قصائد من شعر الغزل المنشور بديوان الوائلي

طلب مني بعض الأخوة أن أنشر فحوى ديواني القديم من قصائد الغزل وقد اصبح ذكريات من الماضي

* قال عبد الله بن دهيمش بن عبار هذه القصيدة الألفية على حروف الهجاء من شعر الوجد : 1

الألـف أهــايـم مـن فـراق الحبـيـبـي *** أندب وجـرحي بالضمايـر عـطيـبي
خـلي سـبـب عـلـي وخـلي طـبـيـبـي *** جرح الحشى عند أريش العين طبه
والبـاء بلاي مـن الهـوى والغـرامي *** طـار الكـرى والعـيـن عـيّـت تـنامي
كـل مـا أتـذكـر صـاحـبـي بـالحلامـي *** يــزداد وجـدي بـالـغـلاء والـمحـبـه
والـتــاء تــل الــقـلـب غــروٍ فـتـنـي *** عـنـه انـتحـيـت وحـده الـبعـد عـنـي
أحـن مـن فـرقـا عـشـيـري وأونـــي *** كـمـا يـون الـلي الـجـبـارة تـضـبـه
والثـاء ثـلاث سنيـن فـاتـن بـرجـواه *** حـاولـت نـسيـانـه ولا ظـني أنـسـاه
لـو غـاب ما غابت عن القلب ذكـراه *** حـبـه نـهـب عـقـلي وقـلـبـي لـعـبـه
والجيـم جـنـني وأنـا كـنـت صـاحـي *** عـذب ضميري بالهـوى وأستراحي
واليوم ما أدري صار بـأي النواحـي *** مــنــازلـه بــيــن الــدفـايــن ودبــه
والحاء حلايا الزين شفته مع الريـم *** أو شبـه وضحى مع الـذودالمجاهيم
خـلي إلـى جـانـي خـيـالـه وأنـا نـيـم *** مصباح شوفه يبهـج الـصـدر غـبـه
والـخـاء خـلي لـيـت يـلـطـف بـخـلـه *** الصاحـب الـلي عـرق قـلبـي يـتـلـه
يـا مـا عـلـى قــربــه نـعــد الإهــلــه *** ويـا ما عـليه ارقبـت فـي راس تبـه
والـدال دال الـقـلـب وأزداد كـونـــي *** رام الحـبـيـب ووهـقـتـه الـظـنـونـي
مـتـى عـشـيـري يـنـظـرنـه عـيـوني *** الـلي كـوى قـلـبي ونجـض أعـطبـه
والـذال ذاب الـقـلـب بـالـحـب ذابــي *** قـلت آه من وجـدي تنقض صوابـي
يـطـري عـلي الزيـن عـذي الشبابـي *** غضـه من الخفـرات مـا هـي جلبـه
والـراء ربـي يجمع الشمـل وأرتـاح *** ونـنسى الشقـا ونعيد دور لـنـا راح
ويـنسـر بـالـي بـالسـعـادة والأفـراح *** ويطـيـب كيـفي فـي ملاقـى الأحـبـه
والـزاي زيـن الـدل مـا شـفـت زيـــه *** ساسه عـريـب ومن خـيار السميـه
عـرضـه نـزيـه ولا يـدوس الخـطـيـه *** عـن الدنـس والعـيـب حـامـيـه ربـه
والسيـن سـحـرنـي بنـظـرة عـيـونـه *** والخـد يـضـوي كـنـه الـبـدر لـونـه
عـلـيـه قـلـبـي زاد وجـده وكـونـــــه *** قـلبـي سبـب فـرقـاه يــبسـت اقـربـه
والشـيـن شـف الـبـال يـا بـعــد داره *** ليت أيحصل لـي صوب خلي زيـاره
فـوق الـونـيـت الـلي تـوجـه مسـاره *** يشـر عـلى مسلك طريـقـه اصطبـه
والصاد صوبـه ليـتني جيـت سـاري *** أفـوج مـوجـات الهــواء بـالغـداري
فـوق الونيت الـلي يبـوج الصحـاري *** هـاف وسمهـدان الـفـيـافـي يـعـبـه
والضـاد ضـيـعــني كـثـيـر الـتـمـاني *** مـا فـادنـي لـيـت ولـعـل وعـسانــي
وجـدي عـلى لا مـا رهـيف الثـمـاني *** وجـدي عـليه وتـالـي العـمـر خـبـه
والطـاء طالت بالرجـاء والمدا طـال *** وجدي على اللي شوفته تفرح البال
الجـادل الغطروف منقوض الأ قـذال *** مـا أنساه مـا دام الـهـوا فـي مهـبـه
والظاء ظهر شيبي قبل يأتي الشيب *** شيـبني المجمـول سيـد الـرعـابيـب
الترف ملهوف الحشى طاهر الجيب *** لـولاه مـا أبـوج الـفـلا وأغــتــربــه
والعـيـن عـذبـني عـذاب العشاشيـق *** بـاح الصبر عـزاه للصبر مـا أطيـق
والـلـه لـو خـلي عـلى قـلبي أيـويـق *** ألا يــراعــي بـالـضـمـايــر مـطـبــه
والغيـن غـاب وموقعـه فـي ضميري *** لـو طالت الأيـام مـا أنسى عشيري
مـا أريد غيره كـان مـا أيريد غيـري *** الـقـلب مــن بــد الـعـذارى عـجـبـه
والفـاء فـتـني نـاعـم الـعـود فـتـنـان *** وقـمت أتـوجـد وأتـذكـر بالـلي كـان
وذكرت اللي مجناه من صلب فدعان *** منسوب من معـدن جواهـر وصبـه
والقاف قرب صويحبي ما حصل لي *** ودنـيـاي صـارت كـنهـا وسـع مـلي
لا زلـت صابـر وأرتجي وصـل خـلي *** أعــدد أيــام الــشـهــر وأحــسـبـــه
والكـاف كـدر خـاطـري مـن فـراقــه *** اقــفـيـت واقــفـا كـن مـالـه عـلاقـه
لاشـك لـو والـيـه يـغــلـي سـيــاقـــه *** هــو الـذي قـلـبــي بـغــاه ورغــبـه
والـلام لـو يشـرى بـمـالـي شـريتــه *** لاشـك لـولا عــفــتــه مـا بــغــيــتـه
مـا لـوبـد الـهـلـبـاج بـرفـاف بـيـتــه *** ولا سـار بدروب الدنـس والـمسبـه
والميم مـا أبغي غيـر خـلي ولا أريـد *** مضنـون بـالـي شوفتـه كنهـا عـيـد
الـجـادل الـلـي كـنـهـا قـايـد الـصـيـد *** شـاف الـمـبـنـدق بـالـفـلاة وتــنـبـه
والـنـون نـار الـوجـد يشعـل لـهـبهـا *** دلــت تـوقـد والـضمـايـر حـطـبـهــا
قـلبي تشلوط وأحتـرق مـن سبـبـهـا *** كـن الـسعــايـر فـي فـؤادي مـشـبـه
والــواو ودي بـــه ووده بــلامــــاي *** وأرجي لعـله يجـمع الشمـل مولاي
عـلى وليفـي بالغـزل صغـت معنـاي *** اللي صفـا لي بـالهـوى كيـف أكبـه
والهاء همـت بحـب مزبـور الأنهـاد *** طار الكرى والكبد صامت عن الزاد
أعلن هـوا خلي على روس الأشهاد *** لـولا الحيـاء لا أذيـع باسمـه وأنـبه
والياء يـا الـلـه لا تحـرمني وجـوده *** الصاحب الـلي ناعـم غـصـن عـوده
جـميـل شكـلـه والخصـال امحمـوده *** ما لاح بـالـثـوب الـرهـيـف ونـصبـه

* وقال عبدالله بن دهيمش بن عبار القصيدة وهي المسماة نكبة حزيران 2

البـارحـه مـا نمـت بـالـليـل سهــران *** عـيني سهيـرة والمخاليـق غـافيـن
والـقلـب هـام وهـيـمه كثـر الأحـزان *** يخفـق كما يخـفـق طليق الجناحين
قـلـب العـنـا مـا لاق والفكـر حـيـران *** روابعـه تـزداد مـن لـوعـت البـيـن
أهرف كما يهـرف مع الـدو سرحـان *** وأعول كما تعـول خلوج المقاطيـن
ونـيـت ونـت مـن دخـل بـاب سـجـان *** أو ونـت الـلي طاح قـدم المـثاريـن
قالوا علامك يا عسى ما انت وجعـان *** قـلـت آه عـلي ما لـقـوه المـداويـن
شكـوى ضميـري قلتهـا سـر واعلان *** من جـرب الـفـرقـا يشوف الأمرين
مـانـي سقـيـم الـحـال لاشـك هـويـان *** وأهـل المحبـه بـالهـوا دوم شاقيـن
قـلبي غـدا يـا نـاس بالوجـد هيـمـان ** داي ودواي وعـلـتي داعـج العـيـن
عـزاه يـا قـلبي عـلى الـزيـن ولهـان *** غديـت مثل الـلي وقع بيـن نـاريــن
الـلـي فـتـني نـاعس الطـرف فـتـان *** زيـن الحلايـا كامل الحسن والزيـن
زوله كعـود الحـور أو مطـرق البـان *** يلعـب بـه النفنوف وسـط البساتين
والـجـيـد كـنـه جـيـد عـنـود غــزلان *** قـادت خشوف الريم بين الصعانين
غــر الـثــنـايـا كـنـهــن حـب رمـــان *** وكـن الشفـايـف لا تـبسـم قـياطيـن
والقرن الأشقر فوق نحره والأمتان *** يضفي على اللي كنهن ناعـم التين
كان ارتدا مـن زاهي اللبس فستـان *** مثـل البـدر وأن طـل بيـن الميازيـن
خـلي سقـانـي بـالهـوى سـم ثـعـبـان *** حـبـه طعـني بالحشى بـغيـر سكيـن
أرجوه رجـوا البـدو لهطول الأمـزان *** كن الشهـر بفراق الأحباب حوليـن
عنيت لـه مشتاق من عقـب هجـران *** يـا مـا ذكـرتـه والمخـالـيـق لاهـيـن
يطري علي الزين فـي كـل الأحـيـان *** وأطريه بين الحين والحين والحين
عـلـيـه قـلـبي دايـم الـدوم عـطـشـان *** كـنـا ولا زلـنـا عـلى العـهـد باقـيـن
ما أظـن يمحى حـبنـا طـول الأزمـان *** ولا أنساه ما دامت بنا الروح حيين
لفيت من غيبه عـلى الوصل شفقـان *** مشفي على وصله عقب غيبة سنين
جيتـه مـن ديـار الـوديـعـة ونجــران *** باغـيه بالسنة عـلى الشرع والدين
بـيني وبـيـن الـزيـن ميثـاق وأيـمـان *** وعـلى الـمحـبـة يلتقـون المحبـيـن
حان الوعـد يا صاحبي واللقـاء حان *** حان الوعد يا صاحبي والوعد دين
كانـك عليـه يا أريش العيــن زعـلان *** العـفـو لا تـسـمـع كـلام البغـيضيـن
تذكـري صـدق الوفـاء قـدر الإمكـان *** غـالي وأقـول أغـليـك لو ما تغـليـن
وأن كنـت يا خـلي نسيت الـذي كـان ** أعـطيـك عـن حـبي دليـل وبراهـين
لاشـك أظـن القـصـد يـا زيـن نكـران *** من غـير مـا تلفـظ قريـت العناويـن
بـادرتـني عـقـب الـمـودة بـجـحــدان ** وأنكـرت حبي يا هنـوف المـزاييـن
قالـت ظـلمت وكـل مـا قـلـت بـهـتـان ** بيني وبـينك ما أتذكّـر جـرى شـين
والظاهـر أنـك يا فتى الجود غـلطـان *** وأظـن هـرجك كـل ما قـلت تخميـن
أترك مجال الهرج من غيـر خصران *** لا لا يغــرك يـوم أحاكـيـك بـالـلـيـن
أنـا عـفـيـفـة مـا تشـقـويـت بـنـسـان *** ولا ني من اللي يعـاهـدن الغلاميـن
أبحـث عـن الـلي للمواثيق مـا صـان *** وأعـرف مسيرك يافتى وجهته وين
دوّر عـلـى خـلـك ولا لـك بـنـا شـــان *** مالـك ومـال الغـافـلـيـن المغــريـن
قـلـت أشهـد أن مـا للغـنـاديـر خــلان *** ولا ينخدع بعهـودهن كـود مسكين
أنت البيوق اللي بعهـد الـولــي خـان *** باق العهـود ولا أيعـرف القـوانيـن
مـن لا بنا حبـه عـلى صلـب سيسـان *** تنهـار جدرانـه مثـل حـائـط الطيـن
سحرت قلبي سحر مارد مـن الجـان *** وعاملتـني يـا زيـن فـي سلم لينيـن
ونـكبتـني يـا شـوق نـكبـة حـزيـران *** وغصبتني غصب اليهـود لفلسطين
وعملت ضدي حق نقــض المريكـان *** وعـزلتـني كعـزلـت الأمـم للصـيـن
وحـكمـتني مـثـل حكـم الشـاه لأيـران *** وحاربتني حـرب الجماهير........
وجـرت عـليـه جـور تيـمـور لعـمـان *** ونـفـيـتـني نـفـي اليـمـن للسلاطين
وهزمتني كما أنهـزم جيـش الألمـان *** وسلمـت لـك تسليـم هـتـلـر لبرليـن
يا زيـن مـا نـقـبـل مهــونـة وخـذلان *** والجـور ما يـرضـاه كـود الرديـيـن
الجـور يجزع والشرف غال الأثمـان *** ومن باعنـا بـدرهـم نبيعـه بقرشين
خـلـك تـولـي مـثـل مـا قــال راكـــان *** نشوم عـنـك ونقـتـدي بابـن حثليـن
لابـد نـلـقـا مـن العـمـاهـيـج غــدنـان *** نكسب خزيـزة من رعابيب الأدنين
وقـام أيتفطن صاحـبي عقـب نسيـان *** وفـكر وعـاد الذاكـره عقـب تفطين
وعض البهـام من التحاسيف ندمـان *** وقال العـفـو تـوي تذكـرت هلحيـن
ونهـت ودنـق وأنقـلب وجهـه ألـوان *** وبان الغضب في مسفهل الحجاجين
وهلت سكايب دمعتـه فـوق الأوجـان *** وقلت أنتهت يكفي البكاء ليه تبكين
قالـت لك اللـه مـا عرفـت أنـك فـلان *** ومن التغـيّر ماعرفت انت أبن مين
عجبت كيف الشيب في عارضك بان *** وش الذي شيبك وأنت ابن عشرين
قـلـت الـسبـب مـا يجهلـه كـل فهمان *** وأنتي سبب ما صابني كان تـدرين
هـذي وقـايـع قـصـتي دون نـقـصـان *** دونـتهـا فـي واقـع الشعـر تـدويـن
ولا أريـد تـوضيح الحقـايـق بـقيفـان *** ولا ودي أذكر ما جرى بين الأثنين
تـم الـجـواب الـلـي كـتـبـته بـديــوان *** سجلت به من صافي الشعـر ستين

* قال عبدالله بن دهيمش بن عبار العنزي هذه القصيدة في الوجد : 3

يـا صاحبي بلحـون وجـدك ترنمـت *** ولولاك طاروق الغـزل مـا نـظـمتـه
يا صاحبي بعدك من الوجد هايمـت *** أسـبـاب مـابـي مـن غـرامٍ عـلمـتـه
تليـت قـلبي يـوم بالعـيـن سلهـمـت *** وأغـضيت برمـوشٍ لغـاهـا فهـمتـه
فهمـت بـالنظـرات لـو مـا تـكـلـمّـت *** كامـن خـفـاك الـلـي بسـدك كتـمتـه
سهم العيون الناعسه بـدد الصمـت *** كـن الـفـؤآد بـرمش عـينك زهمتـه
وكان أنـت في غـر الثـنايـا تبسّمت *** معلـوق قـلبـي بالمخـاطـر وسـمتـه
طيفـك يطـاريني مع الحلـم لا نمـت *** يــلـوح لـي مـع كـل حـلـم حـلـمـتـه
يلـوح لـي بالنوم لا شـك لـو قـمـت *** منـظـر خيالـك بالمشاعـر رسـمـتـه
كانك وفيـت بصادق الحـب داومـت *** صنـت العـهـود وكـل حاسـدهزمتـه
ما أريـد غيـرك كان بالحب لايـمـت *** عهـد المحـبـه يا عشيـري لـزمـتـه
حلفت لك يا ناعـم العـود وأقسمـت *** من البيض ما غـيرك هويته ورمته
عامين يا المحبوب ما يـوم سلّمـت *** لا مع طروش ولا خطـاب استلمتـه
مع الأسف لـو كـان مـره تـوهـمـت *** وكتـبـت خـط وبـالـتحـيـة خـتـمـتـه
يا ليت يا المجمـول تبـت وتـندمـت *** وعـاتبت طبعك مع عشيرك ولمتـه
خـليتـني يا زيـن بالـلـوم والشـمـت *** ولو شفت حظي يا عشيري شتمته
انـا الـذي مـن جـرح حبـك تـألـمـت *** وأنت الـذي معلـوق قـلبي صرمتـه
عـزاه لي من طول صدك تحطـمـت *** ما ترحـم الـلي من حنانـك حـرمتـه
من جور ظلمك يا عشيري تظلمـّت *** ما تنصـف الـلي بـالمحـبـه ظـلمتـه
لو الهوا لـه عارفه كـان خـاصمـت *** حـتى الـذي بـيـني وبيـنـك حسمتـه
قدمـت لـك شكـواي يا زيـن قـدمـت *** مـدري علامـك ليـه حـقي هضمتـه
يا زيـن وش علـمك عـليه تهجمـت *** دار البخـت وقـّر شـريـفٍ هـتـمـتـه
يـا مـن لـتـعـذيـب المـولـع تعـلـمّـت *** لـيـه الأسـيـر تـعـذبه مـا حـشـمتـه
يا من عـلى قـلـب المولع تـزعـمـّت *** أرفـق بحـال الـلي ضميـره حكمتـه
يا نـور عيـني مـن خـطايـه توثمّـت *** كيـف الضميـر تلوعـه مـا رحمتـه
بالوجـد واللوعـات والهـم ساهمـت *** بالصـد بالهـجـران قـلبي قـسـمتـه
يا مـن لطـاروق المحـبـه تـفـهـّمـت *** كيـف المصيـر الـلي عليـه حتـمتـه
يا صاحـبي فـيـك المـودة تـوسـمـت *** يا ليـت لـو فـرصة لقـاك أغـتنمتـه
تدرك مقاصد غـايـتي لـو تغـيشمـت *** لكـن طريق الحـب ضـاع ودهمتـه
للبـوق أشـوفـك يا عشيـري تولمـت *** وأخلفـت ظـني لـوهقيت وزعمتـه
أرجـوك يا دافي الحشى لو تكرمـت *** ابـن الجـدار الـلي بصـدك هـدمـتـه
يا لايـم الهيمـان وش عـاد لو لمـت *** ما أظـن يسمع خافـقي لـو نهـمتـه
يا لايـم الولهـان بالبـيض ما شمـت *** خـدمة عـلم سلك الهوى ما خدمته
لـوا هـنيك عـن هوى البيض بلمـت *** دالـه وشـيـطـان المحـبـه رجـمـتـه

* وقال عبد الله بن دهيمش بن عبار هذه القصيدة من الوجدانيات : 4

الـبـارحـة مـضيـت لـيـلي تـنـاهـيـت *** عـيـني سهيـرة والـدجـا مـا غـفيتـه
جرح الهـوى ما فـاد به لو تداويـت *** مـا طـاب مـهــمـا لـلـدكاتـر شكـيتـه
هـاض الغـرام وللـمـراقيـب عـديـت *** ورقـيـت رجـم لـيـتـنـي مـا رقـيـتــه
ذكـرنـي بـمظنـون عـيني وجضيـت *** وحاولـت أهـدي خـاطري ما قويتـه
مانسى نعيم العود لو غبت وأبطيت *** مـيثـاق حـبـه حـافـظـه مـا نسـيـتـه
أذكر وليف الروح في كل ما طريت *** ولـولاه طـاروق الـغـزل مـا بـديـتـه
الصاحـب الـلي عـن ديـاره تـنحيـت *** عاميـن ملهـوف الحشى مـا رئـيتـه
يـا مـا لأجـل شـوفـه لـداره تعـنـيـت *** ويـا مـا وليـه فـي مـقـره نـصـيـتـه
يا صاحبي لـولاك يـا زيـن مـا جيت *** يـا مـا مـن أمـيـال الفيافـي طـويتـه
لا تحسب إنـي عـن هـواكم تسليت *** أيضاً وغـيرك يالغـضي مـا هـويتـه
أنـت الـذي يـا زيـن لـلـقـلب تـلـيـت *** أقـرش معـك قـلب المعـنى وخذيتـه
أنـت الوليـف الـلي لـقـربـه تـمنيـت *** وأنـت الخـدين الـلي لـودي رضيتـه
أنا الذي يا صاحبي فيك مـا اوحيـت *** هـرج العـذول الـلي نهاني عصيتـه
عـلـيـك مـن بـد العـذارى تشـافـيـت *** ولـو ينشـرى بالـمال قـربك شريتـه
فـيـك الجـمـال اليوسفي بـه تحليـت *** حـيـث الحلا والـزيـن كـلـه حـويتـه
يـا زيـن مـا صدق ضميري وظنيت *** الصـد مـن عـقـب الغلاء مـا هقيتـه
وش جاك مني ليش يا زين جافيت *** وش جـرمـي الـلي تعتبـرنـي جنيتـه
عبـر المشاعـر لـك تحياتي أهـديت *** لاشـك خـطـي يـا الغضي مـا قـريتـه
كـان أنـت مني يـا عشيري تبريـت *** والعـهـد الـلـي بـيـني وبينـك نـفـيتـه
مـن صـد عني عنـه يا زين صديـت *** ومن لا بغـاني يا الغـضي ما بغيتـه
وأن كان قصدك في صدودك تغليت *** قـلـب الـمـولـع بـالـمخـاطـر كـويتـه
يـا صـاحبي مـن بـعـدكم مـا تهنيـت *** بـاح الكـنيـن الـلـي بسـدي كمـيـتـه
لـولا الملامـة كـان بالـروح فـاديـت *** وعـنيـت لـديـار الحبيـب وغـزيـتـه
لاشـك أحاذر من فضيحة أوترغيـت *** الـلي صـداهـا بـالـمـلأ ذيـع صـيتـه
وأدرى كـلام الحـاقـديـن الشواميت *** وأخـاف مـن رب العباد أن عصيتـه
وأخشى عقوبة خالقي حامي البيت *** محصي جميـع الخـلـق حيـه وميتـه
مـالي جـدا إلا قـول يـا ليـت يا ليـت *** فـي سنـة الـرحمـن وصلـه رجـيتـه

* وقال عبدالله بن دهيمش بن عبار هذه القصيدة في الوجد : 5

يـا عـاذلـيـني خـلـوا العـذل بـعـديـن *** هيهات مـا أسمع كـل عـاذل ولـّوام
من وين أبنسى ناعم العود من وين *** طيفـه يصـور لـي خيالـه بـالأحـلام
زين الوصايف كامل الحسن والزين *** الـلي جـمع عـقـل وجمـال وهـنـدام
حبـه وقـع في خـاطري بين قوسين *** وحبي بـقي عـنـده عـلامة أستفهام
الـقـلـب شـاهــد والنـواظـر نياشين *** وخلاف ذا خرسٍ من الصمت سجّام
همسٍ خفي نخشى الوشاه البغيضين *** مـن خـوف يدري كـل حاسـد ونمام
ومـا بالضمير اترجمه نظـرة العيـن *** الـلـه جعـل عقل البشر فهم وألهـام
وجـدي ووجـده بالهـوا لـه براهيـن *** عـذري هـوانـا في مجال الهوا خام
الصبـر طـال وغبـت مقـدار حوليـن *** والعالـم الـله عدهـن عشرة أعـوام
يـاعـاذلـي صبـري تـعـدا القـوانـيـن *** يا ليـت لـو أقـدر عـلى صبر مغنـام
يا ليت لـو حشته عـلى سنـة الديـن *** وأسـعـد بقـربـه فـي مقابـيـل الأيـام
طـرد الهـوا يـفتـن قـلـوب المحبيـن *** والحـب تخضع لـه مشايـخ وحكـام
سيـف المحبـة والـهـوا ذات حـديـن *** مـن يطعـنـه هـيهـات مـا ظنتي قـام
كـم سـاح بأسبـاب المحـبـة مجانيـن *** مجـنـون ليـلى جننـه وجـد وهـيـام
تـوبـة عـلى ليـلاه يشكي مـن البيـن *** وجميـل نـاح من الهـوا وأبـو تـمام
وبصـري تغـزل عقب سن الثمانيـن *** وراعي الحريق الوايلي بالهواشام

* وقال عبد الله بن دهيمش بن عبار هذه القصيدة من شعر الوجد : 6

الشيـب لاح بـعـارضي قـبـل حـيـنـي *** وبانـت رسوم الشيـب بأول زمانـي
مـا حـان شيـبي يـوم أحسّـب سنيني *** لاشـك شبت وحـار بـي مـن يـراني
روابـع الـخـاطـر تـبـيـح الـكـنـيـنــي *** وهمـوم قـلبـي حاضبه مـا أتعـدانـي
مـا أدري عـلام الـهـم وش يدعـيـني *** الـلـه يـلـومـه يـا مـلأ كـيـف جـاني
زادوا عـلـي بـلـومـهـم عـاذلـيـنــــي *** قـلـت أتركـونـي مـا بـقـلبي كفـانـي
قـالـوا علامـك منطـوي كـالحـزيـني *** قـلـت آه هـمي بـالضمايـر طـوانـي
قـالـوا عـلامـك ما تركـت الهجـيـني *** قـلـت آه أسـلي خـاطـري بـالأغـانـي
قـالـوا عـلامـك ساهـر قـلـت عـينـي *** عـافـت لـذيـذ الـنـوم معـد أيـهـنانـي
يـا لا يــم اتــركـنـي ولا تـبـتـلـيـنــي *** كـف الـملامــه لا تـزيـد امـتـحـانــي
يـلـومـنـي خـطـو البـلـيـد الـدويــنـي *** ويزرا على وضعي خطات الهـداني
ويـدري بحالي مـن ضميـره فـطيني *** والقصـد واضح مـا يـبي تـرجمانـي
بـلاي زيـن الـدل مـوضي الجـبـينـي *** هـو الـذي بـسـهـوم حـبـه رمـانـــي
الـلي سـلـب عـقـلي وضيـّع يـقـيـني *** الـلـي هـذابـه بـالـقـصـايـد لـسـانـي
بالحـلـم طـيـفـه فـي منـامي يجـيـني *** وبالعلم يطـري لـي عريـب المجاني
مـا دام قـلـبـه بـالـمـوده يــبـــيــنــي *** ما أنسى عشيري دام هو ما نساني
مهـمـا يـحـول الـبـعـد بـيـنـه وبـيني *** لا زلـت صـابـر والـفـرج بالـثـوانـي
أتـلا الـعـهـد بـه صبح يـوم الثـنيـني *** بـأول شهـر شعبـان قبـل رمضانـي
مـا أبغـي سـواه من العـذارى خديني *** وجـدي عـلى لامـاه والعـمـر فانـي

* وقال عبدالله بن دهيمش بن عبار هذه الأبيات في الوجد : 7

يا لـلـه يـا الـلي فـوق عـرشـه تعـلا *** يـا الواحـد الـلي مـن ترجـاك مـا ذل
تـفـرج لـمـن قـلـبـه مع الـبـــدو ولا *** غـدا بـه الـلـي تـلـني بـالـهـوى تــل
عـن شـوف خـلـي مـا قـدرت أتسـلا *** ما ظنتي يـرتـاح مـن كـان لـه خـل
أقـفـيـت عــدي عـن ديــاره مـجـــلا *** ولا لـي جـدا إلا قـول يـا ليت يا عـل
مـتى أيحصـل لـي شـوفـتـه وأتـحـلا *** ذاك الخـيـال الـلـي سـبـانـي بـلا دل
خـده مـثـل ضـوح القـمـر وأن تجـلا *** ولا كمـا اللنبـات تضـوي عـلى فلـل
والقـرن الأشـقـر فـوق مـتـنـه تــدلا *** الـلـه وأكبـر كيـف فـي متنهـا أقـذل
لـو شـافـهـا المعـلـوق رحـب وهــلا *** يـنسـر بـالـي والـمـعــالـيـق تـبـتــل
جسمي نحـل يـا زيـن مـا بـاقــي إلا *** حدب العظام وصار لي صاحبي سـل
وش يجمع الـلي فـي حـدود المكـلا *** لـلي مقـره مـن وراء الهـيـل وأتـبـل
داره بـعــيـد ولا تــطــولـــه كــــرلا *** حـتى قـوي الهـاف لـو سـار لـه مـل
قالـوا لـي أنسه قلـت حـاشى وكــلا *** ما أنسـاه دام سهيل والجـدي ما فـل
لـواهـنـي مـن لايــمــه عــنـد مـــلا *** عـقب الغـلا يأخـذ عشيره عـلى حـل

* وقال عبدالله بن دهيمش بن عبار هذه الأبيات في الوجد : 8

البارحـه نـومي عـلى عظـم الأكـواع *** والـهـم زاود واهـسـي بـنـتــزاعـي
سـهـران لـيـلي والـمخـالـيـق هجـاع *** مخلوق ربي ما بهم شخص واعي
أضحك وانا قـلبي مـن الوجـد ملتـاع *** واخـفي سبايب لوعـتي وأنفجاعي
لـولا ضـميـري بــه للأسـرار ميـداع *** مخـفـيـه مـا ودي كنيـني أيـذاعــي
لا أصيح صيحت شارد الذهن مرتاع *** بـيّح عـزاه وهيضه صـوت ناعــي
وألعـي كمـا يلعـي عـلى الديد رضـاع *** طفـل يتيم ومن غـثا الجوع لاعـي
عـلى الـذي خـده مثـل نـور الأشماع *** يوضي جبينه لـو عـليه القـناعـي
وتــرايــبـه مـثــل الـرمـامـيـن شـلاع *** مـا مصهـن عـيّـل بصـدره مقاعـي
والـجــيـد تــزهـاه الـقـلايــد والأدلاع *** وجـدايـل المجمـول مـقـدار بـاعـي
والـزول عـود الحور فـي حيـر زراع *** يـمـيـل مع ريـح الصبا بـنهـزاعـي
غـرو لعـب بـي لعـبـت الريـح بشراع *** حـبـه سقـاني سـم رقـط الأفـاعــي
والـحـب سلطـان لـه الـنـاس خـضاع *** سيـدٍ عـلى العشاق وأمره مطاعـي
قيس الملوح مـن وجـود الطنا ساع *** وابـن الخـفـاجي لوعـه والقضاعي
عـلـيـه قـلبـي فـر مـن بـيـن الأضلاع *** مـثـل الظليم إلى أنحدر من رفاعي
قـلـب الـعـنـا كـنـك تـجــره بـمــقـلاع *** أدوت عـروقـه وأقـرشت بنشلاعي
يـا مـا عــذلـتـه عـن نـويـه ولا طـاع *** قـلبي غـدا مع ناعـم العـود زاعـي
خـلـي نحـاه الـبـعـد والـبـعـــد قـــلاع *** مدري متى عقب الفراق أجتماعـي
دون الغضي حالت مسافه مـن القاع *** وأرجـي بريـده كـل ما طـب ساعـي
أتـلا الـعـهـد بـه يـوم لـّوح بالأصباع *** أبعـد وعـلـمي بـه نهـار الـوداعــي
يـا لـيـت لـي عـنـده وسـيـط وشـفـاع *** يـبـذل عـلى لامـاه جهـد ومساعـي
ولا أريـد انـا لامـاه فـي مكـر وخـداع *** بالشـرع والحاسد عـيونـه تراعـي
وجدي على هاف الحشى حلوالأطباع *** بعـده شقاي وشوف زوله متاعـي
لوا وجودي وجـد من يشكي الأوجاع *** عـلـه عطيـب وزاد عـلـه صداعـي
ولا وجود اللي وراء حصون وأقلاع *** مـدمي سجين ولا لسجنه مـداعـي
أو وجـد من نوخ عـلى فـرش وأنطاع *** ينظر سبب حتفـه وعينه تـراعـي

* قال عبدالله بن دهيمش العبار هذه القصيدة من شعر المعاتبه : 9

يـا رسـل مـنـي تـوجـه بـالـسـلامـــه *** خـذ صمال العـلم وأحضر لي يقينـه
أوصـل الـلي فـاق جيـلـه بالـوسامـه *** مثـلهـا مـا شفـت فـي بــر ومـديـنه
خــدهـا مـثـل الـقــمـر ليـلـة تـمـامـه *** كـن ضوح البرق في موضي جبينه
ضـامـر الـسرجـوف معـتـدل قـوامـه *** يـا عسى مخـلـوق ربـي مـا تعـينـه
تـومـي بقـلبي كمـا أومـاي المسامـه *** ولا أومـاي الهـوج بشراع السفينه
كـنـت أبـي لا مـاه بـالـسـنـّة مـدامــه *** وهـني الـلـي يحـوشــه لـه قـريـنـه
أبـغـي جـل الـصـيد ما أريـد الهلامـه *** وأحـمد الـله عادتي صيـد السمينـه
يـا نعـيـم الـعــود يـا ظـبـي العــدامـه *** أتــبـع الـمـنطـوق كانـك تـذكـريـنـه
جـيـتـكـم عـاني مـن ديـار الـيـمـامـه *** أحسـب أن موعد قـدومي تحترينـه
الـهـجــر والـصــد يـا خــلي نــدامـه *** والجفـاء يا صاحبي غلب وغـبـينـه
كيـف عـنـي صـد يـوم الـقلـب رامـه *** كيـف صـارت صدتـك عـني هوينـه
الـعـهـد عـنـد العـرب عـالـي مقـامـه *** والـوفـي معـروف مـا يجـفـا خدينه
الـعـهـد يـا صاحـبـي ويـن أحتـرامـه *** الحشيـم الـلي الخلايـق حـاشـمـينـه
كـان مظـمـون العهـد مـالـه دعــامـه *** يـعـلـم الـلـه صـبتـه مـا هـي متينـه
أرفــق وخــل الـتـّـكـبـر والـفـخــامـه *** كيـف مـن صـان المـودة تخدعـينه
بـان حـبـك وأنجـلـت عـنـه الغــمامـه *** لـيـه معـلـوق الـمولـع تـحـرقـيـنـه
سلـمكـن يالبـيض مـا يعـرف نظـامـه *** ومـن يـغـره سلمكـن لا تـواخذينـه
لا تجـاهـلنـي تـرى مـابـك غـشـامـه *** لـيـه مـردود الـرسـايـل تـهـمـلـيـنه
يـا مـنـى قـلـبـي و يـا غـايـة مـرامـه *** نـعـتـزي والـلي تـركـنـا تـاركـيـنـه
يا الغـضي ما جـيت لـدروب الملامـه *** ولا بغـيـتـك كـان قـربـي ما تـبـينـه
الـعــفـو يـا بـنـت حـمـاي الجـهــامـه *** يـا ذهـب يـا مـاس يـا درة ثـمـيـنـه
يالعـريـب الـلي خـوالـه مـن عـمامـه *** مـن أسـود باللقـاء تحـمي عـرينـه
تـحسبـيـني لاش مـا عـنـدي كـرامــه *** يـوم مـرسولـي يـجـيـك وتـزلهينه
طــوحـي كـل الـرسـايـل بـالـقـمـامــه *** ودوري غـيـري خلـيـل تـراسلينه
أترك اللي صد ما أنشد وش عـلامــه *** لـو يسج الـقـلب فـي شلفـا سنينـه
يـا وديـع الـحـب خـذ مــني غــرامــه *** أبعــده بـالحـال مـانـي لـه رهـيـنـه
تـابع الـمـقـفـيـن مـا عـنـده شـهـامـه *** وكان ابـن عـبـار زل أتسـامحيـنـه

* قال عبد الله بن عبار هذه الأبيات مجـارات لأبيات سعـد الدوسري التي نشرت في مجلّة اليمامه قبل 35 سنه ومطلعها : 10
الله من قلبٍ الروابع تهزّه *** هزّت صواريخ العرب خط برليف
فقلت :

الـلـه مـن قــلــب الـروابـــع تــهــزه *** هـز الـزوارق بالأمواج الشواحيـف
هـز اليـهـودي فـي صـواريـخ غــزه *** هـز الغصـون بـذاريات العواصيـف
هـز الـرعــد تـسـمـع رزيـحـه ورزه *** هـز الصـواعـق للجبـال المهـاديـف
وجـدي عـلى الـلي مـن بدايـة مفـزه *** ربـيع عمـره تـو هبهـب لـه الهيـف
مـصـيـون عـن كـل الـعـوايـز مـنـزه *** زاكي عفيف ولا مشى بنية الحيـف
جـل الـولــي عــدل قــوامـه وقــــزه *** وسبحـان ربـي كمـلـه بـالتواصيـف
مـثـل المـهـا وقـش الـهبـايـب يـنـزه *** مفلاه بين الحزم والخـور وطريـف
يـزمـي عـلى صدره تقـل بيض وزه *** حدر العواتق فوق هافي السراجيف
مـا مـصه الـعـيـّل ولا الـطـفـل مــزه *** ولا ظنتي يشـره عـلى لمسه خليـف
لـولا الثـمـرمـا يشهـل الـثـوب بــزه *** أدخل عـلى رب الملأ مـا بعـد شيـف
يـا سـعـد حـظ الـلي عشـيـرة يخـزه *** عـد المهـر وأرسل عـليـه الزوافيف
ويسمر مـع المجمول فـي كـل حـزه *** وعقب الشقا دنياه جتله على الكيف
الصـاحـب الـلي عـرق قـلبـي يـحـزه *** حـّزت رقاب الجانيه بأجرد السيـف
يـا زيـن قـلـبـي بـالـوقـايـد تــــــوزه *** مامن عذابك ياأريش العين تخفيف
عـامـل أسـيـرك بـاحـتـرام ومـعـــزه *** وأذكر قـرار حقوق الإنسان بجنيف
كـثـيـر قـبـلـي هـام مـن وجــد عــزه *** وتوبـة عـلى ليـلى بكبـده مراضيف
الـوجـد لـه عـبـر الـمـشـاعــر نـدزه *** تلـوح لـي ذكـراه مـع عابـر الطيـف
وأن كـان مـردود الـخـبـر مـا يـكـزه *** ما يـتـبـع المقـفيـن كـود الهـذاليـف
مـن بـاعـنـا بـدرهـم نـبـيـعـه بـجـزه *** ومن صد ما نكثـر عليـه التحاسيف

يتبع

تابع

* وقال عبد الله بن دهيمش بن عبار هذه القصيدة بالوجد : 11

يا الـلـه يا منشي المـزون الهماليـل *** يا منزل غيثه عـلى القاع مسكوب
أنـك تكـافـيـني هـجـوس الـولا ويـل *** وأنـك تصبرنـي كـمـا يـصبـر أيـوب
جيت الطبيب اللي يـداوي المعـاليـل *** وعـالج شكاوي علتي بأبـر وحبوب
وأجراعلى جسمي فحوص وتحاليل *** وقرر سبب علي من الحب مصيوب
وكتب عـلى التقريـر للشوق تحويـل *** وقـال العلاج تحصله عنـد رعبـوب
قـلـت آه يا دكتـور كيـف المـواصيـل *** أنا بصوب وناعم العود فـي صـوب
وش يجمع اللي موقعه بأيمن الهيـل *** للي بقعافز عن هـوا البال مقضوب
داره بـعـيـد ولا تـجـيـه الـمـراسـيــل *** ولا عـاد جاني من شواحيه مكتوب
قال أوصله لو هو وراء وادي النيـل *** ولا تراك من الخطر صرت منكوب
تـوي عـرفـت أن المحـبـة غـرابــيـل *** هنيت الـلي مالوعـه وجـد محبوب
كـل مـا ذكرتـه صاب عقـلي هـرافيـل *** مثـل الغليث اللي من الغلث مكلوب
طـرد الهوى عـذب شجـاع الرجاجيل *** أعـيا القروم وكل ممنوع مرغـوب
الحـب فـي قيسٍ مضى لـه مـفـاعـيـل *** طفّح وصار من المجانين منسوب
قـلبـي غـدن بـه ناقـضـات الـعثـاكيـل *** يا ما سحـرن بالجاذبية مـن قلـوب
يـا نـاس كـفـوا لـومكـم يـا العـواذيـل *** طرد الهوى ما به معيبه وعذروب
مـا ظنتي يطـري عـلى الوضع تعديـل *** مهما عذلتوني عن الحب ما أتوب
وجـدي على راعي العيون المظـاليـل *** كنه غـزال من القوانيص مرعوب
لـمحلا شـف الـشـفـاف الـمـعــاسـيـل *** كن العسل في ذبـل الترف مذيـوب
رب الـمـلأ حـلاه مـن غـيـر تجـمـيـل *** الزول عود البان والخصر مسلوب
أرجـي عشيري بـالسنيـن الـمـقـابيـل *** مالـي سـواه مـن الغنادير مطلـوب

* وقال عبد الله بن دهيمش بن عبار هذه القصيدة في الوجد : 12

يـا مـل قـلـب بــه دواكـيـك وأهـمـوم *** الـقـلـب ذاب وهــايــفــات كـرومــه
وعـيـنـي الـلي حـاربـت لـذت الـنـوم *** طار الكـرى والليل غـابـت نجـومـه
ألعـي كمـا يلعـي عـلى الديـد مفطـوم *** واللي تـولع با الغـضي مـن يلومـه
لـو خـيـرونـي بـالـغـنـاديــر لـمـلــوم *** مـن دار هجـر إلـى المدينة لـدومـه
من أهل المدن معهن شهادات دبلـوم *** ومن البـوادي كـل عفـرا محشومه
لـو جمعوا لي جملت البيض ما شـوم *** ألا لمـن تنعـش ضميـري عـلومـه
الصاحب الـلـي مـا حكـوا فيـه مثلـوم *** ولا قص بالرملـة مواطـي قـدومـه
ولا داجـت لـجـاراتـهـا تـنـقـل عـلـوم *** ولا نـاظـرت لـلـي دنـيـه سـلـومــه
ولا بالجـرايـد لـه تصـاويـر وأرسـوم *** ألا ولا ثــوبـه قـصـيــره كـمـومـه
عـزاه لي من شوفت التـرف محـروم *** لا أقدر أجيـه ولا برجـوى قدومـه
لـوا وجـودي وجـد مـن تـاه مـنجــوم *** غــريــب دار ولا يـوجـه يـمـومــه
بـأرض خـلا بهضـابهـا ينغــط الـبـوم *** والجن يصرخ في ملاوي رجومـه
أيـقـن هـلاكـه بـيــن وديـان وحــزوم *** مظماة من جنس العبـاد أمعـدومـه
أو وجد من قـلبه مـن الغلـث مسموم *** تـم أربعينـه وأحتـرى قـرب يـومـه
مـن عـض ما مالح من الزاد مطعـوم *** من حر ما يونس تراثت أغمـومـه
حـان الـقـدر مـا عـاد ينفـع بـه اللـوم *** دنـت وفـاتـه وأيـسـوا مـنه قـومـه
أو وجـد من هـو صار مبلي ومجروم *** مطلوب وزر ولابته هـم خصومـه
يـبـي الـنجـاة وحـاط بـه كـل شغـمـوم *** والكـل مـنهـم بالـمشـوك يـهـومـه
وتـنـاولـه دحـش مـن الغبـن مـزحـوم *** ما يسمـع العـذال مـن كبـر زومـه
أو وجـد مـن جـابـوه بـالجـرم متهـوم *** ينـدب ورجلـه بالحديـد محـزومـه
أصـدر بحـقـه قـاضي العـدل مـرسـوم *** وسـاقـوه للجلاد بـأمـر الحكـومـه
أدنـوه مـن حـتـفـه بـالإعـدام محـكـوم *** يطمع بعتقـه ما وجد مـن يسومـه
هـذا وجـودي والليـالـي بـهـا حـسـوم *** يـوم سكـون ويـوم يلفـح سمومـه

* وقال عبدالله بن دهيمش بن عبار هذه الأبيات من شعرالوجد : 13

الحلا شـفـتـه مع الـزيـن يـا ســـاده *** من لمحتــه صابني وجـد من شكلـه
جـت تخـطّى هايـف الخصر ميـّــاده *** والنسيـم بـــقــذلـتـه طـيّــر الـبـكـلـه
الـلـه أيحفظه مـن عيـون حسـّـــاده *** صـانهـا المولـى عـلى الـرّب متكلـه
يـدعي أقـرانـه عـلى حـفـل مـيــلاده *** يـبـتهـج بـه والعـمـاهيـج تـدبـك لـه
لـيـتـنـي لـو أفـهـم الـسـلـم بــبــلاده *** كـان جـيـت لحفـلتـه بـس أبـارك لـه
حيث شوفـه غايـت القلـب وأمـراده *** لـو ضميـري مـا تـولع بـه أبـرك لـه
الـهـوى يـجـرح مـعـالـيــق طــراده *** كـل مـا يـدلـه ضـمـيـري تـحـرك لـه
نـار وجـده تحـرق الـقـلـب وافـواده *** ومـن تـولع بـالـغــناديـر عـزك لـــه
وش مــردك لــلــذي جـــــاك رواده *** ساعـده قـبـل الطـواريـق تمسك لـه
أسـعــف الــظــامـي ولا تــرد وراده *** مـن شـكالـك قـابـله ود وأشـتـك لـه
صـاد قـلبي بالهـوى ليـت مـا صـاده *** كيـف يــمـنع والـمحابيـل تشبـك لـه
وأنـت تعــذيــب المـولع لـكـم عــاده *** والمولع يـا الغضي ويش عندك لـه
لا تـفـشـلـنـي تـرى الـنـاس نــقـــاده *** كـان قـلـبي دالـه ليـش تضحـك لـه

وقال الشاعـر عطا الله بن صالح الفرحان هذه الأبيات مجاراة للأبيات الغزلية الموضحة اعلاه من شعر زميله عبدالله بن دهيمش العبار : 14

شـاقـنـي قـاف وأنـا أعـز قـصّــاده *** هـو بـعـيـد مـار أنـا حـاكـل حكـلـه
معـرض عني شكا الحـب وأجهـاده *** والهوى حمـل لمن كـان يبـرك لـه
كـل نـفـس لـطـيــّب الـكـسـب وداده *** ويا عسى درب به الخير نسلك له
مـن مسك درب المحبـة ومن جـاده *** لـو يحاول تركتـه كيـف يفـرك لـه
حـب خـلـه بـالـحـشـا ثـبـت أوتــاده *** وماطـن افـواده اهموم لهـن دكلـه
يـصـطـلي جـوفـه بـه الـنـار وقـاده *** ما عليـه الا أن بالوقت يعطا اكـله
لا مــلا بـطـنـه رقــد كـبـر اوسـاده *** لـو تهمس العيـن ماظن تشرك لـه
يا أبومشعل عشت يامكدي اضداده *** جـاك قـافـي وأنـت للـقـاف تفتكلـه

* وقال عبدالله بن دهيمش بن عبار هذه الأبيات بالوجد : 15

يـا عـذول الـقـلـب مـا قـلـبـي خـلـي *** لا تـحـاول مـا يطيعـك لـو نصحـت
أحـسـب إنـي عـاقـل وراح جـهـلـي *** أبـي أكـن الـوجـد لاشـك أفتضحـت
قـصـتي مـظـمـون شـرحـه ما يـلـي *** لـو يـبـاح الهـرج للواقـع شـرحـت
كـنـت ماشى عـلى هـونـي وأمهـلي *** وشفـت غـروٍ ليت يـمه ما شبحـت
شفـت ملهـوف الحشى ينظـر عـلي *** وأرتهب قـلبي من النظرة وطحت
صـابـني رمـحــه وصـوبـنـي جـلـي *** ما ذبحني بس بالطـرف أنجـرحـت
ثــم صـد وزاد غــيـضـي وأزعــلـي *** قـلت له جـد لي بنظره لو سمحـت
قـال غـض الـطـرف لا تـنـظــر إلـي *** لـو نـظـرتـك باللواحظ كـان رحـت
أتـرك الأمـزاح وأخـطـب مـن هـلـي *** قـلـت صـادق قـال والله ما مزحـت
قـلـت أبـي بالـشـرع والـرازق مـلي *** أبـي أحوشه كان في حظي نجحت
أن حصـل بالـمـال لـو سعـره غـلـي *** وأن تـعـذرنـي ولــيــه مـا ربـحـت
ليت عـقب العـقـد نشـري لـه حـلـي *** لـو حصـل قـربـه تونست وفرحـت
لـو نحـرت بـحـفــلـتـه مــيـة طــلـي *** بالحلال أرتـاح فـكري وأستـرحـت

وهذه الأبيات من شعر عطالله بن صالح الضوي مجاراة لقصيدة عبدالله ابن دهيمش العبار المنشورة اعلاه : 16

يـا الـلـه الـوالـي ولا غـيـرك ولـي *** أنـت ما غـيـرك ملاذ وبـك فصحـت
أبـتـدي بـاسمـك بـقـولي وامـثـلي *** مرتجي سواك طحت أو دون طحت
يـا الـلـه أنـك تـوفـقـنـي بـعـمـلـي *** بـما نويـت وما مشيت وما اقترحـت
وبـعـد ذكـرك لـلـقـوافـي نـعـتـلـي *** لـيـن نـاخـذ مـا نـريـده مـا انكسحت
وأحـمـد الـلـه لا عـلـي ولا عـلـي *** مـار شـوقـنـي جــواب لـه بــرحــت
شـاقــني قـاف بـيــوتـه تـعــتـلـي *** قـاف شـاعـر يـنـحـت القيفـان نحـت
لـو يـبـاع الـقـيـل قـيـلـه يـنـغــلي *** فـي رموزه لو ضربت ولـو طرحـت
أشـهـد أنـه لـلـقـوافـي يـعــمــلـي *** غـنـي أبـن عـبـار لـو مـالـه مدحـت
يـا أبـو مشعـل للقـوافي نـحـبـلـي *** مـع طـواريـقٍ نـظـمـتـوهـا سرحـت
وأنـت مـا خـلـيـت لـيـه مـدخـلــي *** لـلـبـيـوت الـطـيـبـه كـلـه شـلـحـــت
مـار سرنـا مـع طـريـقـك نـرمـلي *** ونـاخـذ الـلي عـن معـانيهـا طفحـت

* وقال عبدالله بن دهيمش بن عبار من شعر الوجد أيضاً : 17

هيه يا اللي تخلف العـقل بوصوفـك *** جـل ربـي صـورتـك كيـف مـثـلـهـا
ما نسيتك يا الغضي كان ما أشوفك *** رسـم طـيـفـك بـالـمـنام أتـخـيـلـهـا
تنثر الأشقـر على الصدر وأكتوفـك *** وأنـت قصـدك شايـة القـلب تنتلهـا
أعـتـق العشاق مـن سلـت سيـوفـك *** لـيـه بـالـنجـل المظـالـيـل تـقـتـلهـا
هيه يا اللي ناحـل خصر سرجوفـك *** أشتـكـي لـك حـالـتي لا تـجـاهـلـهـا
ليت تعطيني دقـائـق مـن أوقـوفــك *** تستـمع قـصة غـرامـي مـن أولـهـا
راعني وأكـرم عـوانيـك وضيوفـك *** وأن بـدت مـني خـطـيـه تـحـمـلهـا
ليت ما أعاني من الوجد في جوفك *** لـيـت يـا خـلـي أفــكارك تـعــدلـهــا
يا نعيـم العـود وضّـح لـي ظـروفـك *** دون شـرح أعـذاركـم كيـف نقبلهـا
كـان ثنتين الضرايـر سبـب خـوفـك *** سـنـة الـلـه مـا تـمكـن أتـبـدلـهــــا
رد لـي لـو كـان تـلويـح بكـفــوفــك *** والـدروب العـايـزة ما أنـت تفعلهـا
بس راسلني وأنـا أشوف معروفـك *** انـتـظـر مـنـكـم مكاتـيـب تـرسـلهـا

* وقال عبدالله بن دهيمش بن عبار أيضاً هذه الأبيات في الوجد : 18

شفـت غـرو فـز قـلبي يـوم شـفـتـه *** ألـتـفـت يــمه وهـو يـنـظـر عـلـيـه
وقـف وصد ونظـر لي حين طفـتـه *** عــيـن ريـم فــاقـد شـوفـت خــويـه
في محير الدرب بالطلعـه صـدفـتـه *** سـارح بـدربـه ولا أدري وين حيـه
كنـت أبـي عـرفـه وبالتالي عرفـتـه *** خـالــديـه والــمــكـان الـخـالـديـــه
يالغـزال أرفـق تـرى قـلبي خطفـتـه *** لا تـعــذبــنـي خــذه مــنـي هــديــه
يعـلم الله لـو غـرامـي لـك وصفـتـه *** كـان تـعـطـف لـي إذا عنـدك حميـه
التـفـت لـي مـن حـنان الحـب لفـتـه *** أو تـغــرمـنـي تــرى بـعـدك مـنـيـه

* وقال عبدالله بن دهيمش بن عبار العنزي هذه الأبيات : 19

يا قلب هيـّد وكب الوجد وش لك بـه *** جنب طريق الهوا وأحذر تشقى بـه
حـذراك درب الهـوا يرميـك بالنكبـه *** من صابته لوعته يشكي من أسبابه
لا يـفـتـنـك زاهي الهنـدام والسكـبـه *** بـه سحـر هاروت والأشكال جّـذابه
الواله الصب تضحك له وتضحك به *** لـو تعــطـي عـهـود لعـابـه وكـذابـه
تـرمي طريح الهوا والظلـم تـرتكبـه *** قـلب المولع يهيم وتحـرق أعصابه
توقد بـقـلـبه نيـران بـقيـق والثـقبـه *** مثـل السعاير بوسط الجـوف لهابـه
تفتن خفـوق الهـواوي ثـم تملـك بـه *** ما ظـنـتي تـنفعـه لـو تفـزع الـلابـه
ما أريد الـلي ثوبها حـده إلى الركبه *** يـفتـن بهـا المـار بالأسواق نصابـه
أريـد الـلـي سلمهـا دايـم تـمسـك بـه *** وإلـى مشت ثـوبهـا ضافي توطابـه

* وقال عبدالله بن دهيمش بن عبار هذه الأبيات : 20

يا صاحبي من عقبكم صابني ضنك *** سهـران ليـلي ما تهـنيـت بـأمـراح
قلبي تعذب يا الغضي والسبب منك *** عـذبتـني وأشقيتني وأنـت مـرتـاح
يا زين قلبي هام بك ما صبـر عنـك *** أخيـل طيفـك فـي منامـي بالأشبـاح
لـو صـح ليـه شوفتـك بس أعاينـك *** أنظـر خيالـك بالدياجـي والأصبـاح
لو حدني عن شوفتك بعـد موطنـك *** تـري الـغـلا لا زال والسـد ما بـاح
ما بدلك لو جيب لي محتـوى البنـك *** ولا أبـيـع ودك لا وخــلاق الأرواح

* وقال عبدالله بن دهيمش بن عبار هذه الأبيات : 21

يـا أبـو العيـون الناعسات الكـواحـل *** قـربك شفـاي وبعدكم يا الغضي عل
عـليـك جـسـمي كـنـه الـعــود نـاحـل *** يا صاحبي مـا طاب لي غيركم خـل
مـحـتـار يـا المجمول والفكـر بـاحـل *** شـف القضيـة كـان عنـدك لهـا حـل
أعطف عـلى اللي تـاه فـي دو قاحـل *** ملهوف يجري بالفلا مـا وجـد ضـل
يـطـرد سـرابـك مع بـعـيـد المراحـل *** ما كـل مـن ذكـرى خـيـالـك ولا مـل
بـحـر المحبـة مـا لـقـي لـه سواحـل *** ومن غاص غبات البحر تـاه مـا دل
والحـب عـذب بـالـرجـال الفـطـاحـل *** عنتـر شجاع ومن سلطان الهوا ذل

* وقال عبدالله بن دهيمش بن عبار العنزي هذه الأبيات : 22

تـزعـل عليه ياالغضي والـزعـل لـي *** أسمح لي أنك يا أريش العين خداع
أن كـان قصـدك مـن هـواك التسلـي *** خل العواجه وأمش بدروب الأسناع
ألقـا بـدالـك وأنـت تـلـقـا بــمـحـلـي *** ما دام منهـاج الهـوا مسلكـه ضـاع
وأن كان قـصدك يـا عشيري تغـلـي *** أحـذر تـكـون بـزايـد الـحـب طـمـاع
سلبـت عـقـلي مـا بـقـي مـنـه ملـي *** يكفيك ما سويـت بالـوزن والصـاع
يا الـلي إلـى شافـك ضميـري يهـلـي *** والقلب لـك يا ناعـم العـود مطـواع
يـا زيـن مـا غـيـرك عشيـري وخلي *** حبك كمن في مهجتي بين الأضلاع

* وقال عبد الله بن دهيمش بن عبار هذه الأبيات في الوجد : 23

البارحـة ما غمّـض الجـفـن تغـميض *** والعين صار بنونهـا تقـل مقـراض
حاولت أروض خافق الصدرترويض *** عساه يرفض لكن القـلب مـا راض
حاولت أرده وأمنعه عن هوا البيض *** لاشك قلبي من غرام الهوى جاض
لـولاي أجاحـد عـلتي وأكتـم الغيـض *** لا أصير مثل اللي تعلوته الأمراض
عـلى ولـيـف حـال دونـه عـواريـض *** زين الحلايا صاحبي عذب الألفاض
لـو درت بالخفـرات محدٍ بـه أيعـيض *** خـلي طعـني بالنواظـر والألحـاض
يـا زيـن لا تـسـمـع كـلام المبـاغيض *** خلك لودي يـا أريش العين حفاض
يا زين مـن شانـك تطـيب المراكيض *** يمك مشيت وطابلي وطي الأرماض
أصبـر عساها تنتهـي جمـرة القيـض *** تحـرني مع نوضت البرق لا ناض
يا زيـن عـني خفـض الوجـد تخفيض *** خليت قلبي ياالغضي مثل الأنقاض

* وقال عبدالله بن دهيمش بن عبار في الوجد هذه القصيدة : 24

القلب جض مـن الطنا تقل ممروض *** جضيض ربـدا بالوريـد أمعضوضه
كـنـه يـعـوث بناحـل الجسم قاروض *** بانت عـلى كـل الجوارح أرضوضه
لوا عشيري رد وردي عن الحوض *** وأرتـد سرحي عـن مراتيـع روضـه
يا أبو جديـل فوق الأمتان مقضوض *** تلعـب بقـلبي تحسب الحـب فوضـه
مدري بلاك من العواريض عاروض *** ولا هجـرت وعنـدك الهجـرموضه
عبيت لي علقم مع الشري ممخوض *** مـر المـذاق ومع مـراره حمـوضـه
يكفي تماطل بي وفاء الدين مفروض *** ولا بـد ما روح الـعـبـاد أمقبـوضه
كـان العهـد يا نـاعـم العـود منقـوض *** ملزوم تعـطي سحـر قلبي نقوضـه
أشمت نصيبي لو أنا منك محضوض *** كـان المـودة بالضميـر أمحفـوضه
منطوقـك الـلي بالقـراطيس ملفـوض *** كان أنـت تذكـر شوقـني أعروضـه
نرفع عزيـز الشان والرأس منهوض *** وأشبوحنا يا زين ماهي مخفوضه
وأن كان عـزي عندكم صار مرفوض *** مـن عـافـنا كـنه جـناح البعـوضـه
ما من لزوم لكثرت الهـرج والخوض *** الكـل يـلـقـا بالعـرب مـن يـعـوضـه

* وقال عبدالله بن دهيمش بن عبار هذه الأبيات : 25

طـال الصبـر مـا عـاد قـلبـي يطيـقـه *** غـلـق مزاجي ما بقي عندي أخلاق
أخـفي جـروحي بـالضمايـر عـميـقـه *** ما تنتـداوى ساطيه وسـط الأعماق
عـلى الـذي بالجـوف شـب الحـريقـه *** حبه بمكنون الحشى يحرق أحراق
كـنـت أنـتظـر مـنـه العـلـوم الوثيـقـه *** بـيـني وبـينـه سابـق العهـد ميثـاق
كـنـت أنـتـظـر بـالـثـانـيـة والدقيـقــة *** وأكتم عواطـف ود قلبي والأشواق
كـنـت أنـتـظـر حـتى تبيـن الحـقيـقـة *** عن الوعد هو كذب ولا أنت صداق
الـلـه يـخـون الـلي يـخـون بـرفيـقـه *** طبعـك جحود وخايـن العهـد بـواق
طـار الأمـل مـاعـاد يـلـمـع بـريــقــه *** واعـزتـاه لـراجـي الـوصل مشتـاق
وأن كـان مـا صان العـهود العتيـقـه *** مانـي لـك الـلـه لـلـذي صـد لحـــاق
مـن صـد خـلـيـتـه يـروح بـطـريـقـه *** أسمح وأسامح والعـزا بعد وأفـراق

* وقال عبدالله بن دهيمش بن عبار هذه الأبيات : 26

يـا صـاحبي قـلب المعـنّى سكـنــتـه *** وأصبح مقـرك بين هدف الضلوعي
ما لوم قـلبي يا الغضي لـو شطنـته *** وش عـاد لو يصبح سفيه يسوعـي
انـا الأسيـر الـلي بسجنـك سجنــتـه *** يـا زيـن مـا هـمك ظمايـه وجوعـي
عـقـدت بـي حـبـل الـوثـاق ومكنتـه *** تأمـر وانا لأمـرك عـلي الخضوعـي
يـا زين حظـك عـن خـطـايـه زبنـتـه *** قلبي شقا بك يا الغضي هد روعـي
انـا الطعـيـن الـلي بلحـظـك طـعـنتـه *** متـى تـروف بحالـتي يا القطـوعـي
دار البـخـت وقـر شـريـف مـهنـتـه *** جد لـي بميسورك تـرانـي قـنوعـي

* وقال عبد الله بن دهيمش بن عبار على هذا الطاروق من شعر الوجد : 27

عـزاه يـا قـلـبـي هـمـومـه تـكـضــه *** هجـس الروابع زاد كابـوس غيضي
لـولا الحـيا وأكتم عـن الناس جضه *** اللي سكن حـوران يسمع جضيضي
أون ونـيـن الـلـي كـسـوره تـشضـه *** ساقـه كسيـر وكـل ساعـه يـهيـضي
أو ونـت الـلي هـارف الغلـث عضه *** عقـب العوافي طاح جسمه مريضي
عـلى الـوليـف الـلي جـميـره يقـضه *** خـلي لـمـيـثـاق الـمـوده حـفـيـضـي
خـدلـجـة مـن نـقـوة البيـض غـضـه *** ذبـل ثـمـانـه فـي شـفـايـاه بــيـضي
هـو الوليـف الـلي ضميـري يحـضه *** ولا أطيع به هرج الحسود البغيضي
معـدن جـواهـر صاحبي ليس فضـه *** عـريـب بـالجـديـن سـاسـه فـريضي
مـن لايـم المجـمـول يـا سعـد حـظـه *** قـبـل العـزيـزة مـن جسدهـا تفيضي

* قال عبدالله بن دهيمش بن عبار هذه الأبيات في الوجد : 28

شيبتـني يا قـلـب مـن كثـر ماهيـم *** أصبح بـهـم وبارد القـلب مسـرور
ما بيـن هـم وبيـن واهس وتكتيـم *** أمشي على ما تكره النفس مجبور
هنيت اللي قـلبه خلي الشقا ونيـم *** مـالـه مـرام ألا يفحـط عـلى سبـور
ما هـام باللي كنهـا عاطف الريـم *** ولا شاقه المرقاب في راس عنقور
الوجد ساس الكيد والغبن والظيم *** والمبتلي يصبرعلى الجـور مجبور
عـسى يليـّم شملـنـا منشي الغـيـم *** من دون شفي ديرة الحزم والخور

* وقال عبدالله بن دهيمش بن عبار هذه الأبيات : 29

أتبـع سـرابـك وأطـرده من هـبالـي *** أجـري وراه ويـبـتـعــد دوم عــنـي
وأكسب حصيل المـاش والهملالـي *** أحـصد هـوا وأجـني ثمـار الهـبـني
لا لا تـغــلـى وأنـت يـازيـن غـالــي *** هيهـات بـك يا صاحبي خـاب ظـني
يا ليـت لـو حاشـك نصيـبي حـلالـي *** يا ليـت سنـك يا الغـضي وقم سني
كـان الوصـل يا صاحـبي ما هـيالي *** عـطـني صحيـح العـلـم لا تمتحـنـي
يكـفـي عـلى نـار المحـبـه نـصـالـي *** يكـفي جـفـاء يا زيـن يكـفي تجـني
أبعــد عسـاي أنسى ويـرتـاح بـالـي *** حـتى أستريح من العنـا وأرجهني
ألـقـا بـدالــك وأنـت تـلـقــا بــدالـــي *** والـكـل فـي غـايـة ضميـره يغــني

* وقال عبدالله بن دهيمش بن عبار هذه الأبيات بالوجد يسند على أحد الأشخاص : 30

قـال الـذي يـملي عـلى البـال مخـه *** من جوهـر في غاية الفكر منسوخ
سـلام نـسـمـات الـهـبـايـب تـزخــه *** لـلي يجـاوبني عـلى عـز مشمـوخ
لفظـة مثـل ريـح النفـل عقب بخـه *** ولا عبـيـر الـورد بفيـاض صلبـوخ
مـن لامـني جـعـل المـهـنـد يطـخـه *** يـقـوده الـجـلاد للـنـطـع مـصـلـوخ
الحـب بـلـوى مـن شـقـابـه يـنـخـه *** نجل العيون سهومها تقل صاروخ
الـحـر تـرمـيـه الحـمـامـة بـفـخــه *** والحـب يفتن بـه سلاطين واشيوخ
يجـري بشريـان الضمايـر تضخـه *** يا ما وقع بـه فارس يلبس الجـوخ
أنصحـك يـالـلي مـا تعـرفـه تـوخـه *** مر الحدج يا صاح مايشبه الخوخ
أحـذر صداع الوجـد راسك يصخـه *** ترى المولع دوم يشكي من الدوخ
وأفطن تـرى الهايم تقـل فيـه لخـه *** هاجوس قـلبه يلدغه لدغ شمـروخ
هـذا الجـواب الـلي كـتبـنـا أنـسخـه *** ولاني بحال اللي يلوخ اللغى لـوخ

* وقال عبدالله بن دهيمش بن عبار بالوجد من قصيدة أخرى : 31

يا جرح قـلبي مـا تشـافيـه الأطـباب *** ولا أظـن يـفـهـم عـلتـه كـل دكـتـور
جيت الطبيب وقال لي علـك أعصاب *** أمـا بلاك جـنون ولا أنـت مسحـور
قـلت آه طـبـك فـاشـلٍ وأنـت كــذاب *** ما عندك إلا الكذب والهيف والزور
وقام وتنهّض بالعجل وأرتـدا الكـاب *** أحضر جهاز وجاب مجهر وناظور
وقـال العـفـو تـوي تفهمت الأسبـاب *** قلت أشهد أنك يا فتى الجود منعور
قال أنت بسهوم الهوا طحت منصاب *** رماك اللي زوله مثل مطرق الحور
قلت أشهد أنـه صار عندك أستيعـاب *** متخـرجٍ مـن دار لـنـدن ولاهــور
شكواي يا دكتور من جـور الأحبـاب *** علي شوف صخيّف اللون محضور
من دون شف البال حارس وحجـاب *** وبيني وبيـن صويحبي حال ناطـور
أرسلت لـه مكتـوب لاشـك ما جــاب *** ولا عـاد يرسل لـي مكاتيب بسطور
وأرسلـت مـرسولي كذلـك ولا ثـاب *** لـو كـان أدى غـايـة الجهـد مشكور
الكيف عقب الزين يا ذياب مـا طـاب *** طال المطال ولا بقي عندي أصبور
أهديه وجدي مع نسيم الهوا الهـاب *** جملة عواطف يافتى الجود وشعور
غـرو ملك فـي نظرتـه سحـر الألباب *** الـلي دهـن سـود الجـدايـل بكافـور
نجـل العيون عـيـونهـا كنهـا أحراب *** سـردا شنـاح مـن العماهيج غنـدور
هـو الذي شّيب ضميري وانـا شـاب *** ليـلـة فـراقـه كنهـا سنيـن وأشهـور
حـبـه بنـا بالجـوف منبـر ومحـراب *** وفـي مهجتي عـمر بنايات وقصور

وقال عبدالله بن دهيمش بن عبار العنزي أيضاً : 32

نعـيـم العــود قـل لي وش يـريـبـك *** لـماذا يـا الغــضي تجـفـا حـبـيـبـك
عـديـل الـروح يـا غـايــة مـنـايــه *** عـسى الرحمـن يجعـلـني نصيـبـك
لعـلـه يـجـتـمـع شـــمـل الأحــبـــه *** عـسى يلـتـم سـرحـي مع عـزيبـك
أنـا بـاقـي عـلى عـهـد الـمـحـبــــه *** وأن خـنـت العـهـد ربـك حسـيـبـك
انـا الـمـجـروح بـسهـوم الـنـواظـر *** تـرفـق يا الغـضي عالـج صويبـك
ألا يـا قـلب كـن الـغـيـض وأصـبـر *** تـحـمّـل جـاك عـّلـك مـن طـبـيـبـك
وليـت الزيـن يـلطـف بـك ويـرحـم *** ولـيـتـه بـس لـو يـسـمـع نحـيـبـك
عـشـيـرك ظـالـم وبـالحـب قـاسـي *** ولـو نـاديـت مـا ظـنـي يـجـيـبــــك
ولـو شـكـيـت لـه ظـلـمـه وجــوره *** تـهـكـم ثـم قــال الـزيـن سـيــبـــك
تـنـكـّـر صـاحـبـي عــقـب الـمــوده *** يـقـول أبعـد تـرى مـاني صحيبـك
خـلـيـلي مـا يـريـد الـقـلـب غـيــرك *** تـذكـر لـوعـتي حـزت مـغـيـبــــك
عـديـل الـروح عـّذبـت بـخـفـوقـــي *** ولـكـن طـاب لـلـقـلـب أتـعــذيـبـك

* وقال عبدالله بن دهيمش بن عبار العنزي هذه الأبيات : 33

يا زيـن حبي لك مـن القـلب صـافـي *** خـذ الـكلام الـلـي لـسـانـي هـذابـه
يا زيـن مالـك بـالجـفـاء والـتجـافـي *** قـلبي يحبـك كيـف ترضى بعـذابـه
رمـز الـمـحـبـه بالـمعـالـيـق خـافـي *** لـو مـا كـتـمـتـه كـل واشـي درابـه
قـلب العنـا ما يحتمـل حـب أضـافـي *** الـلـي بـقـلبي يـالحبـيـب أكـتـفـابـه
أنـت بـقـطـار الـحـب آخـر مـطـافـي *** حلفـت غيـرك خـاطـري ما شقابـه
سلبت عـقـلي يـا حسيـن المشـافـي *** وعـزيـتـني عـن لابـتـي والـقـرابـه
طيفـك يطـاريـني ولـو كنـت غـافـي *** حـل بمخـيلـة خـاطـري وأحتـفـابـه
صـرحـت لللمجمول كـل أعـترافــي *** وأرجـو عـسى خـلي يـرد الأجـابـه
يا صاحبي حـقـق بوصلـك أهـدافـي *** يـا فـرح قـلـبي يـا شـقـاه وعـذابـه
أرجـوك عالجـني وعـجـل أسعـافـي *** جـرحـك بقلبي يا عشيري سطابـه
وخـل الـسـفـينـه تـستـقـر بـمـرافـي *** ما بالتماني يا أريـش العيـن ثـابـه

* وقال عبدالله بن دهيمش بن عبار هذه الأبيات : 34

الغـزل صغـتـه مـن ألفـاظ وجـدانـي *** مـن تباريح الهـوى قـلت أوصفهـا
شبـه حمـرا مـن هجاهيج ابن ثـاني *** أقــبلـت تـرزع تـوامـا سـفـايـفـهـا
يا عـذولي بـالـهـوى ليـش تـنهانـي *** أشـتكي لـك قصتي وأنـت تعـرفهـا
طحت من حربـت الفتـان وأغـوانـي *** فاتـن الهايـم عسى الحـال يسعفها
فـتحـت ورده عـلى غـرس بستانـي *** وحـان موعـد قطفهـا ليت نقطفهـا
خـلـي الـلـي كـل مـا جـيـت حـيـانـي *** صــد عـنـي والـمـحـبـه تحسـفـهـا
يـا نـديـبي قـلـهـا كـيـف تـجـفــانــي *** عشرتي عـقب الغلاء ليش عايفها
شرطها القاسي عـن الوصل ينحاني *** قـصدها طعـن الضمير بسـوالفهـا
كنت أحسبها تترك الشرط من شاني *** وأعتقـد مطلب لـزومي إيشـرفهـا
ليـت لـو هـي تكـرم النـاصي العــاني *** لـيـت تـنـطـق بالـتحيـة شفـايفهـا

* وقال عبد الله بن دهيمش بن عبار من شعر الوجد هذه الأبيات : 35

يا راكب الـلي إلـى مشى لـه رفيـفـي *** يشـدا رفيـف الـلي بـراس المطـفـه
أقضـب طريـق البيـب نصـه طريـفي *** حتـى الرويشـد مـن شمـالـه تحـفـه
واصـل مسيـرك وأعتجـل لا تقيـفـي *** وصلـنـي الـلـي تـل قـلـبـي وهــفــه
شـفه هاك الغـرو الحسين العـفيـفـي *** مع الجـمـال اليـوسـفـي فـيـه عـفـه
عـن الدنس والعيب عرضه شريفـي *** عـقـلـه رصين ولا ذكـر فـيـه خـفـه
أنصع من الشاش الجديـد النضيـفـي *** هــل الـولـع مـا لـوبــدولــه بــرفـه
هـذاك هـو مـظـنـون عـيـني وليـفـي *** يـا سـعـد حـظ الـلـي لـبـيـتـه يـزفـه
هــذاك هـو غـايـة مـرادي وكـيــفـي *** هـو صاحبي مقصد ضميري وشفه
لـو حال مـن دونـه مسافة أتـخيـفـي *** والـكـل مـنـا صـار يـسـكـن بـضـفـه
ما أنسى الخدين الـلي لقـلبي حليفـي *** أعاهـده بـالصـدق وأوقـف بـصفـه

* وقال عبد الله بن دهيمش بن عبار من شعر الوجد هذه الأبيات : 36

الـعــيـد جـانــا وكـل حـي فــرح بــه *** وأنـا سـهـيـر الليـل مـا عـاد أبـاتــه
يا الـلي تلوم الناس بالحـب طـح بـه *** جـّرب لـعـلـك مـا تـعــود الـشمـاتـه
تـوبـه قضى مـن جايح الوجـد نحبه *** ومجنـون ليـلى سـاح ينـدب فـتـاتـه
وكـم واحـدٍ رام الهـوى وأفتضح بـه *** تـرمـيــه عـنـود الـمـهـا بـلـتـفـاتــه
الحـب يـا المجمـول مـا يـنـمـزح بـه *** قـلـبـي خـذيـتـه لـو تـكـرمـت هـاتـه

* وقال عبدالله بن دهيمش بن عبار هذه الأبيات في الوجد : 37

جاني جـواب اللي لـه النفس شفقـه *** زين الحلايا أرسل لنـا ورد الأوراق
يـا زيـن مـا قـصدي تـمـلـق ونفـقـه *** عـليك قـلـبي يا أريش العين مشتاق
ليت تحصل صدفه مع الترف وفقـه *** وأنظر خياله مـن عقب بعد وأفـراق
يـا ليـت ليـه مع هـل الشـوق رفـقـه *** أو ليـت يجـمع بيننا قـرب الأعـراق
أو ليت نعقـد مع هـل الزيـن صفقـه *** وأسوق مالي للغـضي مهـر وسياق
كـل مـا ذكـرتـه خافـقـي زاد خـفـقـه *** وش حيلتي قـلبي هـواوي وعشّـاق
مدري متى قلبي عـن الوجـد يفـقـه *** وينسى الغرام اللي تغلغـل بالأعماق

* وقال عبدالله بن دهيمش بن عبار هذه الأبيات : 38

يا هيه يا اللي في شقـاي حسـدونـي *** كيـف المشقى لـه مع الناس حسّاد
يـا هيـه يـا الحسـاد وش تـطلبـونـي *** مـا ينحسد مثـلي عـلى مـر الأنكـاد
يكفي شقاي أجحـد غـلايـل غـبونـي *** وأصـبـر لعـلـه يـفعـل الـلـه مـا راد
خـلـوا ملامـي يـا عـرب وأتركـونـي *** كـنـه يشـب بـداخـل الـجـوف وقـّاد
ما أطـاوع العـذال مهمـا أنصحـوني *** من قال مالك بالشقا قلت وش عـاد
مجـروح مـار أكتـم جوايح طعـونـي *** وش حيلتي كيف الوسيلة يالأجواد
حـتى مـراسيل الغـضي مـا يجـونـي *** صد وهجرني صاحبي قصد وعماد
يـا ليـت لـو خـلـي ضميـره حنـونـي *** ليتـه يـروف بحالتي غـض الأنهـاد
يـا صـاحبي بـالـوجـد لا تـذبحـونـي *** طال المدى يا زين والصبر مـا فـاد
مـن وجـد لوعـات الغـرام أنقـذونـي *** من قبل ما نزهـد تـرى الحـر زهـّاد
وأن كان عن طرد الهـوا تنشـدونـي *** الحب له تاريخ مـن عصر الأجـداد
قيس الملـّوح صـاب عقـله أجنـوني *** هام بهوا ليلى على روس الأشهاد

يتبع

تابع

* وقال عبدالله بن دهيمش بن عبار هذه القصيدة في الوجد : 39

طـول لـيـلي مـا هـوا جسمي لـحـاف *** أتــقـلـب وأقــتـلـب مـثـل الـسـقـيــم
أتـقـلـب مـثـل الـلي فـوق الــرضـاف *** وكـن معـلـوقـي تـوقـد بــه جـحـيـم
تـمـلـلـت مـن الـتـمـشـي الـوقـــــاف *** كــني الـلـي مـن عــدوه مـستـظـيـم
صـاحـبي طيـفـه يجـيـني بـالـهـتـاف *** فـي هجـوع النـاس بـالـليـل العـتيـم
يا عذاب القـلب مـن زيـن الـوصـاف *** مـن جمـالـه يختـلـف عـقـل الفهـيم
مـن تـبـاريـح الـهـوا حـالـي نـشــاف *** سيــر قــد ولافـحـه ريـح الـنـسـيـم
أجـذب الـونـات وأصـفـق بالـكـفــاف *** كـل مـا يطـري الهـوى قـلبي يهيـم
خـلـي الـمـجـمـول للـمـعــلــــوق لاف *** سهـم حبـه صـاب قـلبي بـالصميـم
صاحبـي زيـن المـثــايـل والـوصــاف *** عينه عين الحر وعنقه عنـق ريـم
كـن زولـه وأن تـــثـنـى بـنـعــطـــاف *** غـصـن حـور لـو تهـزع يـستـقـيـم
والجـدايــل فـوق صـدره والـكــتــاف *** ذيـل شقـراء ولاكـده تحـت العـديـم
فـي جـمـالـه والـحـلا للـبـيـض نــاف *** مع جـمالـه عاقـل الـتـرف وحشيـم
تجـتمع فـي صاحبـي عـقـل وعـفـاف *** هـو شفـات البـال مـن بـد الحـريـم
لـو تجـاب البيض لا أقـول أنـصـراف *** صاحبي ما أريـد لـي غـيـره نـديـم
وهــنـي مـن نـال خــلـــه بـالـزفـــاف *** فـي شريعـة خالـق الكـون العظيـم

* وقال عبدالله بن دهيمش بن عبار هذه الأبيات من شعر الوجد : 40

شفـت غـرو فـاق في حسن وجـمال *** يـعـلـم الـلـه كـنـه الـبـدر الـمـنـيـر
مـثـلـهـا مـا شـفـت بـديـار الـشـمـال *** ولا بـأهـل جـده ولا ديـرة عسيـر
هـايـف الخصريـن يـمشي باعـتـدال *** فـاتـن لا هـو طـويـل ولا قـصـيـــر
زاهـي الـمـلـبـوس كـنـه بـاحـتـفــال *** لاعـب فـيـه الصبـى طـفـلٍ غـريـر
قــال وقــف ثـم وجــه لـــي ســـؤآل *** وكـاد قـلبـي بيـن ضلعـانـي يطيـر
قـالـت أسـمـك قـلـت يا بنـت الحـلال *** مـن عمـوم البـدو ما أسمي شهير
قـالـت مـن شعـرك تـغـزل بـالغــزال *** قـلـت أخـاف الريـم مـني يـستذيـر
الـعــفــو يا زيـن مـا عــنـدي مجـال *** ليـت عـن قـولـك تتـوب وتستخيـر
لا تــمـــادا بــالــتــدلــع والـــــــدلال *** فـي كـلامـك ثـم تجـعـلـنـي أسـيــر
الـمـواصـل بـيـنـنـا صـعـب ومـحـال *** والـتلاقـي بـاعـتـقـادي مـا يـصيـر
قــال خـلــك دوم مــعــنـا بـاتــصــال *** قلـت يكـفي منـك تعذيـب الضميـر
وآخـر الـمـشـوار وقــفــنــا الجــدال *** ما نريـد الخـوض بالأمـر الخطيـر

* وقال عبد الله بن دهيمش بن عبار هذه الأبيات في الوجد : 41

يـا مـل عـيـن كـل مـا قـلـت هـيـــدي *** تسهـر وعيـت عـن لـذيـذ الـرقـادي
وهـمـوم قـلـبـي كـل لـيـلـه تــزيــدي *** تـراكـمـت مـا تـنحـصـي بـالعـدادي
هـنـيـت الـلـي قـلـبـه دريـخ وبـليـدي *** ينسى الروابع والهجوس الـدوادي
بـيـن الـمـلأ لاشـك كــنـي وحــيــدي *** أعـيش فـي وسـط الخلايـق حيـادي
كـان إنـنـي بـالعــان مضيـت عـيـدي *** لا والـلـه ألا هــمـت فـي كــل وادي
عيـد العـرب مـا هـو عـليـه سعـيـدي *** مـا شاقـني لبـس الهـدوم الجـدادي
وأن كـان عـيـدي بـيـن دبـه وديـدي *** هـذا هـوى قـلـبـي وغــايـة مـرادي
شـفـي مـع المجمـول عنـق الفريدي *** مـا أريـد غيـره مـن بـنات البـوادي
وأصبح جـداي اليـوم نظم القصيدي *** دليـت أجـاوب بـالـلحـن كـل شـادي
كيـف أتـهـنـا وشـف بـالي بـعــيـدي *** يـا بـعـد ديـرة صـاحبي عـن بـلادي
داره بـعــيـد ولا يـجــيــه الـبـريـدي *** وأتـلا العهد بـه في شمال الحمـادي
حـبـه بـراني مـثـل بـري الجـريـدي *** زيـن الـحـلايـا هـو ربـيـع الـفــوادي
أعـول كـمـا تعــول خـلـوج تعـيـدي *** تـنـدب ولـدهـا بـالمـقـاطـيـن غـادي
وأهرف هريف اللي طواه الفديـدي *** تــلاوحــنــه مــبـعــدات الــمــعــادي
عـلى وليـفي راس مـالـي رصيـدي *** مـعـدن ذهـب مثـل الجنيـه الـرشادي

* وقال عبدالله بن دهيمش بن عبار العنزي هذه الأبيات في الوجد : 42

راعـيـتهـا يـا عـزوتـي وأعجـبـتـني *** الجـادل الغطـروف مـا شفـت حليـاه
الجـادل الـلـي بـالـمخـاطـر كـوتـنـي *** تـلـت معاليـق الضمايـر مـن أقصـاه
يـا لـيتهـا بـالـطـرس مـا راسـلـتـني *** ويا ليـت مـا حـرف الرسالـه قرينـاه
معها سحـر هاروت كيف أسحرتـني *** الحـب بـلـوا ويشـقـي القـلب بـلـواه
يـا لـيـت مـن غـر الـثـنـايـا سقـتـني *** مـن مبسـم كـن العسـل فـي شفـايـاه
لـوا عـذابـي كـان هـي فـاخـتـتـنـــي *** متـى تجـود وتلحـق النفس مشهـاه
الـجـادل الـلـي بسـم أبـوهـا رمـتـني *** مـا أريـد أقـولـه تفهـم الناس معنـاه
سـمـيـهــا مـا يـقــبـلــه كــل فــتـنـي *** أربـع حـروف وآخـره مـثـل مـبـداه
رح يـا الـهـبـوب وقـلـهـا عـذبـتـنـي *** وصـل لـهـا ونـات قـلـبـي وشـكـواه
عـلامـهـا بـسـهـم الـغـرام ذبـحـتـني *** عـلام مـا قـالــت ذبـحــتـه وعـــّـزاه

* وقال عبد الله بن دهيمش بن عبار هذه الأبيات في الوجد : 43

لـمـحـلا إلـى قـيـل جــتـك الإجــــازة *** والهـاف تـوه جـايـبـه مـن حـفـيـزه
مـن معرضـه منجـوب بـأول طـرازه *** يطوي الفلا ه بضـرف مـدة وجيـزة
هـو منوت اللي لـه مع البـدو عـازه *** يـدور مـن هـنـف العـذارى خـزيـزه
مـن صـح لـه خـلـه يـزود اعـتـزازه *** حـيثـه عـزيـز ومـن قبـيـلة عـزيـزة
لـوهـنـي الـلـي عـلـى الشـرع حـازه *** ما هو عـلى مذهب خبـاث الغـريـزة
مـن حـلـة القصمـان يشري جـهـازه *** يخـتـار مـن صافـي معـادن بـريـزة
تـوه صـغـيـر الـسـن بـأول نــفـــازه *** زيـن الحلايـا بـه عـن البيض ميـزه
العنـق عنـق الريـم بأرض المحـازة *** والعـين عيـن الـلي بـراس الركيـزة

* وقال عبدالله بن دهيمش بن عبار هذه الأبيات من قصيدة : 44

يـا عـذابـي هـمـت بـالغــرو المـليـح *** وهـني مـن لايـمـه يسـعـد صبـاحــه
صـابـنـي رمـحـه وخـلانـي جـريــح *** كيـف قـلبـي نـاعـم العـود استبـاحـه
صـار لـيـه صاحـبي خصـم ونطيـح *** صـابـني رمـحـه وصـوبـني سلاحـه
قلت شل من طاح من سيفك طريـح *** خـف مـن ربـك لا تخلـيـه بـمطـاحـه
داونـي يـا صـاحبـي جسمي لحـيـح *** مـن سبب فرقـاك مـا نلـت النصاحـه
لا تكـن يـا زيـن فـي وصلـك شحيح *** لا يـزال الـحـب بـه فـرصـة مـتـاحـه
مـا نـهـل ظـميان مـن طـل ونضـيح *** أسقـني يا زين مـن صـافـي قـراحـه
قيس من أسباب الهوى دايم يسيح *** جـنـتـه لـيـلـى وسـوى لـه مـنـاحـــه
وعـامـر وكـثـيـر عـزه مـع ذريـح *** والخـفـاجـي بالهـوى بـان افتضاحـه

* وقال عبد الله بن دهيمش بن عبار هذه الأبيات : 45

يـا مـل قــلـب كـل مـا قــلـت نـاســي *** بيّح غــرامه شوف ناس من الناس
قـلـبـي خـذنـه نـاعـمـات الـحسـاسي *** نعـوذ بـالرحمـن مـن كـل وسـواس
شـفـت الخـيـال الـلـي زهـاه اللباسي *** سبحـان ربي كمـل الـزيـن بـقيـاس
عـزاه لـي مـن عرضته شـاب راسي *** وعزي لمن قـلبه شقاوي وحساس
هـاض الغرام وهاض كامن حماسي *** وزود هجوس القلب تسعين هوجاس
خــدره عـيـونـه كـن فـيـهــا نعـاسي *** ومن ذاق حب السلهمه يشكي الباس
قـالـوا فـخـور بـمـسـتـواه الـدراسـي *** قـلت الله أكبـر نـال بالعلـم نـوماس
لاشـك ملهـوف الحـشى صار قـاسي *** أشد وأقسى من المهلهـل وجساس
يـا زيـن جـامـلـنـي ولا تـزيـد يـاسي *** أسق العروق اللي من الوجد يبّاس
الـحـب يـودع بـالـضـمـيـر التمـاسي *** قبـلي شكاه العـامـري وأبـو نـواس
يـا ليـت ساسـه مـن معاميـق ساسي *** من بشر ولا من بني عـمي جـلاس
لـكـن بـلاي مـن أفـتـخـات الجنـاسي *** داره بـعـيـد ودونـهـا حـال حــراس
والـحـل مـا يـقـواه كـود الـسـيـاسـي *** موضوع خلي صارعقـده ولـولاس

* وقال عبد الله بن دهيمش بن عبار هذه القصيدة في الوجد : 46

حان السفر يا صاحبي كيـف أودعـك *** وش لون أسير وشوفكم ما حصلي
ودك تـودعــني بـتـلـويـح أصـابـعــك *** وتخاف يفطن لـك خـطـات المحـلي
الـلي منعـني عـن وصـالـك ويـمنعـك *** قـصـده يـفـرّق بـيـن خـلٍ وخـلـــي
أن كان يا دافي الحشى زرت موقعك *** أخـشى نـميـمـة حـاسـدٍ فـاطـن لـي
الـواش لـو أنـك تـكـلـمـت يـسـمـعـك *** مـا غـادب عـن ناظرك مقـدار مـلي
حسيبـه الـله ويـن مـا سـرت يتبعــك *** يحـمـل عـلى العشّاق حـقـدٍ وغـلي
أطلب عسى مولاي يـا زيـن يرجعـك *** وش حيـلتي يـا نـاعـم العـود قـلـي
أن كـان يالمجمول فـاضـت مـدامعـك *** أنـا عـلـى فـرقـاك دمـعـي يـهـلـــي
وأن كـان وجـدك بـالمعاليق يـوجعـك *** أنـا فـنـيـت مـن الـتـواجـيـد كـلـــي
هـبّـيـت يالحاسد عسى الّـرب يقطعـك *** أنـا عـلـيـل وزدت هـمـي وعــلـّـي
الـحـب ولـعـني مـثـل مـا أنـت ولعــك *** وأصبحت دونـك مـا أطيـق التسلي
والقـرب ينفعني مثـل مـا أنـت ينفعـك *** لاشـك لا تـكـثـر عـلـي الـتـغـلــــي
قـلبي معـك فـي كـل منهـج أيطاوعـك *** باقـي عـلى حفـظ العهـد مـا يزلـي
أقسمت لـك يـا زيـن ما نـي مخادعـك *** لاشـك حـبـك حـافـظـه فـي سجـلي
سبحـان رب الكـون بالحسـن لـمـعـك *** جـل الـولـي زهـاك مـن غيـر دلـي
حـذراك مـن زايـد جـمـالـك أيـدلـعــك *** كـل البشـر لـو شـافـتـك بـك تـهـلي
وش عـاد لـو تجميل الأوشام ردّعـك *** يضـوي جبينك لون كهـرب حولـي
ليـت الـولي يـامـر ولـيـك ومـرجعـك *** ويـجـعـلـك خـلاق الـمـلأ مسهملـي
يا سعد حظ اللي عـلى الشرع لا يعـك *** ولا الـفــتـى لابــد عــمــره مـولـي

* وقال عبد الله بن دهيمش بن عبار هذه الأبيات من شعـر الوجد : 47

يـا زيـن كـمـل بـهـجـتي وأنشـراحـي *** حـتـى أتـهـنـا بـالسعـادة والأفـراح
لا تحسـب إنـي مهـتـني في مراحـي *** ولا تحسب إني دالـه القلب مرتـاح
دليـت أهـوبـل فـي جـمـيـع النـواحـي *** وأسوج بأقـطـار الفلا تقـل سّـواح
هبلـت عـقـلي عقـب ما كنت صاحـي *** وطعنت قلبي فـي سكاكين وأرمـاح
أنـت الطبيـب الـلي يـضمـد جـراحـي *** وأنت المداوي وأنت للجرح جـراح
كسـّرت يـا عـذب السجـايـا جنـاحـي *** داو الطعين اللي بسهم الهوى طاح
يـا زيـن مـا يـمحـى محـبـتـك ماحـي *** ألا جـبـل سـنجـار يـورد عـلـى راح
أرجـوك يـا خـدر العـيـون السماحـي *** مـا يـنـكـتـم سـد الـمـولـع إلـى بـاح
ما يـروي العطشان نضح الضحاحي *** ولا فـاد طراد الهـوى لمح الأشباح
يـطري خيالـك بالمسـاء والصباحـي *** أفـرح بزولك يا الغـضي كـل ما لاح

* وقال عبد الله بن دهيمش بن عبار هذه الأبيات من شعر الوجد : 48

يـا عـرب عـزي لمـن قـلبـه شقـاوي *** ما يـليـق إلـى نظـر خـطـو السمارة
شـفـت غـرو لاح لـي يمشي خـلاوي *** لـيـت لـو دليـت بــيـتـه بـأي حـارة
محتـشـم يخشى مـلابـش كـل غـاوي *** يقصـر الخطوة ويمشي في حـذاره
يـنـظـر بـعـيـنـه مثـل عـيـن النـداوي *** وأن نظـر بالعيـن ضيعـت الشطارة
لـون خـده مـا تـخـفـيـه الـغــشــاوي *** كـن صبغ الورس يؤخذ من حماره
زولـه الغــطـروف تـزهـاه الـمـزاوي *** فـاق خـفـرات البـداوه والحـضـاره
قـلـت وقـف كـان يـا المجمـول تـاوي *** أسعـف الملهـوف لا تـزاود دمـاره
الـهـوى مـا يـنـفـعــه طـب الـمـداوي *** يخلف الدكـتـور لـو قـاس الحـرارة
لا تـكـن يـا زيـن فـي طـبـك غــلاوي *** لا تسيـّب مهـجـتي تـذهـب خسـارة
يـا الجميـل أبديـت لـك كـل الشكـاوي *** لا تـكـبـّـر رد لـي لـو هـي عــبـارة
أرحـم المشفـق عـلى قربـك قصـاوي *** حيـن شافـك ضـاع لـبـه وأفـتكـاره
لـو سمحت أنطـق وجـاوب للنحـاوي *** صاحبـك شـاعـر ويفهـم بـالإشـارة
لـو حصل لي عندكم لا أسكن فـداوي *** أو حصـل لي بس تـكـرار الـزيـاره
كـان ساسـك مـن عريبيـن العــزاوي *** أبغـي بشرع الولـي ما هـي قمـاره
وهـنـي مـن نـال قـربـك بـالـمـنـاوي *** قبـل عشب العـمر لا يذبـل خضـاره

وقال عبد الله بن دهيمش بن عبار هذه الأبيات من شعر الوجد : 49

مــل عـيــن ســاهـرة عـيـت تـنـامـي *** وهـنـي الـلـي تـنـام الـلـيـل عــيـنـه
لاع قـلبي بـالهـوى وهـيضّ غـرامي *** كـامـل الأوصـاف وأخلاقـه حسينه
عـيــن ريــم جـفــلـه عـبــرود رامـي *** مثـل غصن البـان فـي رقـه ولينـه
صـاحـبـي مـا دق خـده بـالـوشـامــي *** مـا تـصنع صـاحـبـي يكفـيه زيـنـه
خـدهـا المصبـاح يـضـوي بـالظلامي *** كن طلع الورد مـن حمـرت جبينـه
والـثـنـايـا كـنهــن مـزن الـغــمــامـي *** لا تـبـسـم بـت مـن قـلـبـي مـنـيـنـه
يـا نـعـيـم الـعـود يـا غــايـة مـرامــي *** لـيـه قـلـبـي من مـقـره تـاخـذيــنـه
يـا حسيـن الـدل لـك جـل اهـتـمـامــي *** الـهـوى فـتـان وأحـبـالـه مـتـيـنــه
والـمحـبـه مـخـطـرٍ بـالـكـبـد حـامــي *** مثـل حـد السيف مـا يبـرى طعينـه
أذكـر الـمـحـبـوب فـي لـذت احـلامـي *** ومـن فراقـه ذقـت لوعات وغـبينه
صاحبي مـا أنسـاه لـو دونـه مظامـي *** لـو يحـول البعـد ما بـيـني وبـيـنـه

* وقال عبد الله بن دهيمش بن عبار هذه الأبيات من شعر الوجد : 50

يا أبـو العيون الناعسات السـواهـي *** سود المحاجر كان سلهمت بغضاي
يـا زيـن بـالـنـظـرة لـفـت انـتـبـاهـي *** فـتنت قـلبي يـوم ناظـرت لـي جـأي
حـمـرة جـبينـك كنهـا قـلاص شـاهي *** ومنظرخدودك يخلف العقل والراي
أنـا أشهـد أن الزيـن والحسن راهـي *** جمـال يوسـف حايـزه جـل مـولاي
شفـت الخيـال الـلي بـالألباس زاهـي *** يـمشي تبختر كن رجلـه عـلى يـاي
رمـيـتـنـي يـا صـاحـبـي بـالـدواهــي *** ما تخـتشي من ثـار قـومي ومـداي
حلفـت مـا أسـمع كـل عـاذل ونـاهـي *** شفـي بـقـربـك كـان شـفـك بلامـأي
أقـولـهـا يـا زيـن مـا نـي مـضـاهــي *** ليـتـك تـقـدر يا عشـيـري أحـمـياي
عـلـيـك قـلـبي تـقـل يـطـهـاه طـاهـي *** حطيتني ما بـيـن صـالـي وصـهـاي
مـا يبهـج الخاطـر ضحـوك الفكاهـي *** ولا يطربه من يضرب العود والناي
القلب يـا خـلي مـا هـو عـنك لا هـي *** أنت السبب في عـلتي عطني أدواي
أن جـدت لـيـه زاد قـدري وجـاهــي *** وأن برت بي حطمت شأنـي بدنيـاي
لـو أيحصل قربـك بخوض الهيـاهي *** حلفت لك لا أبيع روحي علي عداي

* وقال عبد الله بن دهيمش بن عبار من شعر الوجدانيات هذه الأبيات : 51

قـال ابـن عـبـار فـي قـولـه أجـهـــار *** وضـح الأبـيـات مـن قـافـه بـداهـــا
شـفـت غـرو لاح لـي تـالـي النهــار *** ومـن لـمحـتـه حالـتي جـاهـا بـلاهـا
مـن سـبـبـهـا ذاب قـلـبي بـنـصهـار *** أشكي اللـوعـات مـن غـبـت هـواهـا
كـيـف معــلـوقـي ذهـب معـهـا فـرار *** مـا نـلـوم الـقـلـب لـو هـام وتـلاهـا
لــو أكــون بــدار والــغــالــي بـــدار *** الـمسـافـة مـا تـقـلــل مــن غـلاهــا
صاحبي مـا أنسـاه لـو تفنـى العـمـار *** فـي ضميـري حاضـرة كـني أراهـا
هـي مـنـى قـلـبـي تـخـيـرهــا أخـيـار *** هي شفات النفس وهي غاية مناها
الـحـلا والــزيــن شـفــتــه والـوقــار *** مع فـصاحـت قـولهـا عـذب نـبـاهـا
زولها الصفصاف فـي غصنه خضار *** ضامرالسرجـوف مسلـوب حشاهـا
كـنـهــا الـنــوار بــالــقــاع الـقــفــار *** نبت قفر وبالحمى مـا أحـدٍ رعـاهـا
كنـهـا الـلي مـن وحـي رمـي أستـذار *** قادت خشوف الفلا يمشن ورالـهـا
خـدهـا الـمـصبـاح يـلـمـع بـالـغـضار *** أو عـقـود المـاس والصايغ جلاهـا
أو شـعـاع الشمس يشـرق بـاحمـرار *** أشرقت بالكون في عالـي ضحاهـا
والـجـعـود الـشـقـر تـغـري بالشـقـار *** ولبسها الثوب الحمر لونـه زهاهـا

* وقال عبد الله بن دهيمش بن عبار هذه الأبيات من شعر الوجد : 52

راكـب الـلـي فـوقـهـا رمـز الـسـلاح *** يـوم شالـت بالهـوى قـامـت تـمـوح
يـوم شـال ومع زعـوج الـريـح راح *** بالفضاء تجري مثـل خطو الجمـوح
يـعـلـم الـلـه يـوم تـجـري بـالـريــاح *** مـا تــمــالا نـورهــا دوبــه يــلـوح
كـنـهـا الـلي قـام يـخـفـق بـالـجـنـاح *** شاف خرب ناض من فوق السفوح
سـاقـهـا الـلي حـاز تفـويـق النجـاح *** والـمـسـافـة طـالـهـا بـخـلال شــوح
قـلـت يـا مـلاح أرجـوك الـسـمــــاح *** خـذ كلامـي وأفهـم العـلـم بـوضـوح
يـا عـمـيـل الخـيـر يـا وجـه الـفـلاح *** ودني وأشكـرك يـا الـقـرم النصـوح
خـذ طعيـن الوجـد صـوب بالـرمـاح *** خـذ صويـب الحب مثخـن بالجـروح
خـذ مـعـك مـن بـات ساهـر للصباح *** وأنقـذ اللي مـن الطنا يمشي طحوح
خـذ شـقـاوي ما تهنـا ولا استــراح *** مستمل مـن البـطـا و يـبـي الـنـزوح
خـذ سقـيـم مـن الـولـع سـده مـبـاح *** خذ الـلي مـن بـعـد محبـوبـه يـنـوح
الـهـوى مـن قـبـلـنـا عـذب بـــــداح *** والـتـغـرب مـا نـفـع راع الضـبــوح
لاع قـلـبـي صـاحبـي سـيـد الـمـلاح *** البخيـل الـلي عـلى الصاحب شحوح
وهـنـي مـن حـازهـا بـعــقـد ....... *** وهــي مـن شـف مـن ريـقـه صبـوح
ريـقـهـا مـثـل العـسـل عـذب وقـراح *** مثل ذوب الشهـد أو در الـمـسـوح

* وقال عبد الله بن دهيمش بن عبار هذه الأبيات في الوجد : 53

عــزاه يـا قــلـبـي تــزايــد هـيـامـــه **** دايـم هـمـومـه بالـضمايــر مقـيـمـه
القـلب هـام مـن الـطنـا وش عـلامـه *** هـام وتـولـع بـالـفـتـاه الـوسـيـمــه
عـيـني قـزت والـلـيـل عـيـت تـنامـه *** ما غير أسوهج بين خيمـه وخيمـه
العـي كـمـا الـرضـاع بـأول فـطـامـه *** وأعـول عويل الخلج وأرزم رزيمـه
وتـل قـلـبـي تــل غــرب الـمـسـامـه *** اقـرش مـقـامـه والعـراقـي وذيــمـه
تـل الـرشـا والبـيـر عشريـن قـامــه *** وأقـفت تجـر رشاه حمـرا هـميـمــه
لـوا وجـودي وجـد زرقـاء اليمـامـه *** يـوم أيست من قـومـهـا مستـظيمـه
شـافـت غـزو تبـع بـطـلعـة تـهـامـه *** ولا صدقوها جديس لو هـي عليمـه
وجدي على المجمول ظبي العـدامه *** الجـادل الـلي عـنـقـهـاعـنـق ريـمـه
هـو صاحبي طـب الضمير وسقامـه *** رفـيــق قـلـبـي بـالـحـيـاة ونـديـمــه
الصاحـب الـلي سـم حـالـي غـرامـه *** مـا ظـنتي يـنسى السنيـن القـديـمـه
مـا أنساك يـا شـف الفـؤاد ومـرامـه *** ما ذعـذع الغـربي وهبهـب نسيـمـه

* وقال عبد الله بن دهيمش بن عبار هذه الأبيات في الوجد : 54

يـا صاحبي يـا طـول مـدت غـيـابـك *** لـيتـك قـريـب وطـول الأيـام عـنـدي
يـا سعـد حـظ الـلـي تـهـنا بـشبـابــك *** لـو صح قربـك مـا غبـط كـل فنـدي
والـلي عـلى السنـّة يـفـوز بجـنـابـك *** يصبح زعيم القـوم لـو كـان جنـدي
رمحك سطابـي ليـت رمحي سطابـك *** طعنـتي يـا زيـن فـي سيـف هـنـدي
وش السبـب تـبخـل عـلي بجـوابـك *** وسحرت قلبي مثل سحـر المرنـدي
كنت أحسب إني من غـوالي أحبابـك *** لاشـك عنـدك صـار مقـفـول بـنـدي
كـل مـا نـظـرتـك قـال قـلبـي هـلابـك *** يـبش مـن شـوفـك ضميري وينـدي
مـا أنسـاك حـتى بـالـمـنـام أهــذابـك *** والحـب يـودع بسـرة القـلب منـدي
لا زلـت أخـايـل يـاعـشيـري سرابـك *** حـتى تعبـت وبـاد عضـدي وزنـدي

* وقال عبد الله بن دهيمش بن عبار هذه الأبيات من شعر الوجد : 55

أدخل على الله يا الغضي لا اتعصاني *** لا تـودع الحـب الحقـيقـي تمـاثـيـل
تــصــد مــا ودك بــعــيـنــك تــرانـي *** والحـر يا المجمول مـا يقبـل الميـل
هـجـرتـنـي يـا صـاحبـي فـي مـكـاني *** يا زيـن دونـك مـا تطيـب التعـاليـل
العـمـر يـمـضي يـا عشيـري ثـوانـي *** بين النهار وطلعت الشمس والليـل
مـدري عـلامـك مـا بـقـلـبـك حـنـاني *** ليش الجفاء والصد يـا نافـل الجيـل
كيـد الـعـذارى وسلمهـن مـا خفـاني *** سـود المـقـانع نـاقـضـات العثـاكيـل
يـا مـا شقـاء مـن حبهـن مـودمانـي *** ويـا مـا رمـن من متعبين المعاميـل
قـيـس الملـوح فـي قـديـم الـزمـانـي *** يسعى على التوباد ضمن المهابيـل
يـا الـلـي جـبـيـنـك كـنـه الـديدحـاني *** ورد الـربيـع ومنبتـه مدهـج السيـل
حـبـك سـلـب عـقـلي وزلـزل كيـانـي *** ألطف بنا يـا أبـو العيـون المضاليل

* ومن شعر عبد الله بن دهيمش بن عبار في الوجد هذه الأبيات : 56
قـم يـا نـديـبي بالعـجـل شغـل الرنـج *** إلى مشى يطـوي سماهيد وأفجـوج
من سرعته يغنيك عـن ركبت البنـج *** مع جرهـد البيداء يفوج الهوا فـوج
عجل تـرى كثـر الطنا يخرب الصنج *** نبغـي نزور الـلي طعـني بلا صـوج
نصه على الـلي يفهـم السلم والطنج *** ما صـار مثـله بالغـنـاديـر عمهـوج
الجادل الـلي تقـل توطأ عـلى اسفنج *** زيـن المثايل هايـف الخصرعسلوج
عـوده طـري كنـه نـواويـر بـا بـنــج *** غصنه رطيب وهـزه الريح بمروج
شمـا عفيفـة مـا تـربـّت عـلى الغنـج *** ولا داج يبـرم حـولهـا كـل مرجـوج
خـلي لعـبي بـالهـوى لعـب شطرنــج *** داره بعـيد ولا حصـل يـمهـا نهـوج
وجـدي عليهـا وجـد مـن غـره اللنج *** تاه الطريق وقـام يلعـب بـه المـوج
نـادا النذيـر وقـال جـاك الخطـر أنـج *** هبت عواصف في محيط البحرهوج

* ومن شعر عبدالله بن دهيمش بن عبار هذه الأبيات في الوجد : 57

عـامـين فـاتـن بـالـوديـعــة مـثـابــر *** ألاحـظ الصاروخ وأفحـص جهـازه
صابـر عـلى بعـدك ولا زلـت صـابـر *** ومـن لا تصبـّر مـا قضى كـل عـازه
يـمـضي طـويـل الليـل للنجـم سـابـر *** والقـلـب صابـه مـن وليـفـه حـزازه
كسر الهوى يا زيـن مـا هـو بجـابـر *** مـا يـنـتجـبـر مـثـل كـسـر الـقــزازه
لـولا الحياء لا أعلن بروس المنابـر *** وأشـهــر خـبـر مـودتـه واعـتـزازه
غض النهـد يزمي على الصدر زابر *** والعيـن تشبـه عيـن ريـم المحـازه
هـو مطـلبـي مـن لابـسـات الشنـابـر *** الصـاحـب الـلـي هـاز قـلـبي ورازه
لا هــاتـــفٍ لـديــار خــلـي أخــابـــر *** ولا مـن بـريـد أكـز مـعــه الـكـزازه
وش يجمع الـلي موقعـه فـي قـنابـر *** لـلـي مـقـره فـي ضـواحـي عــنـازه
وجـدي على اللي لنازح البيد شابـر *** صنع الـنصارى الـلي جديـد أطرازه
جريـه سريع ويقـطع الـدرب عـابـر *** لـلضـلـع والبطنـاج عـجـل اجـتيـازه
يلفي عـلى المجمول زيـن المخـابـر *** يا سعـد مـن هـي بالشريعـة مجـازه
الشيـب لاح بـعـارضـي والـصـوابـر *** وأنـا أحتـري فرصة يحيـن أنتهـازه
الـحـب تخـضـع لـه رقـاب الجـبـابـر *** محـدٍ سلـم مـن سلطـتـه وأمـتـيـازه
حـتـى الـمشـائـخ والـرجـال الأكـابـر *** الـكـل مـن وجــده تــزاود نـحــــازه
بـأسـبـاب ليـلى قيـس زار الـمـقـابـر *** هـام وطـنـا وشـالـوه ربـعـه جنـازه

* وقال عبد الله بن دهيمش بن عبار من شعر الوجد هذه الأبيات : 58

يـا داعـج العــينـيـن يـا مـورد الـخـد *** فيك الجمال اللي ضميري عجب به
لـيـه الـجفاء والصد يـا معـرّب الجـد *** جافيـتـني عـقـب الـغـلا والـمـحـبـه
صـديـت لـكـن مـا يـعـزيـنـي الـصــد *** أنـت الـذي قـلـب المعـنى لـعـب بــه
حاسب ضميرك لا تجاوز عـن الحـد *** وطـف السعـيـر الـلي بـقـلبي تشبـه
قلبي معـك يا زيـن مـن مهجتي شـد *** يتبع هـواك مـن أيـن ما جـاء مهبـه
خـذيـت قــلـبـي يـا عـشيـري ولا رد *** أنشـدك بـالـلـه ويـن يـوجـد مـطـبـه
الـلـه حسيبالولـف والوجـد والـود *** يا مـا جـرعـت الـمـر بأسباب غـبـه
لـولا كـلام الـنـاس لا أبـوح بـالـسـد *** والـلـي فـتـنـي كـود بـاسـمـه أنـبــه
يـا صـاحـبي خـليـت حـالي تـقـل قـد *** أعطف على اللي بالهوى شلت لبـه
أرجـوك رجـوا الناس لليـوم والغــد ** ومـن لامـنـي يـجـزاه بـالـعـوق ربـه

* وقال عبد الله بن دهيمش بن عبار هذه القصيدة بالوجد : 59

وجـهـت مـنـظـوم القـوافي لـشـاهـه *** لـعـلـهـا تـنـشـر جـوابـي بـشـيحـان
أقـدى جـوابـي عن كـلام الـتـفـاهــه *** بالصّدق مـاقـولـي تـمـلـق وبهـتـان
قصـدي عسى قـيلي يثـيـر أنـتبـاهـه *** ويقـرا الكلام اللي بـه رموز نيشان
لي شف عنـد أهل الفخر والوجاهـه *** اللي إلـى ركبـوا على الخيل فرسان
شفت الغـزال الـلي مثـل ظبي لا هـه *** فـي ديـرة الزرقـاء مغـاريب عمـان
الـجـادل الـلي حـط بـالـقـلـب عـاهـه *** من شاف حالي قـال عـزاه مرضان
غـديـت مـثـل الـلـي بـدور النـقـاهـه *** جسمـه عـليـل وناحـلٍ تـقـل عيـدان
أضحك مع أصحاب النكت والفكاهة *** وأخفي لواعج مهجتي قـدر الإمكان
الـحـب يـرمـي صـاحـبـه بـالمـتاهـه *** قـبلي شكـاه الشيخ نمـر بن عـدوان
وقيس الملوح ساح وأهمـل شياهـه *** بأسبـاب ليلى جـاه مس مـن الجـان
قـلبي غـدا مـا عـاد يسـمـع دواهــه *** ولا فـاد نـصـح فـلان وفـلان وفـلان
مـتى يفيـق القـلب عـقـب أنشـداهـه *** وينسى هـوى الـلي للمخاليق فـتـان
زيـن الحـلايـا الـلي قـليلـه أشبـاهـه *** خلي مثل صوغ الذهب غال الأثمان
لو أيحصل بالجـاه لا أجـيـب جـاهـه *** وأنصا وليه فـي هـل القـدر والشان
الـلي جـمع عـفـه وصـدق ونـزاهـه *** عـلى الـكـرامـة مـا تـهـاون ولا لان
مـا خـادنـوه أهـل الـردا والسفـاهـه *** ولا عـاشـروه مـن الهلابـيج رديـان
يا سعـد من حاشه عـلى شـرع طـه *** في سنـة الـرحـمن يعـقـد لـه أقـران

يتبع

تابع

* وقال عبد الله بن دهيمش بن عبار هذه الأبيات في الوجد : 60

يــقــول الــوايــلــي بــأول بــــدايــه *** طــواه الــوجـد بـالـشـعـر أيـتـغـنـى
حـنـيـن الـشـوق لأجـلـك يـا مـنـايــه *** هـواك الـقـلـب غـيـرك مـا تــمـنــى
عـديـل الـروح لا تـطـيـع الـوشـايــه *** تـرى الحـاسـد يـبـي يـبعــدك عــنـا
تـرى الـهـجـران يـا خـلـي جـنـايــــه *** علامك يـا الغـضي وش جـاك مـنـا
تـكـدر خـاطـري وأظـلـم ســمـايـــــه *** وأنـا الـمـفـتـون فـي حـبـك مـعـنـى
أحـبـك صـدق مـا قـصـدي دعــايــــه *** تـرفــق يـا عــشـيــري لا تـجــنـى
كـفـايــه مـنـك تـعـذيــبـي كـفـايــــــه *** كـفـى مسـمـوح لـو سهـمـك طعـنـا
تـنـام الـلـيـل وأبـقــى فــي عــنـايـــه *** سعـيــد الـحـظ مـن هـو بـك تـهـنــا
أنـا بـغـلـيـك وأجـهــر فـي غـلايـــــه *** عـلى عـهـدك مـثـل مـا كـنـت كـنــا
هويتـك يـا الغـضي وأعـلـن هـوايــه *** صـبـغ حـبـك بـقـلـبـي نـقـش حـنــا
هـويتـك يـا الـغــضـي بـأول صبـايـه *** عـسى فـرصـت لـقـاكـم لـي تـسـنى
طـبـيـب الـقـلـب قـربــك هـو دوايـــه *** أجــل بــعــلاج خــلــك لا تـــونــــى
خـف مـن الـلـه لا تـكـسـب خـطـايــه *** تـرى يـا صـاحـبـي حـبــك شـطــنـا
تـرى بـحـر الـهـوى مـالــه نـهــايــه *** ولــو خـضــنـا أمـواجـه يـغـرقــنــا

* وقال عبدالله بن دهيمش بن عبار هذه الأبيات بالوجد : 61

يا مـل قـلبٍ طـواه الوجـد وأشقـاني *** عـلى عشيره يهيـم وضايـق جـولـه
يا نـاس قـلب العنـا بالحـب هيـماني *** مهـما يطول المدى ما يترك السوله
بـلـهـون يـا عـاذلـي لـيـاك تـنهـانـي *** دعني على حالتي والنصح وشولـه
قـلبي تولع لهرج النصح ما أيـدانـي *** مايسمع اللي بعالي الصوت نادوله
أسبـاب مـن شـال معلوقي وخـلانـي *** خلي هجـرني وطاوع قـول عاذولـه
يا ليت خلي مـن عقـب جدي الدانـي *** لو ما قدرت أوصله يلوح لي زولـه
قريـب مـن لابتي بـالأصـل فـدعـاني *** كل ما بغيت أشبحه مريت من حوله
أرسلت لـه جـابتي والـرد مـا جـاني *** وأنـا أتحـرى يجـيني رد مـرسـولـه
الصاحب اللي هجر والحب سلطاني *** الحـب دولـه وكيـف نخالـف الدولـه
الصاحب اللي عنيت وجيت له عاني *** ما طاب لي كيف كان الزين ما نوله
قلبي طـواه الظمـأ لاشك ما أسقانـي *** تـراي فـي ذمـتـه يـا نـاس قولـولـه
وأن كان عـده هماج وخضه الساني *** العـد ما نورده كان أن كثـر ضولـه

* وقال عبد الله بن دهيمش بن عبار هذه القصيدة في الوجد : 62

ذاب مـعـلـوقـي مـثـل ذوب الجـلـيــد *** والضلوع اللي على الخافق محاني
والـضـمـايـر كـن يـضـرم بـه وقـيــد *** سـاهـر بـاللـيـل نـومـي مـا هـنانـي
جرح قلبي يـا الغضي ينـزف صديـد *** مثل جرح السيل في جرف الدجاني
مـن أسبـاب الـلي نـزح عـني بعــيـد *** صاحبي ما أنساه لـو طال الزمانـي
وعـذابـي مـن هـاك الظبـي الـفـريـد *** وعـذابـي كـان هـو غـاب ونـسـانـي
الوديـد الـلي أنـتـوى هـجـر الـوديـد *** لـو هجـرني دوم طـيفـه مـا عـدانـي
يـا عـديـل الـروح لـو قـلـبـي حـديــد *** مـن تـبـاريح الهـوى يـمـديـه لانـي
تـومي بـقـلبي كـمـا أومـاي الجـريـد *** والهـوى بـلـوى بـه المـولى بلانـي
لا تحسـب إنـي عـقـب بعــدك سعـيـد *** لـيـت تـدري بـالغـرام الـلي دهـانـي
انـتـظـر مـن صـوبكم يوصـل بـريــد *** وأتـحــرى بـالـدقــايــق والـثـوانــي
صاحبي هـو راس مـالي والـرصـيـد *** هـو شفات القلب من قاصي ودانـي
أنـتـظــر لــقـيــاه كـنـه يــوم عـــيــد *** خـافـقـي مـا حـب غـيـره مودمانـي
صـاحـبـي لـولاه مـا قـلـت الـقـصـيـد *** كـل مـا شـفــتـه تـغـزل بـه لسـانـي
منظـره يـلبـق عـلى الـثـوب الجـديـد *** والعـيـون السـود بسهومـه رمانـي

* وقال عبد الله بن دهيمش بن عبار هذه الأبيات من شعر الوجد : 63

مـلـكـت الـقـلـب يـا عـذب المـهـاجـي *** دخـيـلــك لا تـعـــذبـنــي دخــيــلــك
أنــا وجـدي مــثــل وجــد الخـفـاجـي *** غـلاك بـمـهـجـتي سـبـّب غـلـيـلـك
سـطى رمـحـك عـلـى قـلـبـي مفـاجـي *** ألا يـا قـلـبـي أصـبـر عــزتـي لــك
عـشـيـري داونــي عــنــدك عـلاجـي *** أغـثـنـي بـالـدواء وأشـكـر جميلـك
أبــوح بــقــصـتي مــا هــي مـنـاجـي *** كـشـفـت الـسـد كـانـه يـنـبـدي لـك
لـجـأ حـبـك بـوسـط الـجـوف لاجـــي *** خـذيـت القـلب غيـره وش بقي لـك
تـقـبّـل يـا الـغـضي رفـع أحـتجـاجـي *** عـذابي منك وأنت الـلي أشتكي لـك
عـلـيـك أرسـل رسـول بـخـط زاجــي *** نويـت بنـاصع الـطـرس أحـكي لـك
مـزاجـك بـالـهـوى طـابـق مـزاجـــي *** ضميـري شـام لـك مـن بـد جـيـلـك
عـلى نـور الأمـل يـضـوي سـراجــي *** عـديـل الـروح لا تـعــذب خـلـيـلـك
تـرى قـربـك سـروري وابـتـهـاجـــي *** بـذلـت الـجـهـد كـلـه فـي سـبـيـلـك
تــرانــي مـنـتـظـــر لازلــت راجــــي *** حفـظت الـعـهـد وأنـت الـله وكيلـك

* وقال عبدالله بن دهيمش بن عبار هذه القصيدة في الوجد : 64

مـل قـلـبٍ فـي خليـج الـحـب عـايــم *** غارسٍ مـرساه بـالجـرف الهيـالـي
عـزتـي لـي خاطـري بالوجـد هـايـم *** مـن تبـاريح الهـوى عـزي لحـالـي
مـن سبايب صـاحبي حلـو الرسايـم *** الـجـمـيـل الـلـي فـتـنـي بـالجـمالـي
مـن لمحتـه شب فـي قـلبي ضـرايـم *** نـار حبـه زاد بـالجـوف أشـتعـالـي
كـثـرت التعـذيـب بـه ظـلـم وجـرايـم *** يا الوديـد أشقيتني وأشغلـت بـالـي
تجـرح المجروح وجـروحـه قـدايـم *** من عـذابـك قـل صبـري واحتمالـي
وش تـريـد بـعــابـدٍ لـلـرب صـايــم *** تـفـتـنـه بـالحـب بـالعـشـر التـوالـي
الهـجـر والصـد لـه رمـز وعـلايـــم *** عـزتي لـي كـان قـلبـه مـا صفـالـي
ضامـر السرجوف مدموج القـوايـم *** لـو بغيـت أنسـاه مانـي عـنه سالـي
عيـن ريـم ربعـت بـأرض الصرايــم *** قـادت القطعـان وخشوف الغـزالـي
زولهـا الصفـاف أو غصـن البشايـم *** وأن تهـزع مـن هـبـوب الهـملالـي
قــذلـتـه يـلـعــبـهـا ريـح الـنـسـايــم *** والـجـدايـل مـثـل طـيـات الـحـبـالـي
والـجـبـيـن مـزيـنـه دق الـوشـايـــم *** والأحجـة كنهــن وصـف الـهـلالـي
والـثـنـايـا كـنـهـن عـقـد الـنـظـايـــم *** والـشـفـايـا مـثـل نـوار الـمـفـالـــي
وهـنـي مـن قـابـل الـمـجـمـول دايـم *** لـو تقـول الناس فـي حبـه مصالـي
وهـنـي الـلـي لـمـحـبــوبـه يـلايــــم *** يلتقـي بـالـزيـن فـي يـوم احتفـالـي
يـدعـي الأصحـاب ويـوزع قسايــــم *** ويجـمـع الادنيـن والربـع الغـوالـي
لـو حصل لي صاحبي لأعمـل ولايـم *** أدفع المطلوب وأرخص كـل مالـي
لـو يكـون أبعــد مـن نجـوم النعـايـم *** طيـفـه المحبـوب ما فـارق خيـالـي
والأمـانـي مـا بـهـا فــود وغــنـايــم *** ولا لنـا حيـلـه بـتصـريـف الليـالـي

* وقال عبدالله بن دهيمش بن عبار بالوجد : 65

يا سعـود يـا مشكاي جـتـني رسالـه *** من محتواها عنـدي الفكـر مشغـول
عـلـمٍ لـفـانـي مـا قـويـت أحـتـمـالـه *** ما لي جـدا إلا قـول لا حول لا حـول
مـن شـاف حـالي قال مشـدوه بـالـه *** غـديـت كـني فـاقـد العــقـل مـذهـول
ورد الـربـيـع الـلـي بـقـفـر الحيـالـه *** أمسى بطـراه وصبّح الصبح مأكول
وعـذب القـراح أصبح توالي حثالـه *** من عقب ما هوصافي النبع شهلول
والـبـارق الـلي كـنـت أطـالع خـيالـه *** ورياض قـلبي صايره جرد ومحول
يــوم أرتــدم غـيـمـه وظـلـل ظلالــه *** أمطر عـلي غيثه صواعـق وحالول
كنت أحتري يـروي ضميـري بلالــه *** لاشك مـا جاني مـن القطـر هملـول
عــزاه مـا قـلـبـي عـن الـزيـن دالـه *** يبي الوليف اللي من البيض مجمول
الـلـي سحـر قـلبي بـزاهـي جـمـالــه *** زين الحلايـا من العماهيج غـرمول
مـا ظـنـتي يـرغـب ضـميـري بـدالـه *** عـنـدي عـلـى حـبـه ثـمـانيـن دالـول
قـلبي تـولـع والـغـضي مـا هـيـالــه *** ضاع الأمل مـا عاد بالوصل مأمول
هافي الحشى يا حيـف شدت رحالـه *** كيف الوسيلة عـزتي لي وش أقـول
لـو مـا تـنحى مـا نـويـت اعـتــزالـه *** مـار أتـباع المنـتحـي غـيـر معـقـول
وجدي على اللي صار عـني وصاله *** بعـد المنامـة عـن مـديـنة أسطنبول
حـب الـعـذارى قـيـس زاود هـبـالــه *** ساح بسبب ليلى مع الجـن والغـول
يــدوج بـالـبـيــداء خـلاوي لحــالــه *** فـي ديـرة التـوبـاد مـا يشبح الـزول
سـمـي خـلـي كـل شـاطــر يــنـالــــه *** والـلي ينـالـه ويـن مـا راح مكفـول
فـي قـدرة الـمـولـى عـزيـز الجلالــه *** من يدركه في رحمة الرب مشمول
فـيـه الـرجـل يـكـرم نـوادر عــيـالــه *** لاشـك من لا يـدركـه بـات مخـذول
مـن حصـلـه يفـخـر ويـكـثـر حـلالــه *** به يشتهر بالناس من كان مجهول

* وقال عبد الله بن دهيمش بن عبار في الوجد : 66

أهـيـم وأشـكـي لـلأديــب الـمـكـنـىّ *** اشكي على اللي يفتهم مقصدي مـن
من الغرو اللي شيّب ضمير المعنّى *** عنده سحر هـاروت بـه قـلبي أفتـن
زيـن الـحـلايــا فـي جـمـالــه فــتـنـا *** جـل الكريم الـلي خلـق صورتـه فـن
أعــطــاه خــلاق الــمـلأ مـا تــمـنــا *** خصر وثمان وجيد وعيـون ووجـن
والـزول عـود الحــور غصنه تـثـنـا *** وجدايـلـه ريـح الشمطري بهـن بـن
والصـدر بـالـشبـراق كـنـه مـحــنـــا *** وتـرايـبـه مـثـل الـرمـاميـن يــزمـن
مـن شـاف حسنه والحـلا بـه تـغــنـا *** يجهل لـو أنـه منتحي عـود وأمسن
لـولا تـقـول الـنـاس أخـطـأ وتـجــنـا *** لا قـول مـا مثلـه مع الأنس والجـن
أبـعـد عـقـب مـا كـان بـالـقـرب مـنـا *** واليوم خـلي صـار شوفـه بهـا مـن
الـيـوم فـرصـة شـوفـتـه مـا تـســنـا *** يحـول مـن دونـه عـراقيل وأشطـن
أبـعـد نـواحـي مـوطـنـه عـن وطـنـا *** وعـليـه قـلبي يـابـس يبسـت الشـن
مـدري مـتى بشـوف الحبيـب أتـهنـا *** عســاه يـشفــق لـلـمـتـيـّم إلــى ون
وأن كان ملهـوف الحشى صـد عنـا *** طـاوع لعـذال العـرب وأخلـف الظـن
وخـونـت الـلـي بـالـغـرام أمــتحــنـا *** كـل ما نويت أنساه لـه خاطري حـن
مـدري عـلام البيـض مـا يـرحـمـنـا *** يقضن على العشاق في ضكت السن
وأن سلهمـن بـرمـوشهـن يـذبـحـنـا *** حنـا نـتعـذب بالهـوى والسبـب هـن
وجـد الـهـوى قـتـال مـن قـبـل كـنــا *** مجنون ليلى من الهوى مات وأدفن

* وقال عبدالله بن دهيمش بن عبار أيضاً : 67

اشكي عـليـك الحـال يـا أبـو محـمـد *** وأنـت الـذي تـفهـم جميع المقاصيـد
يـا أبـو محمـد عـنـدي الجسـم همّـد *** والقـلـب هـام مـن العنـا والتـواجـيـد
سبـايـب الـلـي فـي عـذابـي تـعــمـّد *** بـاق العهـد وأخلف جميع المواعيـد
وأصبح قـرار الحـب عـنـده مجـمـّد *** صـد وهجـر وأفرح علينا الحواسيـد
ولا زال سيـفـه فـي ضميري مغمـّد *** من طعنته لا حدي ولا أبدي ولا حيد
يـا لـيـت لـو خـلي لجـرحـي يضمـّد *** ولا سـواه مـن الـمـداويـن مــا أريــد
أحـرق ضميري بالهـوى لين سمـّد *** ولـع بـجـوفـي والضـمـايـر مـواقـيـد
كـم عاشق مـن النـوح جفنـه ترمـّد *** مسحـور بـالهنـدام والعـيـن والجـيـد
هـذا وأنـا أشـكـر خـالـقـي وتـحـمـّد *** ربي عـسى يرجع هـوا البـال ويعيـد
والعمـر مهما طـال مـا هـو مصمّـد *** يا ليـت حـظي يـدركـه قـبـل مـا بـيـد

وهذه ابيات مقطع من قصيدة : 68

وجدي على اللي جيبها ينفح الطيب *** الجـادل الـخـود الـفـتـاة الـوسيمـة
الجـادل المجمـول بـيض الـتـلابـيـب *** هيف الخواصر والمناكب ضخيمة
خـدلجـه مـن نـاعـمـات الـرعـابـيـب *** نجـل العيون وعنقهـا عنـق ريمـة
سردا شناح تصوب القـلب تصويـب *** وتنقض معاطيب الجروح القديمه
الزول عـود الحـور بيـن الجراجيـب *** عـدل الـقـوام وقـامتـه مستقـيـمـه
فيهـا الجمال الـلي اوصافه تعاجيـب *** بالحسن تصلـح للعـذارى زعـيمـة
مـا مثـلهـا مـع لابـسـات الـجـلابـيـب *** شمّى عـفيفـة والمنـاسب كـريمـة
حـديـثهـا يـفـتـن عقـول النواصيــب *** دلـت تـهـنـف بالحساس الرخيمـة
شبـت بـقـلبي حـامـيـات اللـواهـيـب *** وش حيلتي ياهل القلوب الرحيمة

* قال عبدالله بن دهيمش بن عـبار هـذه القصيدة في الوجـد : 69

سر يا قـلم سطر عـلى البوك تسطير *** خــط بسـواد الـزاج بـيض الـوراقي
فـاض القريـض وعبّـر الفكـر تعبيـر *** هاضت شجون البال والصدر ضاقي
وباحـت كوامـن خـاطـري بالتفـاكيـر *** والـقـلـب هـايـم بـالـروابـع وشـاقـي
والجوف شبت به سوات المساعـيـر *** تحــرق معـاليـق الضمايـر حـراقـي
الـوجـد تشكيـه الـرجـال المـنـاعـيـر *** لـولا الحـيا لا أصيح وأنخـا رفـاقـي
وأسند على اللي يفهمون الفـوازيـر *** الـلـي مـداركـهـم وسـاع الــنـطـاقـي
قـلب العـنـا ما طاع شاير ولا مشيـر *** يا لـيـت لـو قـلبـي عـن الغـي فـاقـي
وجـدي على اللي حال دونه محاذيـر *** وجـدي عـليـه ولهـفـتي وأشتياقـي
فـر وخفـق لـه خافقـي خفقـت الطيـر *** حبـه تـمكـن فـي صـميـم العـمـاقـي
رسمه تصور لـي مع الطيف تصوير *** وذكرى خـيالـه دوم بـالفـكـر بـاقـي
قـربـه ألـذ مـن الـعـسـل بـالـقـواريـر *** وبعـده كـمـا الجنـزار مـر الـمـذاقـي
قـربـه يـنـوّر مـظـلم الـقـلـب تـنـويـر *** لاشـك بعــده هـو سـبـايـب أرهـاقـي
ليـتـه سـمـح لـي بالنظـر بس تبحيـر *** من خوف عن وصله يطول الفراقي
وأن كان صـد لـداعـي الهجـر تبريـر *** يــدرى كلام أهـل الحسـد والنفـاقـي
ضـاع الأمـل بـه مـا لقـوه المـداويـر *** وعـزي لمن عـن شف بالـه أيعاقـي
مـا عـاد لـي فـي واقـع الأمـر تدبيـر *** والصبـر لـو طال المدى لـه أقـناقـي
كيـف الـوسيلـة كـان صـدوا مـدابيـر *** مـقـفيـن والمقـفي صعيـب اللحاقـي
وش عـاد مـا نـقـدر نجيهـم مساييـر *** نــمـر ديـرتـهــم مـرور الــطـراقــي
لـو كـان قـربـه يـنشـرى بـالـدنانـيـر *** لأشـريـه لـو زاد الـمـهـر والسياقـي
عسى يجيبه موهـب الفضل والخيـر *** رب الـعــبـاد الـلـي تـكـفـل أرزاقـــي
هـو مطلبي مـن بـد هنـف الغـنـاديـر *** لـو حـسنهن مثـل الحواري أرقاقـي
سـود الجـدايـل نـاقـضات الـدعـاثيـر *** صخـاف الوسوط وناسعات العناقـي
لـون الشفـايـف لـون ورد المزاهيـر *** وخـدود خـالـط مـع حـمـاره شفاقـي
هـو مطلبي هـو غايتي بس لا غـيـر *** ولـو درت غـيـره بالعـرب كان لاقـي
هـو مطلبي مـن لابسـات الـتـنـانـيـر *** متخـيـره مـن جملـت البيـض نـاقـي
أغـليـه ولـه عـنـدي معـزه وتـقـديـر *** وفـي عـرش قلبي ناعم العود راقي
مـا سـار بـدروب الـدنس والمعاييـر *** ولا ظــن بـه ظـن الـردا كـل هـاقــي

وقال عبدالله بن دهيمش بن عبار هذه الأبيات في الوجد : 70

حاولـت أبـدد ضيقت البـال بالقـيـل *** نظمه جلا غيض القلوب الحـزينـه
اسمر وأسامر سامـر النجـم بالليـل *** والـلي تـولع ما غشى النوم عينـه
باح الكنين من الطنا والصبر عيـل *** والقـلـب مـن وجـده تبـيّـح كـنـينـه
قـلـب المـولـع ما يـطيـع العـواذيـل *** هـام وغـرام الشـوق زاود حـنينـه
عـلى ولـيـفـه قـام يـعـول تـعـاويـل *** يشـوم بالغـالي عسى الـلـه يعـينـه
شـف الضـميـر مسامـره بالتعاليـل *** يا سعـد حـظ الـلي يسامـر خـديـنـه
لـي صاحـب يحبـه القـلـب بالحـيـل *** ودي لـو تـصافـح يـمـيـني يـمـينـه
يطـري عـلي اليـا لمحـت المعاميـل *** بالمجلس الـلي بـه وقـار وسكينـه
ويطري عليه حين سوق الفناجيـل *** وأشوف لـه مـع خنـت البـن عينـه
ويطري علي اليا نفح ريحة الهيـل *** هو صاحبي يا أهـل القلب الفطينـه
هـو حضوتي مـا ابـدلـه بالتبـاديـل *** غـلاه خـلا الـقـلـب عـنـده رهـيـنـه
هـو مطلبي من لابسات الخلاخيـل *** مـن بـد سكـان الـقـرى والـمـديـنـه
مـا هـام قـلبي بالحسان الغـراميـل *** لـو عـرضت لي كـل عـفـرا حسينه
مـا أريـد غيـره لا وخـلاق جبريـل *** حـيثـه كـمـل عقلـه وخـلقـه وديـنـه
جنيت مـن لامـا عشيري محاصيل *** هـو راس مـالـي والكـنـوز الثمينـه
يسوى من لكـوك السبايـك مثاقيـل *** الجـوهـر المكنـون وسط الخـزينـه
معدن جواهـر ما يصدي اليا شيـل *** يوضع على صدور الرعابيب زينه
رصيدي وكنزي عـريب الأخاويـل *** الـلي شبكـتـه بـالـعـقـود الـمـتـيـنـه
مجناه من صيـد الرجال المشاكيل *** مـن ساس لابـه يحتمون الضعينـه
عسى المزون الـلي تهـل الهماليـل *** دار الغـضي تسقي نفـوده وطـينـه
اطلب يا عـل ديـارهم يدهجه سيـل *** وتـزهـر خمايـل تـلعـتـه مع بطينـه

من شعر عبدالله بن دهيمش بن عبّار هذه الأبيات : 71

لا نويت أكتب قصايـد لـي أنـقـادن *** القـريـحـة بالطلـب مـا تـفشلني
أنـظـم بيوتن أفكاري بـهـن جـادن *** عنـد من يقـرأ القوافي اتجملني
لا دلهت هجوس الأفكار لي نـادن *** الـروابـع والهـواجيس تشغـلني
الأمـانـي والـتــواجـيـد مـا فــادن *** لـو صبرت ظروف الأيام تبحلني
من يشد اوتار الأعصاب لـو بادن *** كـان قـيـدنـي زمـانـي وكـبـّلـنـي
الزمن ما اظـن يعـفي ولا ايهادن *** نـوب يرضيني ونوبات يزعـلـني
ليت عندي طايـره مثـل أبـن لادن *** لا نويت بظـرف ساعة توصلني
أبي أزور اللي أشواقي له أزدادن *** مـنوتي لـو كـان دايـم مقـابـلـني
كـان لحظـات السعادة لـنـا عـادن *** هـمسه بغـلس الـديـاجي يعـللني
يا شبيه الـلي تلفّت عـلى الشادن *** لوسمحت أقر الرسايل وراسلني
عادتي ما أنكـر صحيبي ولا خادن *** من يـبـور بـواجـبي وايتجاهـلني
الحـرار الـلي يصيدن ولا يصادن *** شبكهن ضمن الغـرانيق هـولـني
دام شـمـاخ الشواهيـق مـا مـادن *** عـن لـواهـيـب السمـايـم أتظللني