سلام ترحيبا و طيب وحماسي
وسلام شموخا وعزا وتكريم.
قلتة بابن عبار مرفوع راسي
في منتدى الويلان للكل تسليم.
من ابن ثاني والمجال امتواسي
طويلعيا ينظم القاف تنظيم.
سلام سليما من اي التباسي
مصممن لطوال الاشبار تصميم.
مالة حدود ولا لحجمة قياسي
يعم جميع الدول والاقاليم.
لعيال وايل كاشفين المآسي
بعهودهم وحدودهم يبعد الظيم.
من لابة مثل الجبال الرواسي
في صفحة الامجاد لهم مراسيم.
امجادهم تثري ومنها اقتباسي
نوادرا تصعب على اي تقييم.
مافي حماهم ملجاء للخساسي
محطمين ارقام الامجاد تحطيم.
وباقي العرب ماقول فيهم مساسي
كل ديرة فيها كرام وشغاميم.
وكلن على ماقيل عندة احساسي
وكلن لة اهدافا وعندة مفاهيم.
بس اجتماع الراي شيا اساسي
والاتحاد الزم لزوم الملازيم.
وصلى الله وسلم سلاما سداسي
على محمد عد رحال ومقيم.
علي بن ثاني الطويلعي

السلام عليكم ورحمة الله وبركاته