قصيدة الشاعر عبدالمجيد بن ثاني الويط الغضوري والرد عليه - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

01-25-2021, 07:01 AM

من فضل الله سبحانه وتعالى لا يمضي يوم ألا ويتصل عشرات الرجال من قبيلة عنزة من المنصفين يشيدون بجهدي لقبيلتي في تأليف أنسابها وذكر أحسابها ومفاخرها وجمع تراثها والذود عنها والناس السن الحق وشهود الله في أرضة ولا يكاد يمضي أسبوع ألا وأتلقّى قصيدة أشادة من شخص منصف لذلك لا يهم جحود القلّة الجاحدين الذين صدّقوا الأشاعات الكاذبة والمضللّه وحسبي الله ونعم الوكيل

قال الشاعر عبدالمجيد بن ثاني الويط الغضوري هذه القصيدة يثني على عبدالله بن دهيمش بن عبار :

يـاهـاجسي عـطـنـا تـواريخ وأذكـار *** مـن جـم مـا يشبـه رسوس النثيلـه
مـوجـهـه لـلي عـلى الشعـر بـيـطـار *** عبداللـه دهيمش من خـيـار جـيلـه
مـا همنا نـقـل الحـكي يـا أبـن عـبـار *** يسـلـم جـنـابـك يـا أديـب الـقبـيـلـه
شاعـر بـني وايـل ورمـزاً لـلأشـعـار *** يـوم الشعـر مـافـيـه مـن يـرتكيلـه
دون الـقـبـيـلـه كـنّـه الـسـيـف بـتّـار *** فـي ساحـة الميـدان فـوق الكحيلـه
دونـت عـن مـجـد القبـيلـه بـالأذكـار *** وسجلت بصمه يابـو مشعل جزيله
بانسـاب وايـل ثـم بقـطـوف الأزهـار *** ذكـرت مجد أهل السيوف الصقيله
نشكر جهودك يالولي سـر واجـهـار *** ويـفـداك مـن هـو ما يجمّل حصيله
يـوم أن غـيـرك يـتعـبـه كـل مشـوار *** الحـيـص مثـلـك يـرتـكي للثـقـيـلـه
حـقـن عـلـيـنـا نذكـر حقوق الأخيـار *** ومثلـك اليـا جاء واجبه نحتمي لـه
ولا أنـت شامخ تشبـه لضلع سنجـار *** مـا حـركـت راسـه رعـود المخيله
والـلـي عـلـيـك مـزيـفـيـن بـالأخـبـار *** يـا عـلـهـم فـدوة حـمات الـدبـيـلـه
بـعـض الأوادم مـالـهـا كـيـد وهـجـار *** ضعاف البخوت مشاورين الحليله
لا يـزعجـك يا مسنـدي هـرج ثـرثـار *** الـلي عـلى الطيّـب يـدور الفشيلـه
اهل الحسد بين العـرب تشعـم الـنـار *** سـود القلـوب الـلي عـملهم رذيلـه
لابـارك الـلـه فـي قصيريـن الأشبـار *** كـم فـرّقـوا مـابـيـن خـل وخـلـيـلـه
يالله عسى اللي يظلم الناس بشهـار *** امـضـيـّـٍع عــقــلـه وتــيــه دلــيـلـه
ولا أنـت فـي كـل المـواقـيف مغـوار *** يا سعـد عـيـن الـلي يـعـدّك زمـيلـه
عن مستوى شرواك يبطون الأشرار *** يـبـي لـهـم الـفـيـن لـيـلـه ولـيـلــه
والصمت عن هرج الملاقيف ما بـار *** الـنـاس ما تنسى الردى والفضيله
والشعر حـرب يشبه لحـرب ذي قـار *** لاشـك مـثـلـك فـاز بـه بـالـنـفـيـلـه
تـذود عن عـنـاز في وقـت الأخـطـار *** مشهـود لـك لا شـب قبس الفتيلـه
ترسي كـما ترسي البواخـر بالأبحـار *** ما زعـزعـتـه امواجها المستهيله
وختـامهـا يا شبـه من بالسمـاء طـار *** حـرن مـقـرّه بالهضـاب الطـويلـه
عسـاك بالـدنيـا مـن طـوال الأعـمـار *** ومثلـك حياتـه بالـرغـد تستـويـلـه
قـلتـه وأنـا من روس ربـع لهـم كـار *** لا ثـار عـج الخيـل ستـر الجـليـلـه
ربعي ضنا سليمان كـان الـدخـن ثـار *** عـدوهـم يـوم الـلـقـاء عـزتـي لـه

قال عبدالله بن دهيمش بن عبار هذه القصيدة جواب لقصيدة الشاعر عبدالمجيد بن ثاني الويط الغضوري :

يالواتساب أقدم عـلى القـرم مسيار *** حـال العـجـل لازم جـوابـي تـشـيـلـه
عبدالمجيد الغضوري نسل الأبـرار *** مـا يجـامـل العـايـل اليـاشاف عـيلـه
حـيثـه مـن الـلي ما يهابون الأقـدار *** يـوم اللـقـاء فـوق الجـواد الأصيلـه
مـن عـزوةٍ بـربـاعـهـم بـن وابـهـار *** والنجـر يضبح بـس توحي صليلـه
سـلام للمـنعـور مـن خـاطـري حـار *** أهـديـه لـلـشـغـمـوم مـكـرم نـزيـلـه
عـبـدالمجيـد ارسل عـذيات الأشعـار *** قافه مثل قطف الـزهـر من خميلـه
كـنـه يغـرف الـقـاف مـن نـبـع فـوّار *** مـن ريهجـان القـيـل مـاهـو ثميلـه
الغضوري من صافي الشعر يخـتـار *** منصـف وينـطـق بالعـلـوم النبـيلـه
يـثـني عـلى مجهـودنـا حـر الأحـرار *** عسى فـداه أهـل الهروج الهـزيلـه
يـفـدى جـنـابـه كـل هـايـف ومـكّــار *** سـود الـفـوايـل والـفـعـايـل رزيـلـه
ويفداه اللي يقدم على العيب والعـار *** عـفـن الرجال الـلي يجيب الخجيله
يا مسندي هـاك الخبـر بالـذي صـار *** عـن الـذيـن استعـملـوا كـل حـيـلـه
الـلي يـدورون الهضيمة والأضـرار *** مـا حصلوا من فضل ربـي حصيلـه
ماني يا أبن ثاني عـلى الغبـن صبّار *** أصـمـد وراعـي الكيـد مات بغليلـه
الـحـل بـيـديـن الـمـشـايـخ والأمّــار *** مـا هـو بكيـف مـروجـيـن النقـيـلـه
الـلّـيـث أخـو نـوره كـعـم كـل غــدّار *** المقـرنـي مـن بـان ظـلمـه يـزيـلـه
الحـكـم يـردع كـل ظـالـم الـيـا جــار *** وأهـل الفسـاد أهـدافـهـم مستحيلـه
قلتـه وأنـا مـاني مـن الجـهـد ذخّـار *** جمعـت مجـد العـزوه الـلي أنتميلـه
أربع عقود اكتب عن العزوة أسطار *** أسـعى حـثـيـث وكـل راوي أجـيلـه
كـم لـيـلـةٍ مـا نـام بـالـلّـيـل سـهّـــار *** أبـحـث عـن الـلي فيـه ذكـر القبيلة
طـول المـدى مجـهـد وللمـال خسّار *** غـيـر الفخـر مالي لك الـلـه وسيلـه
ولاهـمـني من قـابـل الجـهـد بأنكـار *** ولا يـنـكـر المجهـود كـود الهبـيلـه
ما يثمنون الجهـد عـميـان الأبصـار *** مهـما عـملـت من العـمـال الجليلـه
مادام الـلي شرواك منصف وشكّـار *** ما اشكل عـلي الـلي يدور الخـذيلـه
مـادام صافيـن الضمايـر لي أنصـار *** مانـي بحـال أهـل العـقـول الضليلـه
مجهـودنـا يشهـد لـه صغـار وكـبـار *** ولا يجـحـد الا الـلي يـبـوق بعميلـه
البـوم ينغـط مـوقـعـه بأسفـل الـغـار *** والـحـر وكـره فـوق راس التـليـلـه