صباحكم / مسائكم شعر
مصافحة أولى
للتواصل مع قلوبكم الطاهره
تعال انفضها سيره






الى مني بغيت ارضيك واتأسف لقيتك حاد .............
.............. وطبعك موده اتغير ولاقي لك طُبُوع جداد

تبي ترحل ولا تسأل وانا تذبحني الحيره................
........... أنا ادري ان الخطا مسموح للعشاق دون عناد

ولا يحتاج نتعاتب ولا يحتاج تبريره......................
.............. وذا ودك تحاسبني أنا المخطي وانا الجلاد

وعفوك عن خطاي اليوم ابعلن عن تعابيره.............
................ ولكن لا تخليني مع العُشاق دون سياد

أخاف القلب يتعثر ولا يمديك تحذيره ................
........... من الي سبب الآم وزرع في قلبك الأحقاد

ولا يدري بإني لك أسير وصعب تحريره .............
................. وكلمني يحذرني بإنه في غرامي جاد

ويتكفل بعد كسري معاك حداه تجبيره ................
............. ومن يومٍ عرفتك كان واقف للخطا صياد

زرع في قلبك الطاهر فنون الشك والغيره ...........
........... وغيرلك مسار الشوق عن عيني وبُعدك زاد

والى منه تحداني وبين فيك تأثيره......................
................ وسخر كل تفكيرك مرايا تخطي الأبعاد

وغير رقم جوالك وقال نشوف لك غيره ..............
........... ويستعرض لك الأرقام رقم حمود ورقم عناد

ولكن ما هقيت انك تبي تطبق معاييره ................
........... وقيدك في يدي عَلَّم سلاسل قسوة الأصفاد

ونا استناك في ذكراك واتمناك يا ميره................
.......... وانا الي كنت من شانك أبا سافر وأهد بلاد

إذا ودك تسامحني بعفوك دون تأخيره ...............
.................. فعجل لا تلوعني على نارٍ بلا ميعاد

تعال نغير الواقع تعال نفضها سيره...................
.................. تعال ونحتفل بالعيد ونعيد مع الأعياد

ونحلم حلم يتحقق ونهجر هذي الديره ................
.............. ونبعد عن عيون الناس نتخفى ونبقى بعاد


ناجي الصقار


.

ولا يحتاج نتعاتب ولا يحتاج تبريره......................
.............. وذا ودك تحاسبني أنا المخطي وانا الجلاد

سلمت أخوي ناجي الصقار العنزي،،،

والله يعطيك العافية ،،،

اقتباس : المشاركة الأصلية كتبت بواسطة عبدالله الموسى الخرشاوي [ مشاهدة المشاركة ]

ولا يحتاج نتعاتب ولا يحتاج تبريره...................... .............. وذا ودك تحاسبني أنا المخطي وانا الجلاد سلمت أخوي ناجي الصقار العنزي،،، والله يعطيك العافية ،،،

عبدالله الموسى الخرشاوي
مرورك أثلج صدري
دمت بود