سلامتـك ياسيّـدي عـلّ مـابـاس=جِعله طهـور الله يديمـك ويشفيـك
الله يديمـك للوطـن عالـي الـراس=والله يحقـق يابـو متعـب مساعيـك
لو انها بالكيـف ماجـاك الاوجـاس=يجي بنا دونك عسى الـروح تفديـك
لك وحشة ٍ ياسيّـدي عمّـت النـاس=بوجيه شعبـك بانـت الكـلْ مغليـك
غلاك فيهم جارين مجـرى الانفـاس=ولهم تـردْ الـروح ياحـلْ طاريـك
فيك المروّه والصخا وللكـرم سـاس=وانت المراجـل سيّـدي كلّهـا فيـك
شعبك وفي وانت الوفا وللوفـا راس=من غيبتك وقلـوب شعبـك تناديـك
وكبودهـم ياسيـدي حيـل يـبّـاس=تبـي لقـاك الله يعيـدك ويحمـيـك
شوق المواطـن للقـا مالـه اقيـاس=وشوق الوطن لخطاك وطاهر مواطيك
لدارك وشعبك دايم الوقـت نومـاس=دارك واهلها راسيـه فـي موانيـك
يزهى الوطن في جيّتك زين الالبـاس=ياوسـوم دارك أخـذل الله مِعْـديـك
لو يفرشون الارض لؤلؤ مع المـاس=ماسدّدوا لك يابـو متعـب حسانيـك
اهلآ هلا صِدق المشاعر والاحسـاس=تنثّـرت والشعـب قـبّـل أيـاديـك
ياسيّـدي لابـاس لابـاس لابــاس=لاهـان راسـك لاعدمنـا مجانيـك