::«مساجلة بين شاعر أهل العرفا السيف البتار محمد الطرقي بن قهيدان ومحمد بن دوهان»:: - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

02-16-2016, 02:21 PM

مساجلة بين شاعر أهل العرفا السيف البتار محمد الطرقي بن قهيدان وأخيه محمد بن دوهان:

* * *
نبـي انتـحـاور يـابـن دوهــان *** إلعـب معـي واقصـد هجينـي
وانـشـدك عــن نـيـة الـعـربـان *** رحـــــيــــــل وألا مــقــيــمــيــنــي
محمد الطرقي بن قهيدان
* * *
هـلا بـك يــا شـاعـر القيـفـان *** يـالــلــي هــروجـــك تـسـلـيـنـي
عـربــك وردوا عــلــى قـلـبــان *** علـمـي بـهـم واللـغـى شـيـنـي
محمد بن دوهان
* * *
مـيــة هـــلا فـيــك يالـفـهـمـان *** يــا راعـــي المـنـطـق الـزيـنـي
قــل للـعـرب سـالـت الـوديــان *** لا يــعــقـــلـــون الــبــعــاريــنــي
محمد الطرقي بن قهيدان
* * *
ســـج الـقــدم لـلـعـلا يــافــلان *** لأهــــل الـعــلــوم المـثـامـيـنـي
نـبــي نـقـطـف زهـــر بـسـتـان *** يـومــيــن والــمـــوت قـافـيـنــي
محمد بن دوهان
* * *
الطّيـب يــا صاحـبـي عـنـوان *** وربعك على الطّيب ضاريني
لا شـك تـرى الـزمـان أحـيـان *** يـعـكــس جـمـيــع الـمـوازيـنـي
محمد الطرقي بن قهيدان
* * *
الطّـيـب تـحـري بــه الغـلـمـان *** مــا هــو سـوالــف نسـاويـنـي
والعـلـم يظـهـر مــع الـعـربـان *** بـالـزيــن وألا عــلــى شـيــنــي
محمد بن دوهان
* * *
مـــا فـيــه عـــودٍ بـــلا دخـــان *** وبعض الدخن يعمي العينـي
مـار أنـت لا تعـذرب النـسـوان *** شــقــر الــعــذارى الـمـزايـيـنـي
محمد الطرقي بن قهيدان
* * *
الــرّس مــا يــروي العطـشـان *** والعـفـن مــا حــاش نعمـيـنـي
وتـر الأشـدّه مـا هــي كِتـبـان *** والذيب ما يجاضـع حصينـي
محمد بن دوهان
* * *
والــرّس مــا يـــاردة ضـمـيـان *** لــــو حِــــطّ فــوقــه مقـامـيـنـي
وراع الــردى قـــدرة الـحـقـران *** والطيـن طـول الـزمـن طيـنـي
محمد الطرقي بن قهيدان
* * *
ومن جا لنا له مكان وشـآن *** وحـنـا عـلـى الطّـيـب رابـيـنـي
وألـلـي يـبـي يطـلـب البـرهـان *** يــنــشــد رفـــيـــقٍ مـخـاويــنــي
محمد بن دوهان
* * *
مـــن ربـنــا نـطـلــب الـغـفــران *** ويـهــديــك ربـــــي ويـهـديـنــي
وأطـلـبـك يـــا مـنــزل الــقــرآن *** تــغــفــر ذنـــوبـــي وتـعـفـيـنــي
محمد الطرقي بن قهيدان
* * *
مـا قلتـهـا غـيـر أنــا شفـقـان *** عــلــى الــقـــروم الـعـزيـزيـنـي
الـبــيــت يـحــتــاج لـلـعــمــدان *** والـســاس يـحـتــاج تمـكـيـنـي
محمد بن دوهان
* * *
إنتهى..