قال الأخ الشاعر الفاضل مبارك بن إبراهيم بن مبارك العليّان الشمري
حفظه الله ورعاه هذه القصيدة مسندها على زميله محمد بن عايد بن دوهان:
يــقــول مــــن هــــو بالـتـمـاثـيـل بـيــطــار *** آخـــذ سـمــان الــهــرج وارمــــي هـزيـلــه
يـا راكـب أللـي مـا تشـوفـه عـلـى الـقـار *** يـشــبــه لـــصـــاروخٍ يـــضـــوّي شـعـيــلــه
لـكـزس فـخـر مـركـب طويلـيـن الاعـمـار *** تـــــوّه مــصـــدّر مـــــا بـــعـــد دار ويـــلـــه
مـن طوكيـو جابـوه مــن فــوق الأبـحـار *** ومـأمـنـيــنــه عـــــــن أمـــــــواجٍ تـشــيــلــه
يـمـشـي عـلــى هـــدي الـبـواصـل ورادار *** حـــتـــى يــســلّـــم يـــــــم ديـــــــرة وكــيــلـــه
لا تـنـظــر لـزيـتــه ولا تـسـحــب اعــيـــار *** مــــن مـصـنـعـه تـــــوّه جــديـــدٍ مـوديــلــه
شاشات في وسطه على اللمس وازرار *** مـــن صـنــع تـويـوتــا وذيــــك الفـصـيـلـه
يـسـوقـه ألــلــي دايــــسٍ كــــل الأخــطــار *** داج الــديــار وكـــــل حـــــيٍ يــجـــي لـــــه
يمـشـي مــن بـريــدة قـبــل فـــج الأنـــوار *** ويــــم الـبـحــر حــــروة غـــــداه ومـقـيـلــه
تلفـي عـلـى ألـلـي بالمـواقـف لـهـم كــار *** مثـلـك يـابـن دوهـــان لـــزوم نـعـنـي لـــه
يـا عـل مــن جـابـك مـحـرّم عـلـى الـنـار *** شــاعــر فــحــل راعــــي عــلــومٍ جـزيــلــة
مــن لابــةٍ وافـيـن مـــن مـاضــي الأدوار *** قــبــيــلـــةٍ يـــــــــا حـــــــــي والله قــبــيـــلـــه
عــدوّهــم يــشــرب مــــن الــمــر وأكــــدار *** ولا يــهــزّهــم حـــاســـد رجـــــــالٍ ثـقــيــلــه
وصديقـهـم مــا قـيـل فـيـه الـدهــر جـــار *** نــعـــم الـحـمـولــة والـــرجـــال الأصــيــلــه
واللي يبي الطـولات يآطـى علـى الحـار *** وبعـض البشـر بالطِّيـب مـا فـيـه حيـلـه
مـن لا شـرب مـن صافيـه ذاق الأمــرار *** لا مـــــن تــكـــدر بـــــآن فــيـــه الـحـثـيـلـه
ومـن لا يشـاور صاحـب الــرآي يحـتـار *** يــــذوق مــــن صــكــات بـقـعــا حـصـيـلـه
ومنافـسـك بالطـيـب فـــي كـــل مـضـمـار *** تكـسـب بـهـا سـمـعـه وتـكـسـب فضـيـلـه
نــعــمٍ بــنـــي وايـــــل ذرى كـــــل مـحــتــار *** قــبــيــلـــةٍ كـــــــــل الـــمـــراجـــل تــشــيــلـــه
وربـعـي هــل الـطـولات وافـيـن الأشـبــار *** يـــآفـــون لا بــــــآر الـعــمــيــل بـعـمـيــلــه
دنــيــاً كــفــى الله شــرّهــا كـلـهــا إكـــــدار *** لــــــو زان لــــــك يــــــومٍ تــعــكــر مـثـيــلــه
وصـــلاة ربــــي عــــدّ مــــا طــايــرٍ طــــار *** وأخـــتـــم بـــذكـــر الله وكـــثــــر تـهـلـيــلــه
***
قال محمد بن عايد بن دوهان القصيدة التالية جواباً على قصيدة
الأخ الفاضل المكرّم الشاعر مبارك بن إبراهيم العليّان حفظه الله ورعاه:
يــا حــي مــن قـافـه تشعـشـع بـالأنــوار *** مــســكٍ وعــــود مـخـالــطٍ ريـــــح هـيــلــه
قـــــــافٍ تـــلالــــى كــاللــوالـــي بــمـــحّـــار *** مــن نـظــم إخـــو غـلـبـا علـيـنـا يحـيـلـه
حص الجواهر ما اختلـط عرقـه حجـار *** الــجــوهــر الـمـكــنــون يــغــنــي قـلـيــلــه
مشكـور يـا مـبـارك أيــا نـسـل الأخـيـار *** ابـــن عـلـيّــان ألــلــي انـتـفـاخـر بـقـيـلـه
مـشـكـور يـألـلـي لــــك مــعــزّه ومــقــدار *** مـهـمــا قـصـدنــا مـــــا نــوفـــي جـمـيـلــه
ومنصور ينخـى مبـارك بنظـم الأشعـار *** قـلـبـه عــلــى كــســب الـمـراجــل دلـيـلــه
طيـر السعـد طيـر الـهـدد طـيـر غيـمـار *** يـضــفــي بــعـــزّه عـــــزوةٍ تـعــتــزي لــــــه
عـز الرفيـق أللـي علـى الطّيـب جسّـار *** طــيـــب الـمــراجــل كـــــل عـــــزٍ يـخـيـلــه
طيـبـكـم يـــأرخ مــــا بــقــى لــنــا اذكــــار *** مــثــل الــذهــب نـيـشــان عــــزٍ نـشـيـلــه
لـولا فعـول الطّيـب مــا تشـيـع الأخـبـار *** أهـــل الـكــرم مـــن دور حـاتــم وجـيـلــه
بغلـس الدجـى مثـل الكواكـب والأقـمـار *** الـشـمـري ســـاس الـكـــرم ينـتـمـي لــــه
طيور الحرار أللي إعتلوا رآس سنجار *** قــــروم الـنـشـامـا عــزّهـــم مـــــا يـزيــلــه
ولا كــل طـيـرٍ حــر ولــو جــاد الأطـيــار *** قـبـلــي أبــــو زويّـــــد يــوصـــي سـلـيـلــه
أشـفـق عـلـى هــد الـنــداوي لـيــا غـــار *** ينهض حجاجك كل مـا نـاض بشهيلـه
راعـيــه يـفـخـر بـــه عـلــى كـــل صـقــار *** يـزهــي لسـلـمـان الـعــرب يـنـهــدي لــــه
أللـي حمـى بسيفـه حِمـى الـدار وديـار *** سـيـف العـروبـة عــز مــن ينتـخـي لــه
ياللـي بإسـم شـمـر أكـرمـت بــن عـبـار *** لــنــا الـفـخــر لا صــــار مـثـلــك زمـيـلــه
هـو بيـرق الـويـلان فــي كــل الأقـطـار *** مــن نـجـد وخيـبـر لـيــن شـطِّــه ونـيـلـه
كـــارٍ لإخـــوان غـلـبـا وحـنــا لــنــا كــــار *** كــــلٍ عــلــى الـعِـلـيــا تـعــلّــى بـصـقـيـلـه
ويــــوم الــبــوادي بــيــن وِرِدٍ ومــصــدار *** شـــمـــر ووايــــــل وِرِدِهــــــم سـلـسـبـيـلـه
وايــل وشـمـر بـكـل مـجـدٍ لـهـا إصـــدار *** وكـــــــلٍ يـــعــــادل بـالـمـفــاخــر قــبــيــلــه
شــمــر ووايــــل بــيــن بـــــدوٍ وحــضّـــار *** صــــــرح الـمـعــالــي نـافـلــيــن بـنـفـيــلــه
إنـظـر مـــا سـطّــر الأجـانــب بـالأسـفـار *** تـطــاولــوا بـالـمــجــد بــعــالــي مـطـيــلــه
تــــوأم ســوامــي مــــا يــفــرّق بـمـنـشـار *** صِـيـد الأســود الضـاريـة مـــن فصـيـلـه
وكــــل الـقـبـايـل بـالـمـآثــر لــهـــا آثـــــار *** وحـظـي عــن الأجــواد يـنـفـض شلـيـلـه
ابـديــت لــــك فــكــري عــلــى قـافـيــة آر *** قــافٍ لإبــن عـبـار وصـعـبٍ نـجــي لـــه
حقـل الألغـام أبـو مشعـل للعـرب صـار *** سـيـفٍ عـلــى الـشـعّـار نـــاف بصلـيـلـه
رام المعـالـي وإعتـلـى المـجـد بإصـخـار *** ولا كـــل مـــن رام الــعــلا تـسـتــوي لــــه
وإختامـهـا صـلّـوا عـلـى سِـيـد الأطـهـار *** وعـلــى إبـراهـيـم وكــــل مـنـهــم خـلـيـلـه

مع الشكر الجزين للأخوين الشاعر مبارك بن إبراهيم العليان والشاعر محمد بن عايد الدوهان على هذه المساجلة الطريفة وأني مدان لرجال أسرة العليان جميعهم بالشكر والعرفان على حفظهم لقصائدي وتكريمهم لي ومنهم الرجل الفاضل الكريم منصور بن إبراهيم العليان وأخوانه الكرام وأكرر شكري لهم على معزتهم لي وتقديرهم لي ولا غرابه فهم أبناء الرجل الذي يثنون عليه أهل القصيم رحمه الله
كما أشكر الأخ محمد الدوهان على الأشادة بهؤلاء الرجال بسبب تكريمهم لي وألف نعم بالجميع

.
أبدعتم
صح السان الشاعر مبارك بن إبراهيم العليّان الشمري
وصح السان الشاعر محمد بن عايد بن دوهان

دمتم بهذا الألق


.