‏ سلطان ابو خالد خذا الود منا

اهداء الى جناب الشيخ سلطان بن خالد بن نوري ال مهيد يحفظه الله ويرعاه
عندما زياره سمو سيدي ولي العهد الامير محمد بن سلمان بن عبد العزيز ال سعود في منزله في مدينه عرعر ,,,,,

سلام يا خلفة عريبين الأنساب = يا النادر اللي نفتخر فيه حـنــا
حرً عديم. وماكره روس الاهضاب = حرً بحــزات الهدد. ما توّنا
اعني بها سلطان. حـزات الاوجاب = شوفه بعيد ولا بشوفه تدنا
هـاض القريح وهاجس القاف به طـاب = سلطان ابو خالد. خذا الود. منا
حفيد من فازوا بزينات. الالقاب = وأمجادهم في كل طايل اتبنا
مامن. خفا كالنار في راس مرقاب = اخوان قطنه. عزوةً للمجنا
يوم المصوت. للعشا شرع ابواب = جاته وفود الناس منا ،،، ومنا
بصيانينً يشبع. بهٰا كل دراب = ومن الفقر. والجوع كــلً يونا
الارمله واللي حليله بعد غاب = من ميرهم. تعتاش من دون منّا
مجدً تسطر للتواريخ بكتاب = وبسيوف من دم النشامى. تحنا
نفخر بهم عند القرايب والأجناب = فهودً لهم بالحرب والجود فنا
شــيوخً لهم ههيبه وقبله وترحاب = ولشوفة ابن مهيد كلن تمنا
مجدً تسطر للتواريخ بكتاب = وبسيوف من دم النشامى. تحنا
هذي حقيقه تنقل لكل مرتاب = واللي مشكك. يـاخـــذ الهـرج منّا
واليوم جدد عهدهم. طلق الاشناب= اللي قعود العرف عنده. تثنا
سلطان ابو خالد. عسى رب الأرباب = يحفظ جنابه بالزمن وايتهنا
ولاهو غريبً موقفه يا اهل الالباب = ليـثً جسر. ما فيه شـكً وظنا
على الملا ما ظمن الهرج بخطاب = وصل مطالبنا . لـقادة. وطنا
خاطب ولي العهد بسلوب جذاب = والـحـر. حـزات . الـهدد ما يكــنـا
بلــغ رسالتنا الى أميرنـا . الشاب =وجـاه الوعـد بانجـاز شيً غبنا
واحيا امل بنفوسنا عقب ماغاب = سلطان. وده يرفع الظيـم عـنــا
حس بألمنا والمواجع. والأتعاب = وتـرجـم مـعـانٰــاةً نقلناه. حنٰٰــا
ابـوه مـن قبله للامداح كساب = خالد عسى يجزاه ربي. بجٰنا
ويالله ياللي من ترجاك ما خاب = يـامـن بغيرك لا حشى ما استعنا
احفظ وطنا من خفافيش الارهاب = ياللي بفضلك غـيّـهــم مافتنا
حنا لهم كالسيف قصاص الارقاب = والسمع والطاعه لسادة وطــنا
اخوان نوره مفخرتنا والأحباب = لهـم الـــولا لهم الـوفـا دوم منا

محمد بن سـوعان الربيّع

الخميس ؛22نوفمبر 2018 ميلادي
الموافق 14 من ربيع الاول 1440 هجري

أحسنت يا أخ محمد على هذه الرائعة من الثناء بمن يستحق الثناء والمثل القديم عند البدو يقولون ( أطعن ويكفونك ربعك ) يعني افعل ويشهرون علمك ربعك والرّجل وفقه الله في حصوله على ثقة ولاة الأمر بحيث زيارة صاحب السّمو الملكي الأمير محمد بن سلمان ولي العهد نائب رئيس مجلس الوزراء وزير الدفاع لمنزل الشيخ شلطان بن مهيد فخر للشيه ولقبيلته واغتنام الشيخ فرصة وجود الحاكم وعرض معاناة القبيلة له فخر له وللقبيلة
وفق الله الجميع وشكراً لك على الأشادة بماقام به الشيخ سلطان

هلا والله ومسهلا اخوي واستاذي ابو مشعل
اشكرك على على تلك الكلمات الرائعه
لاشك الشيخ سلطان بن خالد المهيد يستحق المدح والثناء
مواقفه نبيله وطيبه وسيرته عطره رجل واضح وان شاء الله نواياه طيبه
تجاه ربعه ولابته
لاشك هذا موقف عظيم يسجل له ويضاف الى تاريخه الذي استمده عن اجداده الكرام
ال مهيد خلفة مصوت بالعشا فلا يستغرب على تلك الاسره الكريمه لانهم اهلاً لها
وانا والله يابو مشعل ارى انها واجب علي اشارك زملائي الشعراء
بما تجود به القريحه من كلمات متواضعه اتمنى انا ترقى لمستوى ذائقة الجميع
اتمنى ومن القلب ان يوفقه الى ما يحب ويرضى لخدمة دينه ووطنه ومليكه وقبيلته
ويجعل الهدف يتحقق على يديه ,,,,,,,, ابهرني يابو مشعل دعاء الصغير قبل الكبير
الحقيقه شي يبعث الامل بالنفوس التي ملت وسئمت من طول الانتظار
فلا وطن لنا سوا هذا الوطن ,,,,,, ولا ولاة امر ندين لهم بالولاء والوفاء والسمع والطاعه
الا ال سعود الكرام فهذا الشيئ متجذر بالنفوس منذ الازل وسنبقى ما حيينا
اسال الله ان يحفظ الوطن من كل سوء ومكروه
وان يوفق ولاة امر المسلمين الى ما يحب ويرضى,,,,,,,,,, اللهم امين