نوامسه ماحداًيقرب احماها***صوارماً تارد احياض المنيه - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

08-28-2011, 12:54 AM

هذه القصيده قالها الشاعر الكبير سعود بن ضفيدع الجعفرى بالشيخ مساعد بن نومس فى احد المناسبات

سميت بعازل ليلها عن ضحاها=علام في سر الامور الخفيه
الي حفظ في داخل العين ماها=نرجيه في يوماً يشيل طميه
ام الضنا تمشي وتترك ضناها=عريا ضمايا والمواطي حفيه
خذ الحذر يامن بغيه تباها=ترى ليال العمر ماهي مديه
بعد بديت بيوت زينن لغاها=هديةًلاهل الوجيه الرضيه
سعود يامساعد بوده بداها=بالعود والريحان وازكى تحيه
يسوقها شوق القلوب وصفاها=لاعيال عايد كلبوهم سويه
ياشيخ نومس باللوازم ذراها= ان ركبت سرد السنين السنيه
نوامسه بالطيب تقهر اعداها=اعيال عايد بالنسب جعفريه
عيال محمد واضح الي وراها=وكثر الحكي اشوف ماله دعيه
سلام ياربعن يشرف لقاها=يامن بها كثر الوفاء والحميه
الي بدرب الطيب تمشي اخطاها=دايم بدرب الطيب تمشي جريه
زحول الرجال الي قديماً وفاها=افعالهم بالطيب ماهي خفيه
مبروك ياسطَام الاعادي عماها=عسى لياليكم جميعا هنيه
يامن عن التقصير تحشم الحاها=الي مواقفها اجساماً عليه
نوامسه ماحداًيقرب احماها=صوارماً تارد احياض المنيه
صوارماً ترمي البقعاء عشاها=يوم الرماح ودور بنت العبيه
اعيال عايد عز منهو نصاها=روس الرجال مدلهين الرعيه
اعيال نومس كان ضلم سماها=كم رموا بسيوفهم من دهيه
ترسي ان كان الشهب لجلج عواها=تخضع لهم روس الرجال القويه
حق علي اجيب دعوة نداها =واحط ايدي مع يديهم سويه
مير اسمعو كلمه وصلكم صداها=ماتسمع هرج النفوس الرديه
ربعك ترى ملزوم تدمح خطاها=حتى الهرم تبقى حصونه قويه
ربعك لشان الوقت يذري ذراها=هذي عباتك يابن عمي دفيه
ان صار فيها فتوق فرحو اعداها=يطمع بها الخايب ومنهو حليه
الناس هذي وشو الي دهاها=الكل منهم قام ينهش خويه
جينا وفاء لاهل الوفاء من وفاها=واختامها بالعود والشاذليه
صلوا على خير النبيين طاها=مواقفه بالحق بيضاء جليه