سعادة المشرف العام شكرأ لك على المقطع

الجميل

وتقبل تحياتي

صدق الشاعرالخمشي--ان بن عبار جمع شمل عنزه وحرس نسبها وكبريائها من المتسللين الذين
حاولو العبث في اصولها وتاريخها وطمسه . تمشيا مع الاهواء والخرافات اغلبها وهم. لاسيما وان عنزه لها باع طويل با الفخر وهي التي كتب عنها القاصي والداني ولها يد في صنع الاحداث في جزيرة العرب
شكرا ابو مشاري

صح لسان الشاعر الكريم إبن الكرام الحشام معوض بن معيض الخمشي ونعم به وباللآبه أللي هو منها أهل الفعول الحميدة وأهل الرفعه والحشمه وعزيزين الجار ..

ويستحق العلمان الكريمان أبا الروس وإبن عبار كل المدح والثناء فهم أهل الأفعال التي ترفع رآس كل عنزي وبهم والله نعتز ونفتخر ..

وما قول الشاعر وفقه الله إلا القول الحق الذي يعلمه ويدركه ويشهد به كل كريم ولا يجحده إلا من كان عديم الضمير ..

فصح لسانك أخي أبو مشاري ولسان الشاعر مرةً أخرى وتقبل تشرفنا وإعتزازنا يا إبن الأكرمين بالإطلاع على هذه المفخرة ..

في مجلس الشيخ هليل بن فرحان بن خلاف الغضوري أبو جزء في تبوك كان قد عمل وليمة وحفل كبير مشكوراً لهزاع بن عايش أبا الروس ولنا وحضر الحفل عدد كبير من وجهاء وأعيان منطقة تبوك ثم دعانا مرة أخرى في مناسبة أخرى وعمل حفل آخر جمع أعيان اهل تبوك وحضر عدد من الشعراء من ضمنهم الشاعر معوّض الخمشي الذي القى القصيدة المسجلة بصوته مشكوراً وفي ذلك الحفل القيت قصيدة ومن ثم كتب قصيدة مجاراة لقصيدتي وهذه القصيدة التي قلتها اسند على هليّل بن فرحان بن خلاف الغضوري العنزي :

سر يا قلم واكتب عبـارات بخطـوط *** سجّـل صمايـلهـا وجـنـّب غـلطهـا
ابي اسنده للي يحوط الفخـر حـوط *** الغضوري روس المعـالي شبطهـا
القـرم ابـن خـلاف يستاهـل النـوط *** الـلـي يـمـيـنـه بـالمـكـارم بسطـهـا
طيـب أبـو جـزأ لـه مقاديـم وقلوط *** يتبع سلوم اهل الصخى ما شمطها
هـليـّل الـلي سـار بالمرجلـه شـوط *** يـجهـد لنظـم عـقودهـا مـا فـرطهـا
من يمدحه ما قال به هـرج مغلـوط *** ولا هو بحال اللي الحقيقه غمطها
أبـي امدحـه مـا همني كـل زربـوط *** خـطـو الـذي زلت رفـيقـه لـقـطهـا
صفر الـدلال بربعـتـه كنـهـا بطـوط *** الـلي بهـا خـمس الحوايج خلطهـا
وكـم حاشيٍ جـابـه بـدنـّاه مـربـوط *** خـلاه لـلـخـطـار بـالـقـدر يـطـهــــا
والحايل اللي صوفها تقـل ممشوط *** مـن طيب مفـلاهـا تـناقـط حمطهـا
قـلّط شحمها بيـن مندي ومضغـوط *** روس الهـرافي بالصياني قـرطهـا
واليـاعطا يعطي كـرامه ومصفـوط *** ما مقصده مـدح الرجـال ولغـطهـا
دار سكنها من المطرجعها شطـوط *** هـوج الريـاح العـاتـيه ما شفطهـا
يزهر نبات القـاع بالحـزم والسوط *** تريـف ويورق قشعها مع سبطهـا
الطيـب يا هليّـل لـه اركان وشروط *** ودنـيـاك لا تأمـن بوايـق اخططهـا
من جار وقـته مرزقه صار ناقـوط *** مـا دام هـي تعـطيك دنيـاك عـطهـا
دنيـاك هـذي بـيـن قاشط ومقـشوط *** ودولاب بـقـعـا كـم جـيـل قـشطهـا
كـم واحـدٍ خلاه وقتـه عـلى جنـوط *** وأصبح يغـص بلقمتـه مـا زرطهـا
والحر اللي ريشه منتـّف وممروط *** ما اظـن يـعطب صيدته لـو خبطهـا
الحـر لولا الريش مـا صـاد شبـوط *** بـيـض الثنـادي مخلـبه ما معـطهـا
ومن يحتزم بسمال ونكوث وخيوط *** نـكـث المحـازم تـنقطع لـو ربطهـا
وأن كان بشتك واسع الفج مشعوط *** لا تهملـه ارقـع افجوجـه وخـطهـا
الجرب في رقـط المثامل تبي مـوط *** من أجل مايعدي الصحيحه حبطها
ومن عاش بالدنيا مكيّف ومبسوط *** يـقـنع بـرزقـه والبشر مـا غـبطهـا
ما يغني المفلس تضجر ولا قـنوط *** ولا يـنفـع النـفس الشقيـه سخطهـا
والرابح الـلي منهجه دوم مضبوط *** عـن الخطـأ كـل الجـوارح ضبطهـا
لا بـد مـا يحمـل عـلى الواح بلـّوط *** بالشاش يـدرج والقـوايـم مغـطهـا

وهذه القصيده للشاعرمعوض بن معيض الخمشي مرد على الشاعرعبدالله بن عبار بعد ماسمح للشعراء ان يردون على هذه القافية الصعبه في امسيه شعرية في تبوك :

لوالحروف المبهمـه مالهـا انقـوط *** ناضع على حرف القرايض انقطهـا
الكاش دفعه كـاش والقسـط بقسوط *** وخـــير الامـور اليا تعلـت اوسطهـا
كانن قافـك يابــــن عبـار بشــــروط *** يـــدفع ثمـين الجائـزه مـن شرطهـا
ماينقبل مجلس بـه الحـق ملشـوط *** من ماعترف بحقوق غيـره لشطهـا
من ماحتمى حقه مع الناس ملهوط *** كم واحـدن تضـرس انيابـه لهــطهـا
والحر يعلا والمطامن لهـا اهبـوط *** واهـل الديـار المـــمحلـه لا تغبطهـا
اقفى الربيع ودارهم محـل وقحـوط *** والارض مـن سبـة اهلهـا قحطهـا
ماتنبت الاشجار لو سيلهـا اشطوط *** جفت وحمس عشبهـا مـع حمطهـا
اخذت مع درب الشواعير لي شوط *** وكم شاعرن راس الطويله شعطهـا
والحـر حـر ومـاكـر الحـر شابـوط *** واليا اعتلا روس العوالي شبطها
والطير الابرق موقعه فوق زربوط *** اليا ارتفـع قشـر الاغانـي نغطهـا
حتى الطيور الطايره فيهن اسقـوط *** تسقط على سقط السقيطه اسقطها
دنياك ما تغبـط على كـل مصخـوط *** تاكـل من لحم البشر من سخطها
كم واحدن يركض بلشغال مشطوط *** شطت عليه من الشطايـط اشططها
مبسوط ابو جزاء وانا منك مبسوط *** يـد الكريـم اليا تواضــــع بسطـهـا
كمن خروف الحية الضيف مربوط *** كـم حايـل ٍ عيتـا سمينـه ربطهـا
كم من قعود ٍ في صيانيه محطـوط *** ومـفـطحـات ٍ بالصيـانـي قـرطـهـا
مايجحد المعروف رجـال مـزبـوط *** والناس تعرف بالوفاء مـن نمطهـا
بعض الاوادم عنده القيـر مفـروط *** سبـايــكـه وسـط المكينـه فـرطـهـا
اليا نشدتـه عنـده العـلـم مخـلـوط *** بعض الاوادم ريحتـه مثـل ابطهـا
لا لاح لك زوله مثـل زول نعبـوط *** كحل اعيونـه باالكحـول ولعطهـا
يكحل سواد العين والدقـن مزلـوط *** لـولاه جاهـل جذلتـه مامشطـهـا
الياجلس كنه علـى قـدر مضغـوط *** والنـار اللـي تلتهـب ما وهطـهـا
يلوخ السانه باالمجالس تقـل سـوط *** يقرط عن شيل الرحايـل احططهـا
بالش وشره مابين شاحط ومشحـوط *** مافيـه قوم ٍ باقيـه ما شحطـهـا
بعض العرب عده على الدارمقروط *** ينسـى لامـن الاصابـع مصطهـا
نـفـي الكـرامه للرجـل فـعـل مغلـوط *** راع العباطه فـي عماهـا عبطها
شفت الاسد والذيب والنمر مربـوط *** علـى الثلاثـه شايخاتـن اقططهـا

والحر اللي ريشه منتـّف وممروط *** ما اظـن يـعطب صيدته لـو خبطهـا
الحـر لولا الريش مـا صـاد شبـوط *** بـيـض الثنـادي مخلـبه ما معـطهـا
ومن يحتزم بسمال ونكوث وخيوط *** نـكـث المحـازم تـنقطع لـو ربطهـا
---------------------------------------------------------------------
صح لسانك يا ابو مشعل قوه ووضوح في المعنى . كلمات مثل المفتاح ابو جلنبو تركب على كل وقت وعلى كل شخص وعلى كل الحالات الخاصه والعامه . لايوجد من يستطيع يقيم بن عبار في كل مجال

صح لسانك يا أديبنا الكريم ولسان بن معيض ..

قصائد ذات معاني قيمة وجزلة فكلها حكم وأمثال ومواعظ لكل ذي عقل ٍ منيب ..


نسأل الله السلامة من الدنيا وما فيها ونسأله خيرها وخير ما فيها ..

وكن وفقك الله برعاية الله عز وجل وحفظه أينما كنت .

صح لسانك يابومشعل ولسان معوض بن معيض على هالقصائد الرائعة

لكم كل الشكر والتقدير

مــاقصـــرت يابــو مشـــاري علــى نقلــك الرائــع لقصيـــده للمبـــدع معوض الخمشـــي وقصايـــد تطـــرب والله ... يعطيكـــم العافيـــه جميعاً

والرابح الـلي منهجه دوم مضبوط *** عـن الخطـأ كـل الجـوارح ضبطهـا
لا بـد مـا يحمـل عـلى الواح بلـّوط *** بالشاش يـدرج والقـوايـم مغـطها


صح لسااانك كلمات من ذهب .