ياهجوسي .... جاوبيني - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

10-01-2013, 02:46 PM

ياهـجــوسـي ... جــــاوبينــي

ياهجوسـي جاوبيني زان لي نظم القصيد ......... والمعـاني فـي بحـرهـا شـاقني طـاروقـها
ياحروف الشعر فزي وانجبي قافً جـديد ......... هيّظي هجس المشاعر وافتحي صـندوقها
شــرد القيـفان تـاتـي يـوم ادوه من بعـيد.......... تنثنـي مـن كـل صـوبً خـيلهـا مع نـوقـها
ودي اظهر ما بقلبي وافع الصوت ابأكيد ........ لاجل اخفف من همومً ماش وصف يفـوقها
واتبـع الونّـه ابـونّـه ثانيـه وارجع واعيد ......... كالصويـب الـلي جروحه نازفات اعـروقها
يمكن اخفـف ابـوحي والمعـاني والنشـيد.......... لـوعــةً دارت بنفسـي وانـمــزع معلـوقـهـا
طعنةً صابت افوادي للاسـف بيد العضيد.......... شــلت اعضــايا وكـوّت ضـامري بحروقها
ما هقيت ان الشقيق بلحظةً يصبح ضديد ......... ولاهـقيـت ان المـوده يختلــف مـنطــوقـهـا
كـن لـه عنـدي حقوقً ما لها من يستعيد ......... يحســب انـه زي نـاسً غـاديـات احـقوقـها
والله انـه كان عنـدي قـدره بقلبـي يـزيـد ......... والمــواثيــق القـديمـه حــالـفً مـا ابوقـها
حشـمتي لـه لاجـل واحـد الله يبيـحه فقيد........... اشـــهد انـه حــر وافـي والعيـوب يعـوقها
لاجـل هـذا صابـرً له والصبر مُـرّ وعنيد.......... كالــذي يـمســك بـكفـه جمـــرةً ويــذوقـهـا
اتحمّـل واتغـاظـا واحسب ان حلمي يفيـد ......... واثـرهـا نشـبه ولفـت حـول عنقـي طـوقـها
وانـا مـا عدّي لغيـره زلــةً والله شــهيد .......... ما ارخص بحقـي ونفسي حقها معشــوقها
ومن يعاندني فانا له بالزمن خصمً شديد ......... ولاارتعبـت من الافـاعي او فحيح اشدوقها
ولا يـروعني اعصارً يتحـد معـه الرعيـد ......... مؤمن وواثق بنفسي يوم اشــوف ابـروقها
مااختلف دايـم مساري لو يشبون الوقيـد ......... واطيّـب لاهــل النمـايـم لـو تســـدّ احلوقـها
محمـد بن سـوعان الربيّـع