بعض ألعقول ألناقصه ما أشغلتنا .....
و لا علينا من شوارب فضاله
نصبر على ألغلطات من مجهلتنا.....
و بطيبين ألربع نكسب جماله
وعلومك ألي يا أبيض ألوجه جتنا.....
عليك ردينا ألجواب برساله
أسيوفكم يا ألصيرمي ما حمتنا.....
و جملكم مليحان حمله ما شاله
وأبلك كثيره باالبن ما غبقتنا.....
و أبوك ما قهوى ألعرب من دلاله
نذكر يدينٍ طيبه لا عطتنا.....
ولا ننكر أهل ألطيب وأهل ألشكاله
ولا سولفوا أهل ألفعايل سكتنا
أللي يحصل نعم لاجاء مجاله
و ذنوبنا لها نعرف ما خفتنا.....
يعلم بها ألخلاق جلً جلاله
وعند الأله حسابنا كان متنا.....
ألاه عدلٍ فوق أهل ألعداله
وبعض ألعرب نفرح ليا فارقتنا.....
وأن راح قلنا يا عسى ألخير فاله
نشوف ونسكت باألعرب ما شمتنا.....
و مخلصين و لا نحب ألنذاله
نقدر هل ألتقدير بمعاملتنا .....
ولانتبع راع ألمال من شان ماله
وأهل ألعقول ألناقصه ما أشغلتنا .....
و ألله يرزقنا عن حرامه حلاله

الأخ النويبعي قصيدة لها طعم كعادتك وضعاف العقول نقصهم عليهم وشكراً لك على هذه القصيدة

اقتباس : المشاركة الأصلية كتبت بواسطة عبدالله بن عبار [ مشاهدة المشاركة ]

الأخ النويبعي قصيدة لها طعم كعادتك وضعاف العقول نقصهم عليهم وشكراً لك على هذه القصيدة

شكرا لك على تفضلك باالمرور سلمك الله يا ابو مشعل وطول عمرك على طاعته دمتم بصحه وعافيه

روعـــه صح لسانك