يا الله يامعبود يا جزل الإحسان...
ياغافر الزلات في كل يومـــــــــــــي
نطلبك عفوك ياكريم ٍ وغفران...
عن الخطا ومن كل شخص ظلومـــــــي
إنك تعز الدين وحماة الأوطان...
آل السعود مثبتين الرسومــــــــــي
من المؤلف قال زور ٍ وبهتان...
بينت جاهل ما تعرف السلومـــــــي
ماهمنا لو قال من الناس عدوان...
ندوس خشمه دوس تحت القدومي
حنا هل العادات في كل ميدان..
وحنا خصام الضد في وقت الهجومي
حنا بني وايل على القوم فرسان...
عدونا النوم منه محرومــــــــــــــي
من فعلنا بالحرب كم قاسي ٍ لان...
يعاف نفسه ولبس زين الهدومـــي
نرسي كما ترسي جبال ٍ لطوفان...
والحق واضح والعدو مهزومـــــــــي
إسئل وتلقانا على كل الأزمان...
لاتصير جاهل خل قول الرخومـــي
حنا سنام المجد من دور عدنان...
تاريخ ماضي من قديم محسومي
من الحجاز لنجد لحدود عمان...
نرعى قفار ولا علينا لزومـــــــــي
من غير قصور بالقبايل وحقران...
كل ٍ على حقه شجاع ٍ جزومي
شيوخنا الهذال قادات ويلان...
مشعان هو جديع جتك العلومي
واليوم من فضل الولي كلنا إخوان...
الدين واحد بالشريعه محكومي

شعر خليف بن سعيد

أحسمنت يا فواز العطعيط وصح لسان الشاعر خليف بن سعيد

الأديب الشاعر : فخرنا أبو مشعل عبدالله بن عبار
لك الإجلال والتقدير

صح الله لسان الشاعر ولاهنت على النقل

الأخ : سعد فرحان الجفران
حفظك الله وأشكرك على إهتمامك