السلام عليكم ورحمة الله وبركاته

هذه القصيدة تم نسبها لاكثر من شاعر وهي من نظمي حيث نظمتها عام 1427
والان منسوبه لغيري ، وهي قصيدة تعجيزية كتبت بدون نقط وجهت للنخبة خصوصا

جميع الاحرف التي كتبت بها تخلو من النقط ، وفيها ذكر للمسكا ، وديار عنزة وايحاءات خاصه بي تدل على كاتبها

ولاشك ان منتديات العبار احد المصادر الهامه بالنسبه لعنزة ، وهاهي القصيدة للتوثيق هنا ...

الــراس عـكّـر عـكّـره هــمّ مـسّــاس=والصدر لاسه والمسـه لاس مـالاس
لـلـدار ودّه ملهـمـه حـمـر الاطـعـاس=لـدحـال طـمّـه عــارم ٍ ســحّ سـحّـاح
هـمـلــول هــامـــل دام دمّ الــدْحـــالا=مـامـور أمــرْالله عـلـى الـكــل عـــالا
الله ومَـرْهــا وكـــل مــاطــال ســــالا=والمـاء مـلا كـل المصامـد ومــا داح
لـــم الـرواحــل كـلـهــا واحـمـدوهــا=للـدار كـم عـسّـاس ســاع امدحـوهـا
كـــل الـعـلــوم الـسـالـمـه عـلّـمـوهـا=حـال ورحـل راع الحـلال ولـهـا راح
لــه روحــوا لـلـدار روحَــهْ وحـولـه=وســم ٍ وسمـهـا مـاطـر ٍ دك حـولــه
علـى مهـل والـحـال حــال امحَلـولـه=الله عـطـاهـا والــرعــد مـامـعــه لاح
المسـمـى عـلـى حــد هــاك اللـوامـح=طمـح لهـا الـرحّـال مــع كــل طـامـح
الله سمحهـا حكـمـه السـمـح سـامـح=لـلــدار لـلـحـرّه الـــى حـــد مـاطــاح
لدرعـا ووراهـا والسّـهـال السمـاهـد=هــاك المـحـل وحـدودهـا والمـمـاهـد
لهـا المسكـا حـامـوا لـهـا والمعـاهـد=كـل ٍ عهـد لــه والـعـدو راح مـلـواح
مـلـواح لـــوّح راح دهـــر الـمـعـارك=الـصـح صــح وعـــوّد وراح حـــارك
حــلّــوا حللهم حـلــهــا حـــــلّ دارك=طرح الطوارح طارح ٍ طاح لو صاح
صــارم صرمـهـا والـعـداء ردّهــا رد=دام الــــدوام وحـولـهــا وارد الــعــد
لــد الـعـداء وحـدودهــا حـدهــا حـــد=اسمـه سمـا مـاراح مـعـدود للـصـاح
للصاح وأرها مصحصحه كلها ورود=راح المَحَل عاد المطـر سادهـا سـود
طـمَ الطـوال وطامـس ٍ حــد وحــدود=حلـوه حلاهـا هـامـل ٍ دكّـهـا وســاح
عـسـاه طـــم لـــدار حـمْــد وحَـمَــاده=عــوّد لـهــا الـحــوّام هـمــه ومَـــاده
حــــدد رحـلـهــا مــــار اول مــــرَاده=لا حـوّلـه حــولّ لـهـا كــل مـصــلاح
مــع الـعـلا مــع سـرمـدا والـطـوالـع=اطـوالـهــا واسـهـالـهـا والـصـوالــع
معـهـا الـولَـعَ ولــع لـهـا كــل والــع=مـع مـا كساهـا عدهـا طــرح طــرّاح
ارطـى وعـدام وحولهـا لكـح رمــرام=مـكـر وسـحـم وامْــرار ملـمـام لـمّـام
مـع الحمـاط وحامهـا الـحـوم حــوّام=لا وا حــلا هـالـدار مطلـعـك لـومــاح
لـومــاح حـــرّ ٍ هـــدّ لـــدّ ولـكـحـهـا=مـع حومهـا هــو رامـهـا ماسمحـهـا
مـع الـهـواء لــوّاح صــاد وسدحـهـا=والـدم الأحمـر سـاح مدحـاح ســدّاح
سـدّاح سـدحـه ســاع مـاهـو مـطـوّل=مـاكــر حــــرار ٍ عـلـمـهـا دوم الأوّل
دوّ ٍ دوالـــه هـولــه الـهــول هــــوّل=مـعـه الـصـدر روّام لـلـدار وامـــراح
حـد الطعـوس الحمـر والـراس دالــه=وصلـو السّمـر ماحـول كلـه سمـالـه
مـاعـاد اسـمـع كــل حـاســد ومَـالــه=كـل الـرمـم وعلومـهـم كــوح كــوّاح
كـوّاح كـاح وعــوّد الـكـوح دحـمـول=ورع ٍ مرح ماصـاح والحـال محلـول
إلا صـدر مهمـوم مرهـوص مسلـول=لاعـه دهـر مـدهـور حـلـوه لـلألـواح
ألــواح مــار الـحـر صـامــد ولـــوّح=عـلــى هـمــام ٍ لـلـعـدو دوم طــــوّح
السـاس عوصـا مـا وراهــا امْـكـوّح=مسلْـوَعَـه حَـصّـه ردوم ٍ وسـرسـاح
سرساح حمرا وأمها ساس عرمـاس=ماكوعـهـا لـمّـاس لـحّـاس مـسّــاس
كـود اكـواره مسهـا حَـسّ الادمــاس=طلمـس حــداه وحـدهـا راح مــرواح
مرسالـهـا مـرسـال حـلـو ٍ اسـهـامـه=حـط الحـسـام وحسْمـهـا والمسـامـه
حـــرّ ٍ لـكـدهـا والـمـعـمّـه اعـمـامــه=وصل اعدوده حاسـم ٍ كـل صحصـاح
للـعـد والا الــرس رس ٍ ولــو ســـاد=حـــط المـحـالـه والـدلــو حـــل ورّاد
صـل المَحَـص عاودلـه وكــدّ مـعـواد=حولـه حمـام ٍ مرسـل ٍ حـس صــدّاح
صـــدّاح صـــادح حـولـهـا أم سـالــم=مـع الهـواء والــراس عـالـم وحـالـم
سـرى الهـوى رحّــال كــود المعـالـم=إلا المهـا لـلـروح هــو روح الأرواح
روح الصـدر لامَـاه والـوصـل راحــه=عسـى العمـر لــو راح روّح مـراحـه
مـعـه مـعـه لــو الـدهـر مــال كـاحـه=آصلْـه لـو هـو واصـل ٍ حـد طـرمـاح
لو هو وصـل لحـدود عرعـر و لاهَـهْ=لـو هــو حـصـل لاسـمّـح الله عـاهَـهْ
أروح مهـمـا صـــار مـاهــو مـلاهَــهْ=الحـمـد لله مــا العـمـل لــح وإلـحـاح
هــو الـحـلا هــو السـعـد وا حـــلالاه=اسمـه سمـا مـع السـمـاء الله ســوّاه
صـامـل مصـمـم كـلــه الـــود لامـــاه=مـار الدهـر لـه مــال للـحـال كـسّـاح
كـسّــاح كـسـحـه لـلـحـرار ومــداهــا=وألا الـرمـم واسدومـهـا مــا وراهـــا
وحـد الحسـام محـصـل ٍ هــو دواهــا=روم العلا مصرور مع علـط الأرمـاح
لصد العداء مع الـردى لكـل الأحـوال=ماطال لو هو طال مـا طـال مـا طـال
لا صـار وسـط الـدار حكـم ٍ ولا مـال=صارم وحاسم حكمه أحكام واصـلاح
اصــلاح صلـحـه صـالـح ٍٍ للمصـالـح=لـكـل الـمـلا ســوّاح صـالـح وطـالـح
لاسـوْ لا اعمـال ٍ لـهـا الـحـال كـالـح=ولا واحـد ٍ مصـدوم والــراح لـلـراح
عـلّـم وطـالـع كــل مــاراح ودهـــور=العصر والمعصور والطـور والسـور
الله لـــه الاحـكــام والامـــر مـأمــور=أمــور لـهـا دور وحـصـور وامــواح
عسـى لهـا مـاصـار معـلـوم مـعـدود=الحمـر مـع الدهـم والسحـم والـسـود
هـاك الصـراره وعـاود العلـم مـردود=والــروح لأمـــر الله لـلـسـوْ مـسّــاح
الله لـهــا الــــودود عــالــم وعــــلاّم=مــــادام لــــو مــــادام الله لــهــا دام
وعـلـى محـمـد عــد مـاصـام صــوّام=صلـوا وسـلام مرسلـه راح ســوّاح

اللهم صلِّ وسلم وبارك على سيدنا محمد وعلى آله وصبحه من وألاه ..

صح لسانك أخي فهد على هالقصيدة الكريـمة وهذ االنظم المبدع ، ولا غرابة أن يكون من فهد نظم غزير وجميل يشبه الشهد ..

فرفع الله شآنك وقواك الله ، وأما السراق فهم ولشديد الأسف قد إستشروا في هذا الزمان وأصبح يهتف وراءهم من لا يعرف معنى للكلمة ولا قيمة ، وصفق وراءهم كل مسكين خاصةً في عالم المنتديات الغريب الأطوار والذي أشبهه دائماً بسوق ٍ كبير ترى وتشاهد به الناس ولكنك لا تعرف منهم أحدى ..

تقبل كل المحبة والتقدير وصادق الدعاء في هذا اليوم الفضيل أن يديمنا وإياكم أجمعين بستره وعفوه ورضاه فوق الأرض وتحت الأرض ويوم العرض إنه هو الرحمن الرحيم .

قصيدة رائعة جدا جدا جدا ... بل من معجزات القصيد أخي فهد ... فبارك الله فيك وفي قصيدك الرائع ... ودمت لنا بعز ... أخوك أباوائل السعران

الاخ فهد المسيكي
القصيده معروفه وسبق وان قلتها في مجلس احد اصدقائي من قبيلتك قبيلة المسكا
وكثير من الناس الحين اللي يدخلون الشبكه العنكبوتيه قاموا يسرقون اشعار غيرهم
عالعموم قصيده من زمان ماذكر والله وين باي منتدى لقيتها لكن صح الله لسانك...

الأخ فهد الينها قصيدة وألينك شاعر ولو كنت قد سمعت بها من قبل لسرقتها ضمن من سرقها فهذه القصيدة مثل الذهب ولا تستغرب سرقها وأخيك رغم أن قصائدة موثقة وتحمل ختم وزارة الثقافة والإعلام ومطبوعة بديوان فقد تعرض أكثر شعري للسطو البعض منه سرق كامل والبعض اشطر وأبيات والبعض سرقت معانيه ووالله أنني كل يوم أسمع بالقنوات مقاطع من قصائدي يرددها شعراء على أنها لهم والنت اصبح وسيلة للشخمطة والسرق فلا تستغرب ولكن الناس شهود الله في أرضه ولا يضيع حق وراه طلاّب

صح لسانك ومتعك با الصحه والعافيه . اخي فهد ونكتفي بشهادة الاديب والشاعر والمؤرخ ابو مشعل
ولنا الفخر بك . وبا امثالك الله يطول بعمرك

ياهلا بكم جميعا
ابن دوهان
ياحياك الله اشكرك على عطر مرورك

ابو وائل
لاهنت الروعه مرورك وحضورك

راعى العشوى
لاهنت وشاكر لك مرورك ويشرفني حيازك لقصديتي

لاهنت بارك الله فيك


ابو مشعل

شاكر لك مرورك واطراءك ولاهنت
شهادة اعتز بها ،،،

عزالله ماانت سارقها ،، انت يسرق منك ماتسرق

مار هالعالم انسفهت تالي وقتها
عجزنا عن خلق الله هالحين لو تقال قدامي وتنسب لغيري ماني مسولف
خل الدرعا ترعى

متعب الفققي ياهلا بك وحياك الله لاهنت على مرورك

صح لسانك يبناخي

ما يحتاج معرروفه وانت رصعتها بالدلايل

سبقني ابو مشعل على اللي ابي اقوله هههههههه

وهذا من جزالتها يبناخي


صح كلك

شـكــ وبارك الله فيك ـــرا لك ... لك مني أجمل تحية .