مساجلة بين الشاعر القدير محمد الطرقي القهيدان وزميله محمد بن دوهان:
***
محمد الطرقي القهيدان
قالـو شريـف الخالـدي شـاعـر والـلـي مثـلـه قلـيـل *** قـــلـــت ازهـــمـــوه وعــلــمــوه الـمـلـعـبــه جـيـنـالــهــا
يـالـلـي تـعـرفـه عـلـمـه قــلــه نـعـشــق المسـتـحـيـل *** والـــيـــا بــركــنـــا لـلــحــمــول الــكــايـــده نـشـتـالــهــا
محمد بـــن دوهــــان
حييت يا شوق الأصيل أللـي مـا هـاوت لـه ذليـل *** ألـلــي مـــا دوّجـــت بـالـســوق ولاشــــرت جـمـالـهـا
وحـنـا نـطـب الملعـبـه يــا راعـــي الـهــرج الـجـزيـل *** ونـيـتـآك بالـعـلـم الجـمـيـل لــيــا رغــــت إجـمـالـهـا
محمد الطرقي القهيدان
يامرحبـا باللـي يـجـود الـيـا امتـنـع خـطـو البخـيـل *** ياشـوق اللـي حلـو الذهـب مـن مصنـعـه يزهالـهـا
لا جـولـك الضيـفـان يامحـمـد لـهـم جـبـت الجلـيـل *** يــوم إن بـعـض الـنـاس تبـخـل مـــا تـمــد اريـالـهـا
محمد بـــن دوهــــان
ألـفٍ هـلا يـا مرحـبـا يــا محـمـد يــا بيـطـار القـيـل *** وألـلــي مـثـلـك يـــا مـسـنـدي حـنــا نـفــرح بقبـالـهـا
وألـلـي يُـــدور الطـيـبـه يـصـبـح مـــع ربـــه عـمـيـل *** ولا يكسـب الــردى يــا كــود خبولـهـا وجهالـهـا
محمد الطرقي القهيدان
هو أنت صاير عن بني خالد على الساحه وكيل *** مـن فـوضـك تـاقـف عــن الشـعـار فـــي مدهـالـهـا
الـلــي يـبـيـع ويـشـتـري مــــا راس مــآلــه بالـقـلـيـل *** الـنــاس هـجّــت مـاتـبـي تـخـسـر بـــروس مـوالـهــا
محمد بـــن دوهــــان
يالشاعـر الـفـذ الفهـيـم مـالـي عـلـى العـالـم دلـيـل *** وجبـريـل مــا نــزل عـلـيّ مـانــي رســـول إجيـالـهـا
والظلـم مـا نقـوى عليـه ولا إحــدٍ زبــن لـنـا دخـيـل *** ولا للـفـتـى غـيــر الـثـنـا يـقـصـر طــويــل احـبـالـهـا
محمد الطرقي القهيدان
اشـكــرك يـالـدوهـان بالـفـزعـات لـــك بــــاعٍ طــويــل *** والطـيـبـات الـيــا عـرضــت تـعــزف عــلــى مـوالـهــا
اشرب مـن البـن الحمـر صافـي ولا وسطـه حثيـل *** الـلـي مـثـل شـــرواك يـشــرب مـــن بـكــار ادلالـهــا

المصدر

محمد بن دوهان


صح لسانك ولسان محمد الطرقي
طاروق كايف والله إنكم شوقتوني للمحاوره
بارك الله فيكم مبدعين ولافيكم حيله


كل عام وأنتم بخير



تحايا

صح الله السنتكم وبيض الله وجيهكم

اقتباس : المشاركة الأصلية كتبت بواسطة حمد الضوّي [ مشاهدة المشاركة ]

محمد بن دوهان صح لسانك ولسان محمد الطرقي طاروق كايف والله إنكم شوقتوني للمحاوره بارك الله فيكم مبدعين ولافيكم حيله كل عام وأنتم بخير تحايا

يا هلا ومية هلا بالأخ العزيز حمد وصح بدنك يالغالي وأبو يوسف عسى الله يطول بعمره هو أللي عز الله مابه حيله هذا شاعر أهل العرفا في هذا الزمان والسيف البتار من ألقابه كذلك ، بس ربك جملنا معه ..

وتسلم وتعيش والزين فآلك يا بنآخي ..

اقتباس : المشاركة الأصلية كتبت بواسطة سعد فرحان الجفران [ مشاهدة المشاركة ]

صح الله السنتكم وبيض الله وجيهكم

ووجهك ابيض وصح بدنك يا شوق البنت أللي ما تبي إلا إنت وعسانا ندح على عرسك عن قريب..

عساكم دايم طيبين وصح فكركم شوقتنا على قولة الاخ حمد الضوي بس شوفو كلش والعرس لاتطرونه بنوب بعدين انت با ابو عبد العزيز كل ماقال لك قلت له على عرسك انت والخال محمد الطرقي هليودعني منحاش عن لاتعرض لكم . العام الماضي شببتم لي نتف شوشه الله يسامحكم بها الايام المباركه

اقتباس : المشاركة الأصلية كتبت بواسطة متعب الفققي [ مشاهدة المشاركة ]

عساكم دايم طيبين وصح فكركم شوقتنا على قولة الاخ حمد الضوي بس شوفو كلش والعرس لاتطرونه بنوب بعدين انت با ابو عبد العزيز كل ماقال لك قلت له على عرسك انت والخال محمد الطرقي هليودعني منحاش عن لاتعرض لكم . العام الماضي شببتم لي نتف شوشه الله يسامحكم بها الايام المباركه

تبشر بالشبب طال عمرك وأللي جرى العام يا عله اليوم يجري ويا عسانا نشهد مثل ما شهدنا ، هو إنت لقيت أللي يكره طاري العرس يا أبو عبدالله عسى الله يطول بعمرك ..

وتستاهل الطيب يا طويل العمر ويا عسانا أنا وأبو يوسف وباقي بنيخيك ندح على عرسك الثالث إن شاء الله وأنا من الرواديد لعيونك ..

وإن كانك ما تبي ولا تحب المحاورة نسوي سامري وحندا وعرضه ..

أدري بك إنك ما تحب المحاورة وتقول هذولا وش علمهم يتجقمون ..

الله الله

مساجلة جزلة من جزال

اسمين اكن لهم كل احترام وتقدير وحب

الله لا يغير عليكم الا للافضل

استهوتني هالردية ولاهو قصور بالابيات الاخرى لكن بالصمييييييييم << بدون عنصرية

هو أنت صاير عن بني خالد على الساحه وكيل

من فوضك تاقف عن الشعـار فـي مدهالهـا

اللي يبيع ويشتري مـا راس مآلـه بالقليـل

الناس هجّت ماتبي تخسـر بـروس موالهـا

أهلاً بمن نرفع رؤسنا بسمعته العطرة التي سطرها وعرفها الناس عنه ..

أهلاً بك يا سعد وصح بدنك وأسأل الله أن يسعدك ويوفقك حيثما وأينما كنت ويرزقك الحسنيين ..

ويستحق أبو يوسف ويستاهل شاعر أهل العرفا كل الإعجاب والفخر بشخصه وأشعاره فهو شاعر مقتدر وجزل وكان لي الشرف كله بمجاراته وفقه الله ..

الفخور بكم

يالربع شاعر المحاوره محمد دوهان هو محمد دوهان خوينا ولاّ غيره؟

صح الله لسانكم طاروق روعه