كنـــــا ,,,, وكنـــا - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

08-15-2017, 06:16 AM

كنـّا ،،، وكنّـا
------------

اهـــداء الى الاخ محسن عفات العياده الشمري

مـات الضمير اليعـربي يابـو غــازي = من راحـت القدس الشــريـفـه نسـيناه
مــات وأخــذنا فـيـه حــق التعــازي = والمـيـت مابــٰه فـزعــةً لـو نخــينـاه
من عـقب ما حـنـا بـروس النـوازي = وأعٰــلا القـمم يابـن الطنايـا رقـيـنـاه
ومثل الجباــل الشامخـه مـااتـرازي = كانــت هـقــاويـنـا ولكــن. فقُــدنــاه
نفـوسً أبيّـه مـالـهـا ما يـوازي = واليــوم حــنـا بالحظيـظ ورضيـناه
ومـن عـقـبهــا بغـداد جـاها.احتجـازي = بسجون. فارس ترضخ اليـوم عـزاه
داعش دمرها واللقيطه. امكازي = الحشـد واذنابـه من أدنــاه لاقصــاه
والشــام عـقــب الـعــز والامتيازي = تــرزح اســيره بيـن غبـن. ومعــانـاه
مــابـيـن نـازي وضعــها وانتـهـازي = هـذا الـوكـاد اللـي. يصير ولمســناه
عـاشـت عـروبتنـا بـــذل. ومـخــازي = واقـع عـلـيـنـا صـار لــو مـا بغيـنـاه
وتـاريخـنـا بـيـن التــواريـخ. فـازي = كـنــا ولكـن : فـعـل مـاضي دفنــاه
صرنُا ضحـيـة. كــل بـومً وبــازي = العـلـم مـن طهـران جـانـا واخـذنـاه
سـرنـا عـلـى رغـباتهم. بالجهـازي = والدرس يـا محسن بـقـوه حفـظـنـاه
حـرنـا وتـهنـا بـيـن منـع ومـجازي = ولا عٰــاد نفـرق. وجهـهـا مـن امقـفاه
صـرنـا ضحيـّة كــل نـذل ابـتـزازي = والغبـن كـاسٰه غـصب عـنـا شــربنـاه
تهـنـا وضعنا بيـن. صـاحب. وغــازي = مثـل البضاعــه بيـن بـيـعً ومشـراه
وكـل يـوم مـوديـلً جـديــد وطرازي =ولـو يختلـف بيـن الاسـامـي امسمـاه

محمد بن سوعان الربيّع
-------------------------------------------------------------------------
وهــــــذا رد الاخ محسن عفات الشمري كما جاء ,,,,,,,
السلام عليكم ورحمة الله وبركاته
رداً علي ما وصلني من الاخ الشاعر محمد سوعان الربيع
على قصيدته المرسلة لي عــن وضع امتنا العـربيـة.

الــرد :

البارحة جـفـني عـن النـوم جـازي = واليـوم عـيـني نـومهـا مـا تحـراه
كــني بنــارن يـوقـدونــه بـغـازي = ســتسعرت بدنا ضميري وباقـصاه
تـارد عـلى قلبي اهـمـوم إجــوازي = كـله ســبـب ما مـرنــا و انتـحــراه
جـاني جــواب امـتـوجّ بامــتـيـازي = يشكي بها وضع العـروبـه وماجـاه
مـن ولـد وايـل من رجـال اعــزازي = قـولـه كما نـقـد الجـواهـر امنـقّـاه
من محـمـد اللي مسـكـنـه بالحجازي مسـتذكـرن شــيً ن وانـا ودي انـسـاه
اللي حـصـل يـشــبـه لكسـر القـزازي = ببـلادنا صارت مخازي و مخــزاه
مع طولها في عرضها الـشــر فـازي = اعــدا عــداة الديـن بـغـداد ملـفـاه
ولا اريـد افـجّــر حـب بالقـلب حـازي = حب ن كـما صـم الصـفاه مسـتكنـاه
وانـا شـــمـالــي لكــن إنـي حـجــازي = نفـسي عـلي قــول الحـقيـقـة امغــذاه
بحـايـل هـلي فـي روس شـم النوازي = وصديـان جــدي شـامخ بشـمخ مـبـنـاه
وبعض الفـتاوي بالغــرض ما يجـازي = تشـدي لشــلـع الضرس يـومني اقـراه
لكــن عسى الله يحفـظ ابـلاد غــــازي = وفـي رحمـتـه رب العــبـاد ايـتـولاه
واقـبــل تحيــات الـــوفـــا واعتـــزاوي = مـن شـــاعـر جـاتـك اردوده امعـــنّــاه

محسن عفات العياده الشمري