القلب معهـا رهينـه

اهداء واسناد الى اخوي الشاعر /
حمدان الليفي السرحاني ........... مع خالص التقديـر

وين انت ياحمـدان غايب لك ايام
,,,,,,,,,,,, ماشــوف لك يانســل الاجواد عينـه
دورت جــوالك ودقيــت الارقــــام
,,,,,,,,,,,, وعيّــا يجــاوب يــوم انا قلـت وينه
نشدت خـلانك وربعـك والاعمـام
,,,,,,,,, ولا احــدن عطاني عنك علم ن وبينه
ولو ماانت غالي ثم من ناسً احشام
,,,,,,,,, ما انشـــد وحـق اللي حـرســـنا بعينه
مير انت وسط القلب تسكن وبه قام
,,,,,,,,,, وقـــدرك بــذاتــي بـانيــــلـه مـديـنه
مثــل العضيـد اللـي ذخــرتـه للايـام
,,,,,,,,, لاشــفــت مـن دنيـاي ضيـم وغبيــنه
يمناي انا والسـيف والرمـح واحــزام
,,,,,,,,, لاكشـــرت بقعــا وشـــانـت اســنيـنه
صـديـق صـادق وافــيً بيـن الآنـــام
,,,,,,,,,, مثـل العـديــــم اللي يصيـد السـمينه
وان سلت عني عشرة ايام مـا انـام
,,,,,,,,,, وانـا الـذي للنـاس مـا ابـدى كـنينه
اضحك بسني واخفـي همـوم وآلام
,,,,,,,,,, تنزف جـروحي والضمـاير حـزيـنه
اخشى شـماتـت كل عفنً ولــوّام
,,,,,,,,,, اودعــت آهــاتـي بـقلبـي ســــجينه
اسباب من شالت خفوقي من العام
,,,,,,,,, واقفـت وانــا قفّيـت عنهـــا ابحـينـه
واليــوم ياحمــدان شــوقي لهـا زام
,,,,,,,,, زوم الخلــوج اللــي تــزايــد حنيـنه
شوقي لها يابـن السراحين بي دام
,,,,,,,, شــوق الحنـون اللي تـراجي جنيـنه
قريبـة ن واشـوفها ابعـد مـن الشام
,,,,,,,, نـحّـت مشـــاحيـهـا حـظــوظً لـعيـنه
مـن دونـهـا حــالت خنـاديـق والغـام
,,,,,,,,, وان غــرّ منــي لغـم طحـت بكمينه
احسّــها قصـــة خيــال مـن الاوهـام
,,,,,,,,, مــع ذا غــلاهـا ما اخلفنـه اسنيـنه
واليـوم يـامشـكاي حتــى بالاحــلام
,,,,,,,,, ما شـافت عيـونـي بنـومـي ظنيـنه
يــاقـربها يــابُعــدها يـابــن الاكـــرام
,,,,,,,,, بس الوكـاد القلب مـعـهـا رهـيـنـه

محمد بن سوعان الربيّع

الأخ محمد سوعان الربّيع الله يعينك ولقد ذكرتني أيام زمان عندما كنت أقول :

البارحـة ما غمّـض الجـفـن تغـميض *** والعين صار بنونهـا تقـل مقـراض
حاولت أروض خافق الصدرترويض *** عساه يرفض لكن القـلب مـا راض
حاولت أرده وأمنعه عن هوا البيض *** لاشك قلبي من غرام الهوى جاض
لـولاي أجاحـد عـلتي وأكتـم الغيـض *** لا أصير مثل اللي تعلوته الأمراض
عـلى ولـيـف حـال دونـه عـواريـض *** زين الحلايا صاحبي عذب الألفاض
لـو درت بالخفـرات محدٍ بـه أيعـيض *** خـلي طعـني بالنواظـر والألحـاض
يـا زيـن لا تـسـمـع كـلام المبـاغيض *** خلك لودي يـا أريش العين حفاض
يا زين مـن شانـك تطـيب المراكيض *** يمك مشيت وطابلي وطي الأرماض
أصبـر عساها تنتهـي جمـرة القيـض *** تحـرني مع نوضت البرق لا ناض
يا زيـن عـني خفـض الوجـد تخفيض *** خليت قلبي ياالغضي مثل الأنقاض

وكنت أقول :
القلب جض مـن الطنا تقل ممروض *** جضيض ربـدا بالوريـد أمعضوضه
كـنـه يـعـوث بناحـل الجسم قاروض *** بانت عـلى كـل الجوارح أرضوضه
لوا عشيري رد وردي عن الحوض *** وأرتـد سرحي عـن مراتيـع روضـه
يا أبو جديـل فوق الأمتان مقضوض *** تلعـب بقـلبي تحسب الحـب فوضـه
مدري بلاك من العواريض عاروض *** ولا هجـرت وعنـدك الهجـرموضه
عبيت لي علقم مع الشري ممخوض *** مـر المـذاق ومع مـراره حمـوضـه
يكفي تماطل بي وفاء الدين مفروض *** ولا بـد ما روح الـعـبـاد أمقبـوضه
كـان العهـد يا نـاعـم العـود منقـوض *** ملزوم تعـطي سحـر قلبي نقوضـه
أشمت نصيبي لو أنا منك محضوض *** كـان المـودة بالضميـر أمحفـوضه
منطوقـك الـلي بالقـراطيس ملفـوض *** كان أنـت تذكـر شوقـني أعروضـه
نرفع عزيـز الشان والرأس منهوض *** وأشبوحنا يا زين ماهي مخفوضه
وأن كان عـزي عندكم صار مرفوض *** مـن عـافـنا كـنه جـناح البعـوضـه
ما من لزوم لكثرت الهـرج والخوض *** الكـل يـلـقـا بالعـرب مـن يـعـوضـه

صح لسانك ودام نبضك لاخلا ولا عدم يابو مشعل
ومثل مايقولون وكلن يغني على ليلاه .
وهنا تذكرت بيت لابن رشيد يوم يقول :
انا على لانً وربعي على لان .....متخالفً رايي وراي الجماعه
عسى يجنبنا المرض وغدر الزمن حنا وجميع من وحد الله من المسلمين
تقبل خالص تقديري ومودتي .

أبداع ابوسوعان صح الله لسانك ولاهنت

تسلم والله اخوي مشعل العبار لاهنت
الله يحفظك ويديمك يسعدني مرورك