في شاربي حطّيت للطِّيب خوّة=وحلفت أنا ما انساك يا خوّة الطّيب
ما اجنّب الـواجب ولا أنسـى المـروّة=هـذاك والله يـا ملا يلحقـه عـيب
مسلـم مصـلي ولا ادعـيت النبـوّة=وحـافظ حقـوق الجـار بلا شـكٍ وريـب
ولـيـا جلسـة بمجلـسٍ فيـه سـوّة=أحـذر المجلـس عـن السـوّ والـغيب
ورجـم الـحميّــا مـرقبٍ فـي عـلوّة=وكـل الـمشـاعـر للـحميّــا منـاديب
والسَّــلـم مـا اخـلّـيـه أعشـق سموّة=سلـمٍ لأهلنـا حـافظيـن المـواجيب
أهـل الـكـرم بـالـسِّــلم وبـالـحـرب قـوّة=أهـل السيـوف المـرهـفـات الـمـحـاديـب
لـيـا نـزلـوا فـي خـايـعٍ شـاخ دوّة=بـيـوت عـز وشـامـخـات مـطـانـيـب
وربـاعـهـم بـاللـيـل يـجـذبـك ضـوّة=نـعـم الـبـيـوت ولـلـكـرامـة مـعـازيـب
نـآخـذ مـن الـعـدوان بـالـسـيـف خـوّة=وتـاريـخـنا مـعـروف شـرق وتـغـاريـب
حـنّـا هـل الـعـرفـا مـا حـنّــا اربـوّة=عـشـنـا بـعـز مـدلـهـة شـمّــخ الـنـيـب
مـا هـمـنـا نـاسٍ بـالألـسـن اتـشـوّة=حَــكَّـايـة الـوجـهـيـن ولا تـنـفظ الـجـيـب
وحـنا نِــخِـيـل الـبـرق بِـعـده ونـوّة=ارجـال عِــرف ولا تـخـفـانـا الألاعـيـب
مـا قـلتـها مـجبـور وألا اتـفـوّة=للـذيب جرّة وللأفاعي مساحيب

***
شعر الشيخ
مشعل بن هدوان بن رشيد المصرب