يا طير شلوى جعل الأنذال تفداك


أهدي مع تحياتي هذه لأبيات المتواضعة لجناب لآ خ عايد الرشيد ابو محمد حفظه الله

يا طير شلوى جعل الأنذال تفداك


أهدي مع تحياتي هذه لأبيات المتواضعة لجناب لآ خ عايد الرشيد الولدعلى حفظه لله





مبدآي باللي للسموات سمـــاك بسمه انضمت القاف مدح وهديـــــــة



أنحاك يا شعري بجدك وجــدواك ارسل معانيك الجزيله عليــــــــــــــــــة



ارسل مطر غيثك على من تـــحراك يمطر على قاع خصاب ومريــــــــــــه



وتروي الكبود اللى بها عطاش من ماك اما نزلت بليل ولا ضحويـــــــــــــــــــة



وآخــــــــــذ مرادي من معينك ومعناك واهديه للي به حميا وحميــــــــــة



لاتشـــــــــــــــــــتبه ما بين هذا ولاذاك مزبك عايد لك مضيف وحضــــــية



يابو مــــــــــــــــحمد وابل المدح ياجاك استقبلة بحجاج عين فضـــــــــــــية



أنالذي تســــــــــــتاهل المدح لآعدمناك أنت اللذى تزهاه المديح وصبية



وأنـــــــت الذي يعرف طريقك وممشاك مواقف بطيب ماهي خفيــــــــــــة



وعلـــــــــــى القبيلة شفت رغبة حمياك وبك تفتخر كل العرب والسمــــية



وبك تفتخر وائـــــــــــــل بطيب نواياك وبك تعتزي بالطيب كل عنزيــــة



ياطير شلوى جعل الانذال تفـــــــــداك ولا تستعين بفاعلين الرديـــــــــة



لافعلهم فعلك ولاهم بشــــــــــــــــرواك وعلى الرفيق يدورون الخطيـــة



ماودىاشرح عن هذولا وهــــذولاك ناس تمتع بالنــــــــفوس الاذيــــة



وانت تعرف ماظني العلم يــــــــــخفاك وتفهم رموز جديع بالأبجدــــــــــة



تعيش ياللى منهج الطيب مـــــــــــبداك وجه الندا عايد زبون الونيـــــــــة



طلق حجاج وزين طلعت محيـــــــــاك وقلبك عن الشينه بعيد نويــــــــة



رخيص ما باليد كريم بدنيـــــــــــــاك وبين الكرم والجود نفسك صخية



ياللى أعتليت من الكرم ســـبع الافلاك ياعل تفداك العفون الغنيــــــــــــة



يفداك عفن لآكثر المال مـــــــــــــلاك بالعيد مايذبح لجده ضحيــــــــــــة



مرحوم ياعود على الطيب ربــــــــاك ووصاك في طيب المراجل وصية



أعجبتني ياللى نضاف سجايـــــــــــاك يامنتحي بالعزوة الولدعـــــــــــية



وجه الندى ياللى بشوش محـــــــــياك هــــــــــــداج تيما يوم تذرف دليله



كلن على لسانه مدحك وطريـــــــــاك ويمــــــــناك من فعل الكرم حاتمية



على الفضيلة مسرعات مطـــ،،ــياك ولهن على بيت الكرم جاذبيــــــة



ودعيتنا يابو محمد وزرنــــــــــــاك وشديت من شانك شداد المطيــــة



ولولاك ماجينا مســــــــــايير لولاك ولاصار لى يم القريات جيـــــــتة



نبي نتشرف في جنابك ورؤيـــــاك وعند ك نشوف من النشامي نبوية



أحسن من مجالس كلنتن وبــــــاراك اللى ماحلو لراى قـــــــــــــــــــــضية



ماهمهم صيحات باكي وضحـــــــاك ومنهج مسيرة بوش منهج خويـة



مجلسك عندي يابن العم وملقــــــاك هــي منوتي شوف الوجية الرضية



اللى ليا ضك من الوقت ضـــــــكاك يشيلون عنك حمول ضيم قويـــــة



وقت اللوازم هم حزامك ومركـــــاك مثلك ومثل اللى بهم غادريـــــة



ولأالردي همش جــــــــــنابة لياجاك خله يدور بالأيام حلـــــــــــــــــية



ياعايد بن الرشيد نذكر مزاياك تسلم لنا وأيام عمرك بطـــــــــية



لولاالفعول الطيبة ماعرفنــــــــــاك لكــــــن قمر عشرين بان عشوية



جعل الولى ياطيب الاصل يرعــاك ويحفظك يابن الرشيد رب الربريـة



وجعل نصيبك طيبأًعند مـــــــولاك جاه الكريم وجاه منــــــــــــهو نبية



وختمتها بأذكار سرك ونجــــــــواك ونفسي على مدحك شفوق وشفيــــة



الشاعر بـــــشير محمد الحجر الدهمشــــي العنزي 21/6/1430هـ