حياك الله يابومشعل وصبحك الله بالخير الحقيقة في سالفة طرت علي وهي تغني عن الكلام وهي طرفه مضحكة ومناسبه للموضوع"فيه رجال على ذلوله ماشي لحاله وانطحوه اهل ركايب واطمعوا فيه يبون ياخذون ذلوله واللي معاه يوم اوقفوه قالوا له وش انت من عرب وعلمهم العرب اللي هو منهم قالوا وش اسمك قال اسمي قنيبر قالوا إسمع ياقنيبر حنا مانبي نذبحك لكن نبي ناخذ ذلولك وانت توكل على الله قال قنيبر لاوالله ذلولي غالية عندي ما أعطيها لحد قالوا اجل ناخذ شدادك ونخلي ذلولك قال لهم لاوالله شدادي غالي عندي يااللحوات الغانمة يعادل غلا ذلولي قالوا أجل إسمع ياقنيبر الله مخيرك بين ثنتين ياناخذ ذلولك ونخلي شدادك أوناخذ شدادك ونخلي ذلولك وانت إختار وعطنا رايك قال قنيبر ماغير هالثنتين شي قالوا ماغيرهن شي واحتار قنيبر بين هالشرطين وقعد يفكر شوي عقب قال تدرون يارجال إخذوا ذلولي وخلولي شدادي قال واحد منهم"أجل خلوا قنيبر على شداده" وسلامتك انت والموجودين