وإليكم قصيدة العشر المردف كما وعدتكم بها :-

عمريةٍ جيناك من قلعة النيا=جينا على عشر الركاب ارداف
جينا مع الصمان زيزا متاهه=على صيعرياتٍ صغار خفاف
شرّف رقيبتنا بما بان قدمنا=وجانا معيف ٍ هايله ماشاف
يقول قومٍ يرعب القلب كثرهم=للي يوقمهم ثلاثة الاف
وغاروا علينا يوم شافوا قلنا=وردوا حيام وصدروا عياف
جرا لنا في نقرة سنامٍ دويسه=يشبع بها ذيبٍ جراه ضعاف
نقرة سنامٍ لاسقاها وابل الحيا=ولانزفت عقب الحقوق عذاف
جانا جموع يرعب القلب كثرهم= يبغون ذبحتنا بدون خلاف
وعيا علينا الله ثم عيوا بني عمر= أهل فعول دايم تنشاف

لكن معالجنا يوم ضيقوا بنا=معالج سباعٍ عندهن علاف
ولكن وقيدة سلاحنا بايماننا=سعيرة ضوٍ وسط غابة غاف
ابا امدح علي وابن نوبان هاجد=وحمد لنا في الضيق مثل سناف
ذبح ثمانٍ قبل تبرك ركابنا=عسى تعدا عمره الاتلاف
حمد ومنصور ظفورفي اللقاء=ضياغمٍ في الهوش والاشراف
ويانعم ياولد الكبودي عامر=من بندقه ساق الحصان شظاف
والوايلي ناصر سراعٍ عثايره=
يستاهل اللي له ثمان رهاف
الجودل اللي كالقراطيس خدها=وقرونها لاجاء الجليد لحاف
وعبيد الممدوح طعان بالقنا=ماكنه بيننا الا وقاف
واخذ بجرانٍ من الربع وشطره=حرٍ بدا في عالي المشراف
حيث ان بجرانٍ لياضيقوا بنا=له بندق ماخانها الشواف
تفافيقنا تقعد عن الحد والقنا=ولهوب يقعد صامل الميقاف
واللي بقوا ماقلت في وصف فعلهم=لهم من البيضاء ذراء ولحاف
حنا نطحنا المنتفق قوم بن ثامر=ظفران ماحددوا لها محراف
ياكثرهم وانا على عشر حزّب=احمدك يامنجي من الاصداف
نطحناهم بمخبيات تنثر الدماء=وعيال عمٍ فعلهم ينشاف
وخسرناهم ميه وعشرين سابق=وتسعين رجلٍ كلهم عراف
بالخرص(بالوقم) والا ماقدرنا نعدهم=فالوقت ضيق والرياق نشاف
لكن جثايا الخيل في ملعب النضا=هشيمٍ تدربيه السيول ارداف
وياضبعةٍ بالزور عرجا برجلها=عاني لك بين الروضتين جياف
كله لعنا ضمر من جيشنا=ظهرنا منهن بالوجيه نظاف
تسعين سيفٍ علقن في حقبهن=ومصقلاتٍ مابهن غلاف
وياطارشٍ منا لاجيت بن ثامر=يلبسهم عقب الترام غداف
حنا بني عمر سلالة عامر=ربع على الكايد ماهم بخفاف
قول بلا فعلٍ يقودك على الردا=والقول عيب ان كان فيه خلاف
تمت وصلى الله على سيد الملأ=اعداد ماحج الحجيج وطاف