مرحوم ياشيخٍ تنحت ركابه=الله يجيره من لواهيب ناره
ندعو عساها دعوةٍ مستجابه=يجعل جنان الخلد فيها قراره
عساه بالجنة وبارد شرابه=يالله تجعل جنة الخلد داره
الي فقد شرواه ماكبر مصابه=عويجان موته للرفاقه خساره
شيخٍ جمع مع التواضع مهابه=تواضعٍ زود علاه ووقاره
ماشبك القالات بين القرابه=ولا قيل يومٍ يشتكي منه جاره
شيد لربعه بيت واحكم طنابه=وعقب لمن بعده مكانه واماره
ياللي بكيت الشيخ ترى العزابه=بالوكر حرٍ من نوادر حراره
الشيخ معتق مايخيب الرجى به=يمشي على نهجه ويكمل مساره

رحم الله الفقيد الشيخ عويجان بن مقبل وأسكنه فسيح جنّاته وجعل الله في الشيخ معتق خير خلف لخير سلف وصح لسان الزميل الشاعر طالب الونيس على هذه الأبيات المعبرة عن مأثر الفقيد