قصة الدخيل.... قصة محمد بن مهلهل الشعلان. - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

04-17-2013, 10:11 PM

قصة الدخيل.... قصة محمد بن مهلهل الشعلان.
--------------------------------------------------------------------------

قصة محمد بن مهلهل الشعلان .
كان على ابن مهلهل دم بسبب قتله لأحد ابناء عشيرته.. فجلا عن قومه مده طويله من الزمن عند احدى القبائل المجاورة , ثم أن اهل القتيل سامحوه ورضوا بالديه .. فعاد فرحا ً مشتاقا ً الى أهله طول غياب .... ويوم وصل لمشارف قبيلته شاف ظول عند مارد الما . ويسمع اصواتهم عالية فتوجه اليهم .. ويوم اقبل على الصوت ..!! والا اثنين منهم يركضون واحد يطرد الثاني؟ ويوم وصله الاول قاله : بوجهك تراني بوجهك يارجل!؟ وهو يصير ورى ابن مهلهل ويحتمي به؟ وجا الثاني معه سيف يبي يذبحه ..؟ قاله ابن مهلهل : دخيلي يارجل ... عين خير دخيلي؟ لكن هذاك جاي ذبــّــاح؟ وماطاع يبي يضرب دخيله من وراه!؟ وهو يسل ابن مهلهل سيفه وهو يذبحه .. دفاعا عن دخيله..؟! وهو يرجع مع اثره...!! جالي عن ربعه ومتغرب مره ثانيه!؟ وقال هالقصيده الجميلة اللي اخذت اصداء واسعه في وقتها
يامـل قلـب ٍ كـل هـم ٍ يمسـه * * * * * * مس الحبـال مهـاوزات الأظلـه
طس السبيل من اصفر اللون طسه * * * * * الشاوري يجلي عن القلـب علـه
من كيس قـرمٍ دايـم ٍ مايدسـه * * * * * *تلقاه مقروط ٍ علـى جـال دلـه
لاشفت ظول الناس بالـك تعسـه * * * * * *لاجنبـك شـر المخاليـق خلـه؟
لو عندنا من غيب الايـام رسـه * * * * * *الآدمـي مصلـوح نفسـه يدلـه
يالله ياللي كـل صـوتٍ تحسـه * * * * * *عقد البلش غير انت محـدٍ يحلـه
تفرج لمن مثلـي زمانـه يرسـه * * * * * *عليه من بعض المعانـي مملـه
عليه من بعض المعانـي محسـه * * * * ** ساعة خرج من علة ٍ جـاة علـه
البوم يفرس والفهد صـار بسـه * * * * ** * * تبدلـت دنيـاك يافـطـن ٍ لــه
الخلا كيف الضواين تنسـه * * * * والصلح من راع الغنم ماحصل له
القبس يـورد والظوامـي تلسـه * * * * * والمزن عطشا والوطـى مايبلـه
لاصار عن حقك سلاحـك تدسـه * * * * * ماينقعد لك في حضون المذله ..!!

وابن مهلهل نفسه .. ذهب الى قوم بعيدين ليصبح دخيل عندهم !؟ بعد أن منّا نفسه بالعودة سالماً ودفع الدية ..... ولم يأخذه الندم على مافعل ، لأن المروءة والأصالة البدوية تحتــّم عليه ذلك في حماية الدخيل وبذل الغالي والنفيس لحمايته ..... وسلامتكم

منقول..............