اقتباس : المشاركة الأصلية كتبت بواسطة مشعل العبار [ مشاهدة المشاركة ]

أكيد أبو عبدالعزيز نام هالحين بس الكلام وش يظمن لنا أنه مايحلم باللغز؟

هه اره ما امرح كل اليل يرمز الجهاز يدور الحل بعدين ارجال قبل ماينامون حيل

اقتباس :

الله يجيرك جلست تالي الليل ، قلت يمكن هالوايلي الذيب الأمعط بناخيي رد.. واليوم من الجهمه جهمة هنا أدور الرد قبل لا أروح للعمل .. أظنه يا أبو مشاري هو اللي هلحين نايم ما هو أنا ..

بعد جلست تالي الليل تدور الحل لا والله اوخذنا ابشر والله بالحل وش نسوي نبي نريحك من هالترمز لا يقولون عودنا خترش

اقتباس :

وكانكم بلشانين بعمري فأنا واعي سنة مقيض طريف وجيتي سنة ربيع سبع إبيار أللي يقولون لها الرجعان التالي .. أقول تروكم مطولين بهالسالفه قبلكم السبعه بلشوا بعمري ولا قدروا يعرفون وهلحين طلعتوا لي أنتم

الله يمتعك بالصحه والعافيه واظن سنتك الي جيت فيها قبل لاتطلع مسميات البشري وسلاحيب والمربعه والعلقانه وقديم ، يعني انت يابن دوهان ضارب بالقدم واكيد ان السبعه ماراح يعرفون عمرك لانك موالد شيبانهم الله يطول بعمرك

جيتك


الحل هو
الترميز

الشفره

انكريبشن

كودينغ

لغة موريس



هلحين يستانس عز الله أبو عبدالله لقى له نصير هو وأبو مشاري

اقتباس :

الحل هو الترميز الشفره انكريبشن كودينغ لغة موريس

ما لك لوا ولاهو

الحلس

ولا البيد

ولا العليقة

ولا الحداجه

ولا السفيفه

ولا النطع

ولا لغة موريس الي هي ترجمتها (المشايع)

السلام عليكم ورحمة الله وبركاته

نحاول نشارككم بحل هاللغز وهذي أول محاولة لي

( نجمة الضابط )

وهي الي يصد عند ما يعلقونها عليه

وعليكم السلام ورحمة الله وبركاته

حياك الله يالبناخي ورمعتك طيبه ما لك لوا

أليست المرأة

أي المره


الله لا يمرمر لك ريق

مساكم الله بالخير يالربع

وانا ابتركم ترمعون اللغز واذا ماحليتوه ابي افكر به

اقتباس : المشاركة الأصلية كتبت بواسطة محمد بن دوهان [ مشاهدة المشاركة ]

أليست المرأة أي المره الله لا يمرمر لك ريق

اعتذر عن التأخر بالرد وما لك لوا والمره ماينصد عنها يالبناخي

اقتباس : المشاركة الأصلية كتبت بواسطة النداوي [ مشاهدة المشاركة ]

مساكم الله بالخير يالربع وانا ابتركم ترمعون اللغز واذا ماحليتوه ابي افكر به

الله يمسيك بالرضا يالنداوي وتكفى فكنا من هاللغز تره صار طلابه