ابيات متواضعة في سعادة الأخ الكريم/ محمد بن سلامة العنزي
أحد المسؤلين في مجمع الملكة سعود الطبي في الرياض على حسن حفاوته وكرمه
وذلك أثنا تواجدنا في مجمع الملك سعود الطبي في منطقة الرياض بالمملكة العربية السعودية الشقيقة
وليس الكرم غريباً على عيال وايل فثمرة الطيبة من طيب شجرتها:-

لك الشكر والتقدير يالوايلي
بديت
جنابك على الماجوب فارس
وخيالي،،
نعم يا محمد بالكرم والوفاء
عديت،،
على الشامخ اللي مرتفع
مرقبه عالي،،
نصاك الرشيدي ماتعذرت
ماصديت،،
حسمت الأمور الكايده له
وبالحالي،،
انا باشهد انك بالكرم حاتمٍ
جاريت،،
حقيقه كرم حاتم ترا ماهو
امثالي،،
لقيتك مثل نجم الجدي فيه
انا دليت،،
نصيته على اليمه وقديت
محوالي،،
وصفتك شبيه اسهيل يالوايلي
لاطريت،،
لياشفت ضوح اسهيل تطري
على بالي،،
نعم ياذراء المحتار في لازمي
وفيت،،
سلايل هل الفزعات من ماكر
ارجالي،،
محمد سلامه ياطويق الوصف
حييت ،،
تهيظت من طيبك وطوحت
بعقالي،،
لبسني صطر راسي مع سيرتك
جريت،،
شجون الشعر يامعرب الجد
والخالي،،
تعنزت من وايل هل الطايله
والصيت،،
نعم في شيوخ العز من طيب
الافعالي،،
تغذيت من عناز من ماكرك
عليّت،،
سلايل هل الفزعات في ماض
الاجيالي،،
ترا هاذي اغصونك جدود الفخر
ماخطيت،،
حقايق صريحه ماهي اوهام
واقوالي،،
وهاذي خواطر سغتها مختصر
غنيت،،
تغنيت يوم اسمك على الطيب
غنالي،،
- اخوكم:-
سعد حامد ابن صبح الرشيدي
( دولة الكويت) saadsaad3007@gmail.com