشعار المعارك تم تحريفها وتم بدع قصايد جديده وهو امر لمسته عند عنزة وغير عنزة وهناك امور بها مهامز صحيح على اشخاص من القبيله قديما لكنها تعتبر لشخص معيّن ، يعني عيبه يخصه ولايعم القبيله ، وهو امر تجده في كل قبيله ،،،
|
|
|
الإهداءات
العرض العادي
