العين تعسف دمعها دون خيال
والهرج يعجز عن كلام اللباقه

هات الدلال وبهر القلب فنجال
وأشرب معي ياصاح هيل الصداقه

كان الغياب اللي كسر خوتك طال
وش حيلة اللي غاب عنه إشتياقه

تعال وأنظر كيف دونت تمثال
من جرحي اللي قابلا" للإعاقه

كم من صديق" يزعله قيل أو قال
وكم من رفيق" جاهلا" للرفاقه

وكم من عزيز" صف مع صف الأنذال
وكم من سهم صوبي جهز لإنطلاقه

ماأرتحت مع عم" ولاأرتحت مع خال
ولاأرتحت مع قلب رفضت أعتناقه

إلا أنت ياسيد المغاوير الأبطال
حتى بمرك شفت حلو الصداقه

لو المحبه تنشرى بجاه أو مال
رصدت لك مليون طاقه وطاقه

أنت الورود الزاكيه ريحها جال
لا والله ألا أنت ياصاح باقه

إن قلت لك قول تعاكسه الافعال
أعرف ترى قلبي قبلت إحتراقه

خذها عهد مني ولو هالزمن طال
ماأنسى رفيق معتني بالرفاقه

بارك الله فيك أخوي أبو زياد على القصيدة الجميلة وانت يا أبا زياد دئمن تأتينا بل جديد تقبل مني كل المودة والاحترام

هلا
بك
يالنشمي
(رياض بن سالم)
وتسلم
على
الكلام
الطيب
فأن
الطيب
ما يجي
منه
الى
الطيب
أخوك