عزي للي طاح عن حيله **ماينفعـه مـال وعيـاله
لو قال مايـسمع لقيـله ** واليابغا الشـيء ماناله

يبكي على دوره وجيـله ** نوب يتصور له اقبالـه
يشكي الزمن ماهو راضيله** دنيــا دنيـه وميالـه
العـود مانــام في ليله ** سـهران متعومسه حاله
ينـعى لـه ادوار ماضيله**في صحصح الـبر منزاله
يـوم يتذكر منــازيله ** شيخً علـى نفسه الحاله
كم وادي ًخاض في سيله ** واليـوم متكـدرً بالـه
مع الكبـر شايفً ميـله** الباب مقـفول بأقـفاله
وبالشوف مايفرق الزيله **مع الهـــرم الخرف طاله
يشـطح كلامه بتحويله ** ولايعترف بالخـطاء قـاله
والعـود خربت محاحيله ** الخيـل جتكم يـورالـه
ويقول طاح الجمل شيله ** وجونا عـشر قـوم خياله
ويسئل عن البيت في كيله ** هـم جابو اللبـن ودلاله
ويـدور الضـيف يوميله** الحـال للعـود يرثـاله
والشيخ هم جم مراسيـله** عسى أنتهى مـطلب القاله
ويبي عن الـدار تبديـله ** بكره علـى الزمل رحاله

شكراً للأخ نهير بن رخيص ولقد تعوّذ الرسول صلى الله عليه وسلّم من أرذل العمر رحم الله الشيخ الفارس العقيد فريح بن حمرون من شيوخ الفضيل من الجعافرة قال يشكي من الهرم والمرض ويتذكر أيام صباه فيقول :
البارحـة بالليل نومي عـلى الكـوع *** بس أقـتلب عـدي عـلى جمـر ملـه
من خلقت الدنيا بها نزول واطلوع *** وأتـر المرض يا ناس للعـود عـلـه
أنا بلاي اللي يخلي الصعـب طـوع *** وأكــبــر بـلايــه واحــدٍ مـردفــلــه
من بعد ماني مقدم لغوش وجموع *** ما عـاد أفـوت البيت يالربع لـل لـه
لاصاح صياح الضحى يندب فزوع *** تـرادي جـوادي خـابــره عـادتـلــه
أفكهـن وألحـق مـن الربع مقطـوع *** وأردهــن وأن بـركـن بـالأضــلـــه
وبيوتنا فـوق الشفا براس مرفـوع *** جـعــافــره جـنـابـهــم مـا تــمــلــه

ورحم الله الشيخ رشيد بن محمد النهابة المصرب فهو فارس معروف ومن شعره
عندما تقدم بالسن هذه الأبيات يتوجد على ماضي عصره فيقول :
يا ربعنا وجدي على الشوف والحيل *** وأنا أدري اللي فات ماله رجوعي
أنـا إلـى شـانـت وجـيـه الـرجـاجـيـل *** وتناطحـوا بالـلي يقـص الـدروعي
يفـرح بـي الماخـوذ يـوم المصاويـل *** يرجي نياقـه لـو وراهـن جمـوعي
وأن صيّح الصايح وقالوا هـل الخيل *** أفـزع على بنت الحصان الرثوعي
وبيتي بوسط النزل أبين مـن سهيـل *** يفـرح بـه اللي لا لفـا عقب جوعي

وأهـل الرمك والجيش تأتي محاويل *** كـلن نشـد ويـن الجهـامـة تزوعـي

شكراً أبو مشعل على المرور الذي سرني وشرفني واوراد الأبيات للشيخ الفارس العقيد فريح بن حمرون من شيوخ الفضيل من الجعافرة وكذلك الشيخ رشيد بن محمد النهابة المصرب رحمهما الله رحمة واسعه وهوءلاء رمز من ماضينا الذي نفتخر ونعتز بذكرهم أمام القبايل 0

نسأل الله خالق كل شيء ومليكه أن لا يردنا إلى أرذل العمر وأن يبارك بأقوالنا ويحسن لنا خواتيم أعمالنا سبحانه ..

الأخ الفاضل الشاعر نهير صح الله لسانك على هذه القصيدة المعبّرة، وصح الله لسان أديبنا العزيز أبو مشعل على إيراد هذه القصائد التاريخية لأبطال أفذاذ لن يجود علينا الزمان بمثلهم ..


ولكم أيها الأحبة كل التقدير ووافر المحبة والإعتزاز ..

الشاعر نهير بن رخيص،،

بيض الله وجهك ،،

وصح الله لسانك ،،

فما ذكرته وصف من شاعر أبدع في المشاعر ،،،

تقديري لشخصك العزيز ،،،