راااااااااااااااااااااائعة
قصيدةإن بدأتها لن تتوقف حتى تكملها كعقد اللؤلؤ
بصراحةقصيدةتسد عن ديوان

شكرا على مرور الجميع
ويستاهل ابو مشعل اكثر

السلام عليكم ورحمة الله وبركاته،،،
جزاك الله خيرا أيها الأديب ناصر خير الجزاء على هذا الإنصاف الغير مستغرب من رجال شرفاء منصفين، أنصفوا للرجال وأشعارهم..
وكما هو معلوم فإن الشعر ديوان العرب ،، وهو رمز للعروبة منذالقدم،، وكان هو البريد بين الأمم السابقة ولا يزال إلى عصرناالحاضر ،،، وعندما جاء الإسلام حثّ عليه وأيّد منه ما كان محمودا وأنكرمنه ما كان مذموما كالهجاء المقذع والغزل الفاحش...

كان الرسول صلى الله عليه وسلم يستشهد بأبيات الشعر وما كان فيها من الحكمة ومكارم الأخلاق...
فكان صلى الله عليه وسلم يردد ويستشهد ببيت طًرًفة بن العبد:

ستبدي لك الأيام ما كنت جاهلا***ويأتيك بالاخبار من لم تزود

وبأبيات عنترة عندما قال :

وأغض طرفي ما بدت لي جارتي ***حتى يواري جارتي مأواها

وقال عليه الصلاة والسلام( إن من الشعر حكمة )

ففوائد الشعر كثيرة لا نستطيع حصرها منها الحث على مكارم الأخلاق ،، والحث على البذل والسخاء ، وكذا التذكير بما للمرء وما عليه في الدنيا والآخرة ،، وكذا فضّ الخلافات وحلها مثل ما كان يفعل المتنبي

وفيعصرنا الحاضر أمثله كثيرة عليه ،،
فالمتتبع والقاريء والمتذوق والمنصف لشعر الأديب والشاعر والأستاذ / عبدالله بن عبار يجد ذلك ،،

ففي مقالٍ كتبته ـ كاتب هذه السطور ـ في هذا المنتدى المبارك تحت عنوان ( دلائلي على فصاحة ديوان الوائلي ) وجدت أن لشعر وأدب وبلاغة ( ابن عبار ) إنصافٌ وذكرٌ عند المنصفين من أعضاء هيئات التدريس في الجامعات ،،

وكذا عند العوام من الناس ،،فقد كنت قبل شهرين تقريبا في إحدى المناسبات ،، في محافظة العلا ،، وكان حديثي مع الكثير من كبار السن حول أوضاع بعض الشباب ،، فاستشهدت ببيتين من الشعر للشاعر راشد الخلاوي ،، حيث يقول :

من لا يحصل بأول العمر طولـه *** فهو عاجز عنها إلى صار شايب
ومن خاب في أول صباه من الثنا *** فهو لازم في تالي العمـر خايب

فغضب مني أحد الحضورـ رجل كبير قدرا وعمرا ـ ،، قائلا باللهجة العامية ( تكب شعر ابن عبار والمفروض انك تذكره ) فخشيت أن يضربني فقلت له مداعبا وماذا قال ابن عبار ،، قال : لقد قال في قصيدة طويلة ومنها :
الطيب كايد والمراجل عسيـرات *** ولاكل من يقـدر ينـط العلاوي
ومن لا كسبها بأول العمر هيهات *** ما حاشها عود من الكبـر ذاوي

فانقلب حديثنا عن شعر وقدر أبي مشعل حفظه الله ،، حتى انفضت تلك المناسبة في ساعة متأخرة من الليل...
فأقول هنيئا لأبي مشعل هذا القبول عند الناس في جميع الطبقات ،، فبارك الله فيك وفي أبنائك وفي شعرك وفي هذا المنتدى المبارك ،، فهنيئا لمن تواضع بعلم وعلم بتواضع.. وصدق النبي صلى الله عليه وسلم حيث قال ( من تواضع لله رفعه الله ) صحيح مسلم

وقفات :يموت رديء الشعر من قبل أهله *** وجيده يبقى وإن مات قائله
وقفة ثانية :
إذاالشعرلم يهززك عند سماعه *** فليس حريّاً أن يقال له شعرُ
وقفة أخيرة :
إذا شِئْتَ أن تَزْدَادَ قَدْرًا ورِفْعَةً ***فَلِنْ وتواضعْ واتْرُكِ الْكِبْرَ والْعُجْبَا تقديري للجميــــــــــع ...،،،،

مع الشكر والتقدير للأخ المحقق ناصر الحميضي الذي لا أعرفه ولم أقابله ولكن صاحب الضمير يملي عليه واجب الأنصاف وقد حاولت الحصول على تلفون هذا الرجل لأشكره ولم أحصل عليه وأني مدان بالشكر لجميع الأخوة الذين تفاعلوا مع هذا الموضوع دون أستثناء فجزاهم الله خير الجزاء وللجميع وافر تحياتي

قال مؤرخ قبائل ربيعة الأديب عبدالله بن عبار هذه القصيدة في أحوال الدنيا وتقلبات الزمان :
سر يا قلم وأكتب من أشعاري أمليك *** من خاطـري سجل قرايـض وقيفان
الـقـلـب دكـت بـه طـوارق دواكــيــك *** يلعب بـه الهوجاس والفكر حيـران
كـل ما هجـد زادت عـلـيـه الـدبـاليـك *** روابـعـه تـطـري تـشاكيـل وألــوان
أحتـرت بـك يا هاجسي ويـن أوديـك *** نـوبٍ بـيـات ونـوب كونـك أمسيـان
حـاولـت عـن كـل الخلايــق أخـفـيّـك *** لاشـك قـالـوا كـل ما يخـتـفـي بـان
كـني أشـوفـك كـن بـالعيـن أراعـيـك *** لـو كـان مـا يضهـر خيالك للأعيـان
ما تنوصف يا هاجسي كيف أحـليـك *** كـنـّك ضحاح اللال يـزمـي بـقـيعـان
أنـت السراب اللي الضهيره تسويك *** كـنـه غـديـر ولا شرب مـنه ظميـان
أنـت الأمانـي والأمانـي أتضــاهـيـك *** أنت الأمـل يطـري على كـل وجـدان
أنـت الـذي ريـح الهبايـب أتشـاديـك *** أنـت الهواجس والروابع والأشجان
أنـت الخيال اللي المشاعـر أتناجيـك *** هومات شاعـر ولا أحاسيس فـنـان
أنـت الـذي تملـي قرايض طـواريــك *** وأنت الـذي تـبدع عـذيـات الألحـان
سجل على بيض الصحايف مبـاديـك *** مقصودهـا ما يدركـه كـود فـهـمـان
أقـولهـا ويـا سـامع الـقـول نعـطيـك *** أقـوال صــدق ولا تـكلـمـت بـهــتان
يـا الفاهـم أسمع كل ما قـلـت يعنيـك *** أعرف هـدف معـناي والهرج وكدان
أوصيك يا من تسمع القول أوصيـك *** خـذ النصيحه يـا فتى الجـود مجـان
قول العذول اللي عـن الشين ناهيـك *** يرشدك للمعـروف من قلـب ولسان
وأن كـان تسمع جابتي لـب داعـيـك *** خـذ الحـذر لا يـدخـل الـبـال نـسيـان
عن الضلال لمسلك الحـق نـهــديـك *** درب الهدى فيه الفضايل والإحسان
أفطـن تـرى نيبـان بـقعـا مـشـاويـك *** حـذراك مـن بقـعـا تعـضـك بنيـبـان
دنياك يا بن آدم تــراهـا شرابـيـــــك *** لو سانعـت لازم تـقـودك بـالأرسـان
لـو أضحـكـتـك أيـام لابـــد تـبـكـيــك *** غـداره وفـيـهـا وساويـس شيـطـان
حـذراك مـنـهـا وعـدها من أعـاديـك *** دنـيـا الشـقـا مـا وفـرت كـل ديـقـان
كان أنت جاهلها بها أخبرك وأدريك *** مـا دامـت لقيصر وكسـرى وكنعـان
دالـت بحكـم الشـاه والبـاش والبـيك *** ومالت على قـارون قـبـلك وهـامان
أطـلالـهـم لـوهـي تـكـلـم أتـحـاكـيـك *** طالع أثـار اللي على الخيـل فرسـان
بس أنشد الأهـرام قـل كيف ماضيك *** وين الـذي عانـد دليـل ابـن عمـران
وأنشـد سبـأ بلقيس ما هي خباريـك *** ويـن الـذي مـنـهـا تـعـجـب سليمان
وأنشـد حمى دميـاط ويـن الممـاليـك *** ثم أنشد الشهباء عن ملوك حمـدان
وأنشد دمشق الشام قل وين أهاليـك *** وين الخليفه ويـن ابن أبـي سفيـان
وأنشد قصر بغداد قـل ويـن راعـيـك *** وين الذين حطمـوا عـرش ساسـان
وأنشـد وسائل من تشوفـه حـواليـك *** من شاف من عيّـن سلاطين عثمان
آثـار بـالـيـن الـعـهـد دون تـنـبـيـــك *** بادت وأهلها روحـوا مع خبـر كـان
كـم حـاكـم أطـلال قـصـره أتـوريــك *** عبرة من التاريخ في ماض الأزمان
يا قصر شفتـك عقـب ما باد منشيـك *** أضحى جـدارك تـقـل موقـد بنيـران
زال الرخـام وزال نـقـش السراميـك *** وأصبح محيطك ناحـل بس جــدران
كنه مضى بسقفـك عـباريـد بلجـيـك *** وغديت من بطـو الزمن تقل نيشـان
كـنـّك رمـيـت بحـامـيـات الـنيـازيـك *** أو تـقـل قضك مع قـواعـدك بـركـان
أنشـدك يـا قصر الـفـنا ويـن بـانيـك *** ويـن الذي شيّد عـلى الساس بنيـان
واليوم صـار أسفلك يا قصر عاليـك *** عقـب الشموخ اللي تقل شم ضلعان
طـفـت مـصـابـيـحـك وكـل الأتـاريـك *** عقب المضيف اللي مداهيل شيخان
وين الذي عـن لافح الشوب يـذريـك *** يا ما لجـأ لـه من ضعافـي ويـتمـان
ويـن الـذي وجودهـم كـان زاهيـك *** صالوا وجالـوا بـيـن تـرك ورومـان
فـي عـصرهـم كـل الممالـك أداريـك *** حازوا بـلاد الصين والهنـد وأيــران
يـوم المعـزه والفخـر في ضـواحيـك *** من لاذ بك يحشم عن الظيم ويصان
يا ما عـنالـك طـارش سـار نـاصيـك *** فوق الرمك ولا على الهجـن هجـان
مفـتـوح بـابـك للـنـدى والـشبـابـيـك *** راعيك ما سكـر عـن الضيف بيبـان
يـلقـا الكرامـة كـل مـن سـار باغـيك *** وتفـرح ضميـر اللي تنصاك جيعـان
فـي جـفـنة لا نـوشح الـزاد تـقـريـك *** يـجـدع بـهـا حيـل ربايـط وخـرفـان
كـم شيخ لابـه صيت علمـه أيناديـك *** تسيـر في طيبـه مـع النـاس ركبـان
اليـوم قصـره منظـره صـار يغـثـيـك *** عقـب الـوناسـه ما بـقي فيـه سكـان
لـو كـان تنشد وين راحـوا عـوانيـك *** ويـن الـديـاقـا والمشاكيـل الأعـيـان
شخوص الرجال وداحمين المداريك *** محـتـهــم الأقــدار شـيـب وشــبــان
يا قصـر ما شفـت القروم الـدوامـيك *** اللي تـوارثــوا الـفخـر ورث جـدان
صالوا على جرد السبايـا بـروابـيـك *** يـــوم الفخـر والعـز بعـنـان وسنـان
اللـه وأكبـر كيـف خلـيـت مـراعـيـك *** ما تقـل دوج بـك من النيـب قطعـان
عينت سكانـك عسى الهجـر يـلويـك *** جاك الـنـيا والحيف من كل الأركـان
البـوم ينغـط فـي خـرايـب سـواريـك *** فـوق الرموس الباليه حـوم غربـان
هجـر الـنيـا والبيـن واللـوم غاشيك *** مابك سـوى قـل الوناسة والأحـزان
سبحان من خـلا أصحابـك أتجافـيك *** حـتى يشوفـك دارس العهـد خـربـان
غـارت يـنـابـيـعـك ولا عـاد تسقـيـك *** من عقب ما كانت خباري وغـدران
يا جافي الأصحاب لا سال واديـــــك *** أخلا جنابـك بس يصرخ بـك الجـان
عـزالـلـه أن الـيـوم قـلـت حسانـيـك *** من يـوم ربعـك شملهم صـار شتـان
هبـيـت يا قصـر النـدم خاب راجيـك *** من يلتجي لـك تالي الوقـت خسـران
لو بـك مـعـزه صـاحبـك مـا يـخلـيك *** لاشـك ما أنـت لشاكي الضيم مزبـان
الـلـه أيـكافـيـنـا مصـايـب بـلاويـــك *** موطن خزي موطن مهونه وحقران
صاحبك يا قصر القشر بـه أنعـزيـك *** ودنـياك مـا دامـت لطـلقيـن الأيمـان
دنـيـاك يـا غافـل تـرى طبعهـا هـيك *** والعـمـر مـهـما طـال يـقـفـاه ديــّـان
الـعـمـر يفـنى والـليـالـي تـهـالـيـــك *** وبـقـدرة اللـه كـل مـن فـوقـها فــان
يوم الحشر يا العبـد ما فيـه تشـكيك *** فيـه أيتسـاوى كـل راعـي وسلطـان
فـي ساعـة ما ينفـعـونـك بنيخيــــك *** ولا أظـن يفـزع لك قـرايـب وخـلان
تنهج خلاوي ما تجد من يخــاويــك *** أذكر مـصيرك يـوم تـدرج بالأكـفـان
حسبك عملك إلى تضايـقـت ينجـيـك *** ولا فـلا غــيـره رفـاقـــه وصـدقــان
عملـك في كـل الطرايـق أيــباريـــك *** في يوم ينصب لك على الحق ميزان
لا تنخـدع بالمـال حـاذور يـغـريـــك *** مـن ينخـدع بالمـال خاسـر ونـدمـان
ولا تغـتبـط لـو الـخـلائــق اتـهـنيـك *** لا بــد مــا يــأتــي لـلأفــلاك دوران
أصبـر علـى ما قـدر الـله واليـــــك *** رب العبـاد اللي ضمن رزق الإنسان
أصبر إلى ضاقت عليـك المساليـــك *** وأفطن ترى عند الولي رفعة الشان
وأطـلـب ولـي الكـون بالـمـد يغـنيـك *** أنصـه ولا تركـن عـلى فلان وفـلان
وإلى شكيت مكـون الكـون يشفيـــك *** الـلي شـفـا أيـوب مـن عـل الأبـدان
ولا ترتـجي بصـرت حكيـم يـداويــك *** لو كان عنده طـب ما طاح مرضـان
وأنـذرك عن رفقـة خطاة الصعاليـك *** هـل الغـدر مـا سلمهـم سلم عربـان
ولا تخالـط الأجـرب حذاريك يعـديـك *** مـا أظـن يبـرى لـو طليـته بقطـران
تـصيـر مثـلـه مـن قـربـتـه أيهـبـيـك *** عن القراح من الظمأ تشرب اسيان
وترى الطغاه اللي عن الحق تعميـك *** أهل القلوب اللي عن الحـق عـميان
اللـي علـى علـوم الرذايـل أتربيـك *** أدنـا خطاهم وأهـونـه شـرب دخـان
بالناس تلقى البوم والصقر والديــك *** والثعـلب المحتـال والذيـب سرحـان
وأبعد عن اللي ما يحبون طـاريــــك *** لازم يـعـيـبـونـك لــو إنــك كحـيلان
وراعي الهدف كنه رفيق أمصافيــك *** إلى بـدت لـه لازمـه جاك شـفـقـان
مهما سعيت بحاجته حين يأتيـــــــك *** حـزت قـضى من لازمه قال جحدان
لو قلت وش داعي الجفا قال مابيـك *** وإلــى ذكـرت السـابـقـه قـال مـنـان
قـلـه تـقـلـع لا تـجــيـنـي ولا أجـيـك *** وش عـاد لـو كنتـم رفـاقـه وجيـران
خـلٍ تـقـيـرب لـه وهـو دوم يقصيـك *** خلـه يـولـي رفـقـتـه فـود عــوجـان
لو تزبنـه ملـزوم يـخـلـف هـقـاويـك *** لـو كـان جـيـبـه بـالـدنـانـيـر مليـان
ولـو تشتكي لـه هقـوتي مـا أيـشكيك *** أعطيك عـن قـربـه تعـاميم وأعلان
عـلـيـك بـالـطـيــب قـبـالـه أيـعـلـيــك *** ولا الـردي قـربـه يحطك بالأطـمان
علـيـك بـالـلـي بـالبشـاشـه أيحييـــك *** يضحك أحجاجه بالندى كل الأحيان
عـلـيـك بـالـلـي بـالكـرامـه أيـبـاديـك *** تعـتـز فـي قـربـه ولا قــرب كوبـان
إلــى بــدت لــك لازمـه قــال لـبـيــك *** خـل صدوق وصادق فـيـكٍ ما خـان
لو تزبنه مظيوم بالروح يحـميـــــك *** حيثه مجـرب من صماصيم شجعـان
أنص الذي قربه يسرك ويرضيــــك *** الحيـص شـيـال الـمحـامـل بـليـهـان
وإلـى حـداك الظيـم دور معـانيـــــك *** أزبـن هـل الجـودا صواريم حـوران
ولا الـردي لـو جـيـت زابن أيجـليـك *** مثـل الكـداده مـا بهـا وكـر عـقـبـان
ولـد الـردي لا تجـعـله من مراكيــك *** خـله يـولـي مثـل طيـر ابـن بـرمـان
مالك ومـال اللاش لو هـو غـدا بيـك *** لازم يـتـلـه مـن مـعـامـيـق رديــان
وحـاذورك الـنـمـام بـالـك أيـحـديــك *** يكيـد مـا بـيـن البـنيـخـي والأخـوان
حيثه يفكك شمل الأصحـاب تفكيــك *** يفرح أن كانه شاف الأقراب عدوان
لا تحسب أنـه منصح لـك ويغليـــك *** أعرف ترى قلبه على الشر ضرمان
وأفطن ترى الشراث لا بد شانيـــك *** ما يـقـتـنع لـو تحملـه فـوق الأمتـان
لـو كـان مـا تاجـد ريـال بمخـابـيـك *** مـا يـأسـف لحـالـك ولا راح قـنعــان
وإلى حكيت أحفظ قرايض مهاجيـك *** وأوزن كـلامـك لا يـقـولـون كـذبـان
وأعرف ترى الثرثار هرجه تماتيـك *** كـأن فـي جـوفـه مسجـل وشـرطـان
لو تزهمه بالصوت ما تقـل يـوحيـك *** وإلى نصحته صد غاضب وزعـلان
يــدرد ولا عـنـده عــلـوم تـسـلـيــك *** يــفـرا الـكـلام بـلا دلايــل وبـرهــان
والفـاهـم الـمـدرك بـرايـه ايـقـديـك *** وأهل الجهل دايم عـن الحق عميان
وإلى ظهر علمك ترى الناس توذيك *** أحفـظ كرامـة سمعتـك قـدر الأمكان
والخاتـمه أطـلب وليّـك وباريـــــــك *** وصلوا على خير البشر نسل عدنان