بسم الله الرحمن الرحيم
زبــن الـرفيــق..
اهــداء واسـناد الــى الشــاعــر الكبير مشعل بن عســـام التريباني
........ مع خالص التقديــر
ســـلام يـانـسـل الصـنـاديـد الاكـــرام ,,,,,قرمً عن اسموت العرب مايميلي
واعني بها مشعـل نمـا الليـث عسـام ,,,,النادر اللي ما يجـيـلـه مـثـيـلـي
زبن الرفـيـق الـلي تبـلـته الايـام ,,,,,,,,نـسل الضياغـم محتمين الدخيليي
خويهـم مـن سابـق الوقـت ماايضام ,,,,,,,وخـويـهـم يـرتاح لــوهـو علـيـلي
مـن دونـه الأرواح ترهـن والاجسـام ,,,,,,,ومعهـم تـراه بــرأس ضلعً طويلي
الشاعـر الـلـي ذاع صيـتـه بـالاعـلام ,,,,,هــاك الاديب اللي بنـوعـه. قليلي
اليا تهيّـض هاجسه جابـهـا اشمام ,,,,,,,مـثـل الدرر يـاتـيـك قـافـه جـزيـلي
حـــرً مضـاريـبـه قـويــات واجـسـام ,,,,,,,وعينـه حـشى ماتلتفت للهـزيليي
وعقب السلام اللي دعوا فيّه الاسلام ,,,,اللـي وضعتـه بـاول احروف قيلي
حضرت انا بيض الصحايف والاقــلام ,,,,,,,,وأبدي على ماقيل حاصل حصيلي
من شي يمر بخاطري مثل الافلام ,,,,,,,,وعلى مـدار الوقـت طيفـه يجيـلي
بابـدي عليك اسراهـا يابـن عـسام ,,,,,,,,مـن واقــعً وقـعه بـصدري يـهيـلي
غديت مـا بـيـن الحقـايـق والاوهـام ,,,,,,,وأفـخـت انا يابٰن النشـامـا دليـلي
ضيعت انـا ياصـاح مـن كثـر الارقــام ,,,,,,,,بـين القـرابـه والـصـديـق وزمـيلي
مــا عــاد امّـيـز بـيـن هـايـم وهـمام ,,,,,,معـي اختلط كل صـاحيً بالهبيلي
بيني وفرصة ونستي حرب واخصام ,,,,,,كني هدف لهجوس من كل فصيلي
تحالفت من ديـرة الـشرق والـشام ,,,,,,وجتنـي امغيـره فـوق هجنً وخيلي
ويامـكـثـر الـلــي وده ايــكٰون قـدام ,,,,,, بـالـصـف الاول مــنــزلٰه والـنـزيٰلـي
لـكٰن مـقـاسٰيـم اللـيـالـي والاعـوام ,,,,,تـخـلـف هقـاويـنـا بـنــزل ورحـيـلـي
وكـم مـن عزيـزً خــأب ظـنـه ولا قٰـام ,,,,,خـانـت بــه بـالايـام وأصـبح ذلـيـلي
الـعـوز حـطــم هـقـوتـه والـكدر دام ,,,,,وكـنـه يــكٰوِّى فــوق جـمـر الملـيلي
جاك اختصـار الهـرج يانـسٰل الاكٰـرام ,,,,,حيثـك صـديـقً لـي واخــو وزميـلـي
محمد بن سوعان الربيّع
__________________________________________________ _____
الشاعر/ مشعل عسام التريباني الشمري
((رد على الشاعر/ محمد سوعان الربيع )) 12/3/1437 هـ
ملاحظه انا غيرت صدر البيت لكي تفرق بين القصيدتين
هات القلم والبوك والطرس يافـلان ,,,, واكتب على صفحات الاوراق قيلـي
للشاعـر اللـي يمـنـا سـاق الالحان ,,,,,مـثـل المحـيـط يـسوي المستحيـلي
وصـل كلام الشمـري لبـن سوعـان ,,,,,مـحـمـد الـلــي للـمـحـامل يشيلي
قـلــه وصـلـني خـطـكـم ياكحـيـلان ,,,,,يحمـل مـن الهـرج المنقـا الجزيـلـي
تذكرميول الـوقـت ياعـالـي الـشـان ,,,, وقــتٍ عـلــى الاجـــواد دلا يـمـيـلي
هذه هي الدنيـا بهـا افـراح واحـزان ,,,, تـذبــح محبـيـنـه بــحــد الصـقـيـلي
تفقع عيـون انسـان وتكحّـل انسان ,,,,, وتلبـس ثيـاب المكـر عـنـد النزيـلـي
وتجـنـدل الـلـي بالميـاديـن فـرسـان ,,,, وتـقــدّم الـخـبـل السـفيه الـرذيـلـي
وتطعن قوي الباس في شذرة الزان ,,,,,, وتسقي هلا الطوله من الحنضليلي
مـادامـت الدنـيـا لطلـقـيـن الايـمـان ,,,,,,, زمل التخوت اللـي تشيل الثقيلـي
دنـيـا كـفـا الله شـرهـا مالـهـا امــان ,,,,,, غــدّارةً تـحـمـل جـنازة قـتـيـلـي
مكـارتٍ تمشـي علـى روس يتـمان ,,,,,,,شــره علىى الـخـلان ماله خليـلي
تكظم على عضود اليتامـا بالاسنـان ,,,,,,,,وتطبخ لحـم ميـته وتطعم عليـلـي
وتسلـط الجايـع علـى بـيـت عـريـان ,,,,,,,,وتربط فم العطشان ربـط الصميلي
تحمـل علـى الطيـب مذلـه وخــذلان ,,,,, والـلاش بـالـكـفـيـن دلا يـشـيـلـي
وين الرجال اللـي يفكـون الاضعـان ,,,,, راحت بهـم ســود الليـالي رحــيـلـي
اسود جناح يبيض في عش شــيهان,,,,,,, راح الكـثيـر ولابــقــا الا القـليـليي
يعني مثـل ماقيـل حـان القضـاحـان ,,,,,,,مايستـوي راع الـفـرس والرجيـلـي
مـن مايعينـه خالـق الكـون مايـعـان ,,,,,,الناس ماتعـطـيـه حـتــى القـلـيلـي
لـكــن لـنــا بالصـبـر عـزه وغـفــران ,,,,,,,والصبـرفي كـل المـواقـف جـميلـي
مشعل بن عسام التريباني

صح لسان الشاعرين محمد بن سوعان ومشعل بن عسام التريباني على هذه المساجلة التي تحمل معاني جزلة ووصف رائع لما يجري بالدنيا من نكتبات للأجواد نسأل الله العافيه

ما عليك زود استاذي الفاضل
اشكرك على المرور وحسن المتابعه وطيب الاطراء
لاهنت يابو مشعل عسى الله يعطيك الصحه والعافيه ويديمك
ولايحرمنا من تواجدك .