(( نـســـــــــــل الاكــــــــــرام ))

اهداء متواضع الى الاخ محمد بـن شامان الدبشي العنزي ابو دعيج ......مع التحيه

ســلام يانـســـل المنـاعــيـر الاكـرام = حـر ً و لٰـه .ما بيـن الاجـواد ســـيــره
قٰـرمً. مكـانــه. يـوم انا اطـريـه قــدّام = يُــومِـن غـيــره. بالصـفوف الاخــيـره
محـمد وانا اشــهـد بٰـالملازيـم مـقـدام = كالسـيف الاجـرد فالامـورر. العسٰيره
فعله. ينـومس لابـتـه طــول. بالايــام = عــون وســند للــي نخـــاه ونصــيـره
جمـايـلـه مـاتـنحــصي عبــر. الارقـام = لقـيـتـهــا. مـع كـل قــوم وعـشــيـره
بالطـيب والمعـروف لٰـه بصـمة ابهــام = غـيـثً عـلى بيــداه يـنـثـر,غــزيــره
كـلـن يـقـول ونعــم من شــتى الأقــوام = ليا جات لــه مع سـايـر الناس سيـره
ليا سـولفوا بالطيب يطـري لي اشــمام = قـــرمً ,,,فـعـولــه ,بالاوادم, كــثـيـره
عـلمـه جـذبـني يلأوم سـٰيّـرت. الاقــدام = وعـلـيـه ابـبدي غـايـتي والسـريـره
مـن بــد كــل الناس جـيـتـه والازحـــام = ابـو دعيــج ,,وما تنـصـيـت غـيــره
ومـن يـزبـن اللـي مثـل شـرواه ماايـلام = ولاخاب ,ظنـه يــوم يشـعـب بعـيره
فـيــه اتـوســم خـيـر ,,,والخـيـر بـه دام = الشــاهــد الله ,,والخــلايـق خـبـيـره
يامن سـعيت وقـمـت في وصل الارحام = للـي ابــديـره ,,والـقـرايـب ابــديـره
لـي هـقــوةً بــك ,,ياســــند كـل منظــام = افــزع بجـاهــك يا نقــي الســريــره
يابـو دعـيـج الحـظ ,,,يا مسنـدي .نــام = لاشك نـخـيـتـه واختلـف في مســيره
عـيـٰا معـي.,, يـنـقـاد حـــــزات الاولام = ابـطـا ولا جـتـني رســايـل. بشــيـره
طـاح ورمـاني في مطـامـيـن الاقــزام = ولا حــظـــى فــي خـيـّــرً نسـتـشـيره
ما قـلـتهـالك زيــف مـن نســج الاوهــام = مـن واقـعً يـكـــوي فـوادي سـعـيـره
وكــلً بـنـفــسه يا فـتــى الجــود عـــلاّم = والشــاهــد الله فــي خــفـايـا ضميـره
أوجـزتهــا لـك وانـت يالـحُـــر فـهّــــام = وعـليـك دايــم ماتـطــوف الصـغـيره
والله يـديمـك ثــم يـعــزك ,,بـالاســـلام = وعـمرك عـسى من كـل شـرً يجـيـره
وتمـت وصـلى الله عـلى خـيـر الانـاام = اللــي ومـرنــا ,,,بـالـوفــا بالبـريــره

محـمد بـن ســوعـان الربيّـع

اليـوم الخميس :
الموافق 12 ربيع الاول 1439 هجريه

الله يجزاك بالخير يا أخ محمد سوعان الربيّع أنت دائماً تختار نوادر الرجال وتسند عليهم والرجل الفاضل محمد بن شامان الدبشي من بيت عريب وعريق ونحن نفخر ونعتز بالطيّب إذا برز من ربعنا وهذا الرجل نبيل والرجل الذي يستطيع يحل أي قضية تعترض جماعته وكان له وجاهة فهو يكسب أجر وغنيمة وأنت عندك ظروف معروفه ونطلب أن الله يعينك على ظروفك ويحل العقدة التي تعاني منها كفاك الله كل شر وحماك من كل مكروه

هلا والله ومسهلا اخوي واستاذي الفاضل عبدالله بن عبار
اشكرك بابو مشعل على حسن المتابعه وطيب الاطراء
اسال الله لي ولك ولجميع المسلمين ان يفرجها على الجميع
فلابد ,,,, ما تفرج
والحمدلله على كل قدر وكتب وشاء
تحياتي لك .........
لاهنت ....... طال عمرك .