بسم الله الرحمن الرحيم

إخواني الكرام / أعضاء ومتصفحي منتديات الشاعر والباحث عبدالله بن عبار
السلام عليكم ورحمة الله وبركاته وبعد :
إليكم الملحمة التغلبية قصيدة للشاعر الكبير / نابت بن حسن بن شجاع الحقبان الدوسري
رحمه الله وأسكنه فسيح جناته من أهل الأفلاج القصيدة في التغلبية المتوارثة ويقول فيها :



ألا هبـي بصحنـك واصبحينـا= ولا تبقـي خمـور الأندريـنـا
بديت ببيت مـن أبيـات جـدي =وغيـري للجـدود مضيعيـنـا
أنـا البـارح قضيتـه بالتفكـر=بمجد فـات فـي غبـر السنينـا
ا بمجـد فـي يديـن التغلبـيـه =وتشهـد بـه جمـوع العالمينـا
أراجع صفحة الماضي بقلبي =وأشـوف أفعالنـا كالفرقدينـا
فعـول مادخلهـا كـذب كـاذب= ولا جـاهـا لـفـاق مـلـفـقـيـنـا
ولا جاهـا مثـل هـذا وهـذا= وكـل خـابـر مـرسـى السفـيـنـا
فعول بيـض وقـت الجاهليـه= قـبـل بـعـث النبـي طـه نبينـا
قبل يبعث وبعـد البعـث حنـا =كتبنا العز فـي أعلـى الجبينـا
بخلي مجد مـا قبـل الرسالـه =لأنه فـي الكتـب ماهـو دفينـا
لأنه في الكتب واضـح مـؤرخ= سواليـف تغيـض الحاقديـنا
سواليف الأميـر كليـب وايـل= وأخوه الزيـر ذبـاح السمينـا
والأخطل وابن كلثوم المشبـب= وسيف الدوله الحمدان فينا
ابترك وقتهـم وابـدى بوقتـي= وأقول اللي بجوفي من سنينا
ألا يا نعـم يـا صبيـان تغلـب= وتغلب جمعهـا مـا لـه قـريـنـا
ملينـا نجـد والحـد الشمالـي= وحتى من ورا احـدوده ملينـا
جميعـاً نلتحـم فـي لاد تغلـب =جـمـوع لازهـمـنـاهـا تـجيـنـا
ولكن نجد واللـي عـاش فيهـا= غدوا بالدوسريه مـن سنينا
بحلف جابـه العرعيـر جـدي= بوقـت جـاه زايـد والضعـينـا
فقول الدوسريـه مـا وجدهـا =سوى العرعير جدي باليمينا
وكـل شاهـد بالقـول هــذا= ولا يـنـكـره رجــال فـطـيـنــــــا
ترى طول الشبب هو طولة لي= وقصدي واضح للسامعينا
وساس الدوسريه حول خمسـه= قـبـايـل تـغـلـبـيـه بـينـيـنـا
أبخذهم قصص ببـدي بروحـي=عسى الله يكتب الخيرة يعينا
نعـم يـا لابتـي لاد العـيـاضـي = ليا ادانـت تزيـد الديـن دينـا
نـرد الـكـيـل كـيـلـيـن وفـيــه= وينقـص كيـل عادينـا عـلينـا
ويشهد برك في قولـي ويومه= ومخـضـار وجـرهَّ شاهدينـا
خـذيـنـا بعـشرتـنـا حـول مـيـه =بشيخان العـدا قمنـا ابتدينا
تـلايـم ضـدنـا جـمـعـيـن لـكـن= خذيناهـم يسـار مـع يميـنـا
وصدوا كل جمـع فيـه وجعـه= بكبـده ينغـبـن منـهـا غبيـنـا
ومشوط من جنوب جاك عادي= يبي يكسب سواة الكاسبينا
وساق البل وابن شيبان يلحق= نعـم ياحمـود رد أم الحنينـا
نكـس بالبـل وخلاهـم جـثـايـا =كنخـل منـقـعـر ميـت سنيـنـا
جميعا موتـوا ياكـون مشـوط= ترك مكسـور مغبـون حزينـا
ومـثـلـه مـزيـد ضــده زمـانـه = جـويـع جـاك يبغـا يغتذيـنـا
معه من لابتـه تسعيـن حايـف= وكـل حـافلـه هجمـه بحيـنـا
لحقناهـم ثـمانـيـه واشتبـكـنـا= بـهـم وسـط اليتايـم وامنيـنـا
وجـيـنـا بالجهـام مـدورجيـنـه =وعـلـوان وربـعـه سالميـنـا
ولنا وسط الحسـا هيـه مريـه= حكاها الأجنبـي قبـل البطينـا
غدا عفاس مـن ربعـي نعامـه =وأبوليلـى وربعـه كالعجيـنـا
ولنا أكبر عطيـه جـات تذكـر=عـطينـاها آل زايـد بـا لسنينـا
وهي ياسامعـي بيـض اللهايـد =ويـومنـا عطينـاهـا عطيـنـا
مـن العـرعيـر للملطـوم زايـد= فـزايـد عـقـبهـا مـنـا وفيـنـا
وفلقتنـا سـرت بيـن القبايـل= مثـل سايـد ومشهـور حسينـا
تسمـى فلقـة الحقبـان لامـن= قرن عازة وصـارت عازتينـا
ونعـم بالمصاريـر الضـواري= هـل عشـر خـذوهـا باليمينـا
اهـل عـشـر تـعـلاهــا ذيـابـه= بـكـون تـاه فـيـه المعـتـديـنـا
تقاضوا في ولدعشرين شايب= وقالوا من طغاهم ماقتضينا
وابن عبود حـول بـه مضـرا = طليـفيـح زبـون المجرميـنـا
خذا الفنجال ثـم سمـا وشربه= وهو قد كـاد نـاس حاضرينا
وفـعـلا يـوم شـربـه مـاتـــردا= ألا يـاهيـه يـا فنجـال صـينـا
وشلفا حـزام كـل قـد سمعهـا =وكثـر بفعلـة حـزام الرطينـا
وابن الأعمى محمد بالخفيسه= وابن راحان في جنبه عوينا
عدو ورد المـلازم بالغـصايـب = معـالقـه لجـا الـلازم تبيـنـا
تعـزووا ثـم وردوهـا وأهلهـا=على جـال الهجال محـوربينـا
فـنـعـم وافــي لاد الحـبـيـبـي= فـهـم بـيـن التغالـب الأقربينـا
جميعاً في علـي يرجـع نسبنـا =فماجـد منهـم وعيـاض فينـا
وثـالـث لابـة فـي التـغـلـبـيـه= يـنـومـسنـا نـبـاهـا لاحـكـيـنـا
لهـا بالوقـت تاريـخ وفـعـايـل= لها السلطـان والعـز المكينـا
وهـي ياسامعـي لاد العميـري =عمـور مجدهـا مالـه ثميـنـا
لـهـا ديـره ألا يـاكـيـف ديـره= تضـم يسـود والديـره عرينـا
لفا الفيصل وتسع ألاف جيشه= يـخـرب كـل ديـره مايـليـنـا
ولا رده يكـون عمـور تـمـره= وجه بوجـه ماحطـوا كمينـا
وكـل شـاهـد بـالـقـول هــــذا =كما الهذيه بروس الشاهدينا
فـنـعـمٍ يـاعـمـورالـتـغـلـبـيــه = بـنـي عـم يجيـهـا مايجيـنـا
تعز الجـار ماترضـى هوانـه= وكـل بالجعيـري خـابـيـريـنـا
حشدواستاق جيشه صوب ليلى= يبي ابن الصباح المستهينا
وخرب مشرف قصر الصباحـي =فزع فـي فزعته دنيا ودينا
ولا لابن الصبـاح إلا التحسـر=يترجم حسرتـه بدمـوع عينـا
ومني للـذي راحـو وشاخـوا= بدار أجنـاب جـاوك شايخينـا
وهـم ياسامعـي لاد الخييلـي= ولا يـعـتـاز تـبـيـن الـمـبيـنـا
وهـم خيالـة الشرفـا وأهلهـا =ومدحتهـم تـرى حـق علينـا
فنعـم يامخـاريـز الرمـاحـي= أهل سيف وأهل حربـه سنينـا
أصد بعبرتـي لامـن طرت لـي =ديـار كانـوا فيـهـا نـازليـنـا
ديار في الحـزم وابـوخيالـه= عدوده من يسـار ومـن يمينـا
وخامـس لابـة فـي التغلبيـه= مشاويـة لـهـا القـاسـي يليـنـا
قبيلـة أفتخـرلا قـلـت عـنـهـا= قـبـيلـة اصلـهـا مـنـا وفـيـنـا
ترى المشوي يعـود للعياضي= وذا قـول الرجال المقطبينا
فهـذا حـن ياصبـيـان تـغـلـب= سـوالـفـنـا تجـدد كــل حيـنـا
سوالفنا لهـا الشيخـان تطـرب= وتطربنا وتطرب سامعيـنا
تنومسنـي سوالـيـف قـدايـم =تنومسنـي سوالـف الأوليـنـا
ليا مـن آنتهـى جيـل بطيبـه =تجيـك أجيـال عقبـه مقتفينـا
تجيب الطيب الأول ثـم تزيـده =كـذا الطيـب يـورث طيبينـا
وقصير البيت ناسم له عصاته =ويمسي وامن مع وامنينا
بـدعـنـا السـلـم هـذا وانتبعـنـا =فمت بوعيـن ماحن تابعينا
تسلسل ساسنا من راس علطا=عرب وأ صل العرب حناوأبينا
وختم القاف صلـى الله وسلـم= عـلـى طـه رسـول الله نبينـا