في قمة العشرين

ابيات بمناسبة انعقاد قمة العشرين
الذي تصدر ها وخطف اضوائها
سمو سيدي ولي العهد الامير محمد بن سلمان يحفظه الله .

مثل القمر للناس واضح ومكشوف = هـذا مـحـمد بـين الابـطـال هامـه

ما ياصـفه قـاف الشواعير بحـروف = والمـدح مـااظنيت يـوفـي مـقـامـه

ما كنه الا طويق يذري عن الخوف = مـلاذ مـن حـــدّه زمـانــه وظـامـه

زعيـم دوله بين الاوطـان مـعـروف = وليــا حـكــى كــلً يـثـمــن كـلامـه

خلفة هـل العوجـا ذرا كل ملهـوف = حكام نجـد اهل العـدل والامـامــه

في حنكة معزي وسلمان موصوف=وعليه من فيصـل وصـوف الـزعـامه

وكلً بخدمـة ديـن الاسلام مكلوف = والشرع دسـتـور البـلاد ونـظـامـه

ينهـى عن المنكر ويامـرً بمـعـروف = والسيف يجـلا فـي لميعـه ظلامه

دون الكرامـه والوطن ناتي اصفوف = ويـوم الـوغـا كـلً يحـذف العمـامه

واليوم فـالقمـه معـازيـب واضـيوف = كـلً لبـو ســلمـان ,,,زاد احترامـه

في قـمة العشرين كلً له ايشوف = شفنا على وجهه الجميع ابتسامه

الله يحفظه من سهم كل صـادوف =وفـالحـل والترحـال مـعــه السلامـه

محمد بن سوعان الربيّع,

صح لسانك وأحسنت في نظم هذه القصيدة الوطنية واعتزازك بمقام صاحب السمو الملكي الأمير محمد بن سلمان بن عبدالعزيز آل سعود ولي العهد نائب رئيس مجلس الوزراء وزير الدفاع حفظه الله ورعاه ونسأل الله أن يوفقه لما فيه خير البلاد والعباد

لاهنت اخوي ابو مشعل
اشكرك على حسن المتابعه وطيب الاطراء
اعليك زود استاذي الفاضل
الله يحفظك ويعزك ,,,,,,,,, تقبل خالص مودتي وتقديري