يا دمعتي كفي وكفي عن .. النوح
ويا عين كفي دمعتك لا .... تهلين
بقي عليه واحفظي تالي ... الروح
والا سلمت الروح يا دمعة .. البين
الجرح غاير مني والقلب .. مذبوح
والعقل تايه والرفاقة ...... قليلين
واللي نريده ينطح القوم .. ذابوح
توه وتوه ملتهي عنك ...... يالعين
توه صغير وما بعد يفهم ... الموح
عمره شهر يا عين وستة وشهرين
والادمي عمره مسجل على . اللوح
ورزقه مقدر لو كدح عمره . اسنين
عزي لمثلي ما قدر يزعج ... البوح
من يسمعه دام النشاما ... بعيدين
واللي سترته جابه الدمع مفضوح
ويا ما سترته عن عيون البغيضين
ادافع العبرة وادرج مع .... السوح
لا يكتشفها تايه الفكر ..... مسكين

جحدر

صح لسانك يا أخ جحدر على هذه الأبيات وماشاء الله كما قال الإمام محمد بن سعود رحمه الله :
إلى اجتمع زينن وفعل اليماني *** جنة نعيم بالحشا وأن تلاقن
وأنت مادام أنك تجمع الشعر والمصداقية في البحوث فأنك نعم الرفيق وفقك الله وكف الله دمعتك بالفرح والسرور

الله يحفظك ويسلمك يابو مشعل وصح خفوقك ، وكان بودي لو شجعتني بيتين من شعرك ، وانت كبيرنا بفهم الشعر ووزنه ومعناه لاهنت .