بسم الله الرحمن الرحيم


السلام عليكم ورحمة الله وبركاته ...... اول مشاركة لي في المنتدى .... اتمنى ان تحوز على رضاكم
هذة القـــصيدة يمثل ويصف بها الشاعر ابن راكان المزن والربيع


اسأل الله العلي القدير ان يعيدها علينا بخير


كريم ياغر(ن) من المنشأ نشت ***** تدق دقات المطابع بحاسوبها


غر(ن) ترفرف بجنوبه ليامشت ***** سكر الغربي والشمالي هبوبها


ياحلو حس الشعبان ليقرشت ***** لبسة الشقاره والبختري ثوبها


خمة روس معيله والهلالي ودهشت ***** القاع خضرا والمنابت طشوبها


اخايلها وانا عيني منها ما طفشت ***** ودي امشيلها رجلي وتوجه صوبها


ياحلو غر(ن) تروي القاع لياعطشت ***** غيمة تهزع وبرقة يرفرف بجنوبها


الله اكبر ليا دقت دقتين ولولشت *****قبلي اقطيفان ومقحم غنوبها


عز الله يفرح الكشات لياكشت ***** القاع خضرا والمنابت طشوبها




وقال الشاعر اقطيفان (( وجرح قلبي جرح عرعر بوادية ****** وانجاه من سحب الثرية مخيله))




وقال الشاعر مقحم ((( كريم ياغر(ن) من اول المزن مبدار***** اللي على البعد يجذب رفيفه )))

حيّاك الله يا صالح بن راكان بن رميزان حيّاك الله يا حفيد حمود أبو مرجاحة الكريم المشهور حيّاك الله وبلغ تحياتنا لزميلنا القديم صعفق بن راكان وحيث أن هذه الأبيات التي أوردتها هي بداية دخولك نرحب بك ونأمل أن تكون شاعر مثل جدك ذياب بن رميزان صاحب المساجلة مع الشيخ هايس بن مجلاد وحيث أنني قد نشرت قصائدهم بالقهوة في كتابي قطوف الأزهار فأنني أتشرف بنشر قصائدهم بمناسبة دخولك :

* الشيخ الشاعر هايس بن ثلاب بن جبر المجلاد الملقب ( أبو ضلعين )
من حمولة المجلاد مشائخ قبيلة الدهامشة وهو شاعر وكريم وفي أحد
السنين أيام الربيع نزل عنده ذياب بن رميزان وهو من الرجال الذين
لهم قدر وجاه سيّر ذياب على الشيخ هايس فرحب به وبعد أن أخذ
مكانه قال هايس هذه القصيدة يطلب من القهوجي أن يعمل
لذياب قهوة وأن يسوقها على من يستحقها حسب الأفضلية فيقول :
قم سو ما يصبغ عـلى الصين لذياب *** بـدلال يشبهـن البطـوط المحـاديـب
أربـع دلال نـقـشـهـن تـقـل بـعــراب *** مـن شافهن مـا حافهـن بالعـذاريب
وأحمسها اليامن العـرق فوقها ذاب *** أستـدن ما يجذب عـليك الشواريـب
نجـرٍ يصيح من السكر تقـل بحـزاب *** حسـه يـنـادي للطـروش المراكيـب
والـيا صـبغ فـنجـالهـا كنـه خضـاب *** بكفـوف غضات الصبايـا الرعابيب
صبـه لـمـن قـاد الـسبـايـا للأجـنـاب *** لـه مفرس يشبع به النسر والذيـب
وأثـنـه لـلي لا صـار للعج ضبضـاب *** بالكـون ينطـح كايـدات المصاعيب
والثالث اللي وأن لفيتوا على ركـاب *** قدام بيتـه تـقـل مجـزر قصـاصيـب
والرابع اللي لا صك باب وراء بـاب *** حـّلال بالحـيـلات عـسر اللـوالـيـب
وباقي الملأ يصلح له الثول لوشاب *** لـزاخـت المركـا حـميـر المشاعـيب
الـلي نهـار الكـون يـفـزع بمصـلاب *** كبار النفوس وساهجين المواجيب
وأحـذر تحشّم كل من بالعـرب خـاب *** هنهـم ونفـل كـل مـن يفعـل الطيـب
وبعد أن سمع ذياب بن رميزان قصيدة هايس بن مجلاد وتقهوى من قهوته قام ذياب بن رميزان
وقال سوف أقوم بأعداد القهوة في منزلي وطلب من الشيخ هايس أن يتقهوى عنده وقد عمل القهوة
ذياب في بيته الذي لايبعد عن بيت هايس كثيراً وعندما جهز القهوة أعطاها القهوجي وقال هذه
القصيدة رداً على قصيدة الشيخ هايس بن مجلاد يقول :
نبـغي نسوي يـا ابـن مجلاد فنجـان *** يجلي عن الخاطر جميع الصواديف
يا زين فوح الهيـل بــدلال رســلان *** مثـل البطـوط المدبحات المهـاديـف
مطعومهن مجيوب من حب خولان *** راعي الـولع يشريـه لـو بـه تكاليف
حماسهـا فـي حمست البـن فهمـان *** خطو الغلام اللي يحوفه على الكيف
فـي لـون لا لـومـي ولا حـب رمـان *** كــار لـنـا كـلـش قـنـاق وتــوزيــف
أو تقـل ورس وخالطه ورد سيـلان *** فوحه مثـل ريح الصناديق بالسيف
فنجال يفرح به من الغوش عمسان *** يـدلـه قـلـوب المتعـبيـن المتـالـيـف
مـا قـيـل نـي ولا يـقـولـون حـرقـان *** ولا قيـل لـولا خالطه ثـول يا حيـف
قم يالقهوجي صب من دون حقران *** أقـدم ولا تحتار صبه عـلى الضيـف
وصبـه لمسواط العجاجـة بالأكـوان *** اللي إلى لحـق الطلب ردهـن عيـف
عـوق العـديـم إلـى تـلاقـوا بميـدان *** ما صـد عـن خيل العـدا بالتحاريـف
وصبه لمن تنصاه كان الزمن شـان *** الـلـي لـربـعـه باللـوازم تـقـل ريـف
هذاك اللي يشريه في غـلو الأثمان *** مـا حسـب بخسـارتـه والمصاريـف
وصبه لـذربيـن السواعـد والأيمـان *** أهـل الـلـوازم نـازلـيـن الأطـاريــف
ومـن عـقـب هـذا خلها دور ديـوان *** مـن زار بيتـك لـه كرامه وتشريـف
لا تحقر من الناس متـرف وشيبان *** أفطن ترى دنياك ضحـك وعجاريف
كم خايب منجـوب من صلب ديقـان *** وكـم طيـب كانـوا أجـدوده هـذاليـف

السلام عليكم ورحمة الله وبركاته...
الله يحييك ويبقيك اخي الكريم عبدالله ابن عبار شاعرنا الكبير شكرا جزيلا على الاطراء وليست غريبة عليك وعلى امثالك الطيبين وما عليك زود اخي الفاضل كما يسعدني ويشرفني ان انتسب الى موقعكم الموقر كعضو دائم واتشرف في رايك ونصيحتك لنا تقبل تحياتي الحاره العطره .... اخوك صالح بن راكان ابن حمود الرميزان