ياتل قلبي تل ركب لشرشوح


ربعٍ على تالى الدبش خاطفينه


شافوا وراهم مشعل الشيخ له ضوح


وتنحروا ضلعٍ زما وا بينه


شلوا خفافة وادرجٍ كنه الدوح


ايضاً ولاش مبندقٍ مرد فينه


وقالوا ترى من فاخت الجيش مذبوح


ربعٍ قطوع ووسمهم عارفينه


على الذى قلب الخطا منه مجروح


=وعيني بكت والقلب بيّح كنينه


له مغلقٍ في داخل الروح مفتوح


وعن حب غيره مغلقٍ صارفينه


مانيب عشاقٍ على غير مصلوح


يضحك لخلانٍ وهم عايفينه


المقفى اقفى عنه لو كان مملوح


والمقبل انهض له شراع السفينه


مالي بعدٍ طول الايام مميوح


ماينعرف صدّارته من عطينه


عدٍ يتله مالي كل حابوح


صبحٍ مصاديره وتجذب دفينه


شفى بشربه قلتة دونها صوح


عميا الصنوع ودربها خابرينه


كم ليله خطرٍ خطرها على الروح


نرعى حماه ومرقبه مشرفينه


واثماره اللى ناعمات بلا قوح


تحت خراميس الدجى خارفينه


نمسى ولا حملٍ من الهم مطروح


ونصبح سلوم وحملهم جادعينه


سيد العذارى كامل الزين مملوح


والسحر في مقرن حجاجه وعينه


والجيد جيد غزيل طالع شبوح


شاف القنوص وجاء مجرود بينه