وفات الشاعر دعسان بن غنام البجيدي

انتقل إلى رحمة الله تعالى في مدينة بريدة الزميل الشاعر دعسان بن غنام البجيدي العنزي رحمه الله وأسكنه فسيح جنّاته وبهذا المصاب الجلل نعزي أخوانه وأنجاله وقبيلة البجايدة ونسأل الله أن يلهمهم الصّبر والسلوان وإنا لله وإنا إليه راجعون وكان الشاعر دعسان رحمه الله قد وجه لي قصائد من شعره وسوف أنشرها لتبقى للذكرى قال دعسان بن غنام العنزي هذه القصيدة يسند على عبدالله بن عبار :

عـبـدالـلـه ابـن عـبـار فـي كـل تعبـيـر *** يـافي الـيـا شحـت ايديـن الشحايح
عـزالـلـه انـه مـايـجي مـنـه تـقصيـر *** وعـزالله انـه مـن اوجـيهـن فـلايح
مـعـروف قـدره مـن كـبـار الشواعيـر *** يكفيك هـرجه عـن جميـع الشرايح
قـولـه تـمـام ويـعـطي الـراي ويشيـر *** يـانـاحـت الـورقى عـلى كـل نـايـح
مـن سـاس لابـه مـاتهـاب المخاسيـر *** الـلابـّه الـلـي تـسـتـحـق الـمـدايــح
يـوم السنيـن الـقـاسيـه والـمعـاسيـر *** للضيـف تـذبـح مـن خـيـار المنـايـح
لـه احـتـرام ولــه مـعــزه وتــقـديـر *** رجـلاً فـهـيـم وكـل قــولـه نـصـايـح
ولا الـردي مـايكسب الطيـب والخيـر *** يـامـاعـلـى قـبـره تـحـط الـصـفايـح
والـوقـت هـذا بـه عجـاج ومعـاصيـر *** نـاسـاً عـلى الطيب تـدور الفـضايح
تركض عـلى النمات من غيـر توفيـر *** مـابــيـن وده وثـم هـــاتــه ورايــح
قال عبدالله بن عبار مجاوباً الشاعر دعسان بن غنام :
لـك الشكر يا مصخّـر القـاف تصخيـر *** قـلت الـوكـاد وكـل لفظـك صحـايـح
لـك الـشـكـر بــعــداد رش الـنـوافـيـر *** واعـداد مـا نـبـت الـسبـل بالفـلايـح
مشكـور يا دعـسان ربـي لـك ايجيـر *** عـسى الـولي يكفـيك شـر الجـوايـح
مجـنـاك مـن ريـف الـبـداه المساييـر *** الضيـف يـقـرونـه بـعــيـت الذبـايـح
تـسلـم يـا أبن غـنـام نسـل المغـاويـر *** سـلايـل الـلـي تـودع الخصم طـايـح
كـمـا تـشـوف اليـوم بالـوقـت تغـييـر *** اصبـح يــمـجـدّ كـل مسـرف ودايـح
عـيـنـت نسـل الـلي يـقـود الطـوابـير *** ماسمعوا اللي بعالي الصوت صايح
كـلـن بـدأ يـسعـى لـحـوش الـدنانـيـر *** مقـصودهـم يالقـرم كسب الـربـايـح
والـلي يـزوّر نـسـب عــنـاز تــزويـر *** وضّـحـت لـه كـانـه يـشـم الـروايـح
ولا أريد يعـمل لي مثـل شاعـر مطير *** أبـغـي كـفـايـة شـر بـعـض الوكايح
وقال دعسان بن غنام البجيدي هذه الأبيات يسند على زميله عبدالله بن دهيمش العبار :
عــــزالله انك يابن عبـــــار وافــــي & بجهدك ومجهودك على كل حـــــزه
شـربـه قـراح ومنبع المي صـــافي & ولاسمع قـول الـلي يـبي يســـتفــزه
قولـــه تمـــام ولا عليه اختــــلافي & ونـــزيـه عـن درب الخـطأ ومتنـــزه
راع النمايم كل الأوقــــات هـــافي & حكي الرخـاء كبســـه على رز مــزه
تلقـــاه فـــي وقــت الشدايــد عوافي & مسيــدن مهيــدن لأم عامر تجـــزه
ساس الردى نوره عن الطيب طافي & دخـــان غليونـــن مع اللي يمــــزه
ولا انــت في كل المواقيف تـــافــــي & حكــــــيم راي ولايبـــي من يكـــزه
وش عاد لو صارت عجاج وسوافي & والحر مايشبــــه مــــثل فـرخ وزه
الناس تـــعرف ماعليــها خـــــوافي & ومن لايعــــزك مابشـــوفه معـــزه
ومن يجــحد المعروف ماهو سنافي & مخــيول شاوين وراء البــيت غزه
قال عبدالله بن دهيمش بن عبار هذه الأبيات جواب لقصيدة الشاعر دعسان بن غنام البجيدي :
سر يا قـلـم بالطرس وأكتـب قـوافي *** رد الجـواب الـلي لـي الـقـرم كــزّه
دعسان الـلي شرواه عنـده انصافي *** يـشيـد بجهودي عـسى الـلـه يعـزّه
أشوف بعـض الناس صدوا مقـافـي *** تـفـاخـتـوا ونـفـوسـهـم مـشـمـئـزّه
مـا يـذكـرون الحـق يالـلـه اتـكـافـي *** ويـاكـثـر الـلـي يفـتـن ونـاره يـوزه
والسـفـن مـا تـرسي بـلـيـا مـرافـي *** وصرح الجبل ما كـل عاصف يهّـزه
نـعـتــز بـالـطـيّـب بـعـيـد الـهــدافـي *** ولا الـمـخـمـه مـن صـفـالـه ابـتـزه
والحاسد الـلي في ضميـره ارضافي *** خـلّـه بـجـوفـه تـلـتـهـب نـار قــزّه
والـلي عن الماجـوب نـايـم وغـافي *** عـاف المـراجـل لـو عـلـيـهـا تـلـزه
والخـل الـلي لـو تـلـتـزم لـك يجـافي *** هـذاك عــدّه مـن وراء ديـار غــزّه
والـلي ضميـره يا أبن غـنّـام هـافـي *** مـالـه قـدر لـو كـان كـشـخـه ورزه

رحم الله زميلنا الشاعر دعسان بن غنام البجيدي ولا نملك إلا على الدعاء

نتقدم لذوي الفقيد الشاعر دعسان بن غنام البجيدي كافةً بعزائنا ومواساتنا القلبية سائلين الله جل جلاله أن يتغمده بواسع رحمته ويسكنه فسيح جناته.

وإنّا لله وإنّا إليه راجعون
ولا حول ولا قوة إلا بالله العلي العظيم.