نظم الأشــــــــعار 0 - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

05-26-2013, 11:07 AM

أن زان بالك ياحلو نظـم الاشعـار**يجيك من يسـر المعانـي سهولـه
تنقى القوافي مـن جزيلـه وتختـار**وتحفظ به علوم العرب والرجوله
الشعر وهبـه بالاحاسيـس ينـدار**يعبَر به المكنـون يسـرج خيولـه
كان العرب سفيرهم سابـق ٍ صـار**تاريخهـم يحفـظ مواقـع افعولـه
يتناقلونـه بينـهـم عـبـر الاداور**مبعوثهـم بيـن القبايـل رسـولـه
ياما حفظ كم وقعتـن تذكـر ذكـار**دوون وقايـع فعلـهـا بالبطـولـه
راحو اهلها وباقي ٍ علـم الأخبـار**ذكر لهم مـع العـرب كـم جولـه
مثبت وقايعها ما احد ينكـر انكـار**وصف الحدث تصوير ماهي مقولـه
حفظ ثناء اهل الطيب وطوال الاشبار**يوم الزمان الـي شيوخـه زحولـه
يوم العرب مقدامهـا جـل وخيـار**المجد يصعب للرجل فـي وصولـه
نفوسهـم بالعـز مابثـت اســرار**كـل ٍ يمـوت بعـز وراء رحولـه
افعالهـم وعقولهـم قـوم ٍ كـبـار**والرجل يحكـم ديرتـه تقـل دولـه
ويقدسون الجـار حشمـه ومقـدار**وحلالهـم مايقـرب الـدار حولـه
ودستورهم اسلوم اهلهم لهـم كـار**جيل ٍ وراء جيل ٍ مشى فيـه سولـه
عبرت مافي خاطري قلتـه اظهـار**وحنا بزمان العولمـه فـي نزولـه
الكذب سموه السياسـه لـه ستـار**واسـم الربـاء بالفايـده بحبحولـه
واصبح سفيه القوم يؤخذ له اشـوار**والمـال يمَـن بالحراسـه نطولـه
والصدق دونه سور الكذب بأسـوار**من كل حدب وصوب تجتنا فلولـه
والحق ميزانـه بـدأ الميـل ينهـار**في سلعته تـوزن عقـولاً جهولـه
وقت ٍ يحير عاقـل النـاس يحتـار**يخلي رجيـح العقـل عقلـه يثولـه