بيت الشرف والكرامه - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

03-07-2016, 01:27 AM

بيـت الشرف والكرامـه
------------------------------
يابيـت . يابيـت الشــرف والـكــرامـه = يالـيـتـها يـابيـت مـا اقـفـــت لـيالـيـك
اقـفٰـا معـك يـابـيت معـنى الشــهـامه = ولا عــاد تـذكــر بالمـجالس طـواريـك
ولا عٰـاد لـك مــبنى بــرأس العـدامـه = ولا عٰـاد بـه طــرشً وخـيـلً حـوالـيٰك
ولا عـاد ضـوّك يشـتعــم فـي ظـلامـه = ونجـــرً ينــادي وده الظـيف يـلــفيـك
اقـفيـت عـنــا رافــقــتــك الســـلامـــه = اصبحت ماضي واكثـر الناس ناسـيك
وعـيـنً بكـت لـك مــا عليـهـا مـلامـه = وكل ابـلــجً يـا رمـــز الاجــٰواد يبكيـك
يبكي عـلى الشـيخان وأهل الزعـامـه = اللــي تحــل المعـضــله والشـــرابيٰـك
اللــي عـلــٰى خٰـد التــواريــخ شـــامـه = قبٰل ان يجي وقت الضعٰوف الصعاليك
وقبـل الـدجـاجٰــه والـثـعـل والنـعــامه = قبـــل الــذي مـاجاب لا ذي ولا ذيــك
مـتــربـعـيـٰنً فٰــــوق ذروة سٰـٰـــنـامٰـه = هـذا الـوكـاد اللـي تـدوّن ابمــاضٰيــك
مجـدك تـرك عبر التـوارخ عــلامـــه = بصمٰـة شرف يــا بيــٰت تبقى تباريـك
وانـت الــذي بالنـفـس عـالـي مقـامـه = ولــو ابـعـدت يابيـت عنـا مشــاحـيـك

محمد سوعان الربيّع .....