هجينيه // الشاعر محمد معتق اليمني العنزي - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

06-29-2021, 07:31 PM

النوم ماهو لنا يا حسين
للي رصيده ملاييني
ولا اللي مثلي سقى بالدين
اليا انجضع ماكسب شيني
نركض ورا الالف والافين
ونعيش عيشة سلاطيني
نكرم ونعطي مع المعطين
نبغى الستر والستر زيني
لا جوني اللي لنا عانين
ارخصت ما تملك يديني
ولا اعتذر كان عندي شين
ولو اكذب الرب يوحيني
يابو فهد ماذخر لبعدين
وانا اعرف الموت قافيني
ياحسين نتعب لاجل ثنتين
حنا عليها معييني
المرجله مع حقوق الدين
منهج رجال شريفيني
حنا على دربهم ماشين
من شالهم ما يخليني
اعرف ماحنا بها باقين
نرحل وعنها مقفيني
لكن عساها فرح ياحسين
نهار نصب الموازيني
في ماقف ناقفه عارين
ما تنظر العين للعيني
من حرجته نرخص الغالين
غير العمل مامعي شيني

الشاعر : محمد معتق اليمني العنزي (رحمه الله)

07-01-2021, 06:21 AM

رحم الله الشاعر محمد بن معتق وأسكنه فسيح جنّاته

12-17-2021, 12:11 AM

الله يرحمه شكراً للنقل

12-17-2021, 07:20 AM

يابـو فـهـد مـاذخـر لبـعـديـن *** وانـا اعـرف المـوت قـافيني
حـنـا عـلـى دربـهـم ماشيـن *** مـن شـالـهـم مـا يـخـلـيـنــي
اعـرف مـاحـنـا بـهـا باقـيـن *** نـرحـل وعـنـهـا مـقـفـيـنــي
لـكـن عساهـا فـرح ياحسين *** نـهـار نـصـب الـمـوازيـنــي
فـي مـاقـف نـاقـفـه عاريـن *** مـا تـنـظـر الـعـيـن للعـيـني
من حرجته نرخص الغالين *** غيـر العـمل مامعـي شيـني

من تأمل بهذا المقطع من قصيدة محمد معتق رحمه الله يدرك أن المؤمن يرى بنور الله فهو قد حس بدنو الأجل 0